بەتتى ساقتاۋ |باس بەت قىلۋ |ءبىز تۋرالى|حابارلاسىڭىز|حات ساندىعى
ۇلت ماقتانىشى ــ جانار ساعات قىزى
ىسپانديار سولتاش ۇلى
2010.12.31 17:24     كەلۋ قاينارى : حالىق تورابى
{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ  
      
جانار ساعات قىزى كينونىڭ باستاپ ءتۇسىرىلۋى سالتىندا

  ەلىمىزدەگى ماڭىزدى توراپتاردىڭ ءبىرى حالىق تورابىنىڭ 2010-جىلى 28-جەلتوقسان كۇنگى ەل ءىشى حابارلارى بەتىنە «ايگىلى قازاق رەجيسسەر جانار ساعات قىزىنىڭ رەجيسسەرلىك ەتكەن تەلەفيلمى» اتتى سۋرەتتى ءارى دىبىستى حابار بەرىلدى. وندا «تاڭ الدىنداعى استىرتىن سايىس» اتتى تەلەفيلىمنىڭ باس رەجيسسەرى جانار ساعات قىزى، بۇل تەلەفيلىم ورتالىق تەلەۆيزياسىنىڭ 1-ارناسىنا، جىل باسى 1-قاڭتارداعى تاراتىلاتىن جاڭا تەلەفيلم رەتىندە تالدانىپ، ءار كۇنگى التىن ۋاقىتتا دۇيىم جۇرتپەن جۇزدەسەتىن بولدى،- دەپ تانىستىرىلدى. رەجيسسەر جانار ساعات قىزى بۇدان بۇرىن دا «قۇرىش قالاي شىنىقتى»، «رەسپۋبليكا قارساڭى»، «ءبىر ءداۋىردىڭ جاستارى» سياقتى ايگىلى تەلەفيلمدەرگە رەجيسسەرلىك ەتكەن بولاتىن.

  جانار ساعات قىزىنىڭ ءوزى قىزىققان ونەرى جولىندا، ءبىر ميلليارد حالىقتىڭ قاتارىنان قارا ءۇزىپ، وسىنداي تاماشا ابىرويمەن العا شىعۋى ــ بويىندا قازاق قانى بار ءار ازاماتتىڭ جۇرەگىن جىلتىپ، ماقتانىش سەزىمىن قوزعاپ، ۇلتتىق رۋحىن سومداي تۇسەرىندە داۋ جوق دەپ ويلايمىن.

  رۋحى ۇستەم، يراداسى مىقتى ۇلت بۇگىنگى مىناۋ تارتىسى مەن تابىسى مول باسەكەلى قوعامدا ەشۋاقىتتا وزگە ۇلتتان ۇتپاسا ۇتىلمايدى. ول ءارقاشان كۇللى تىرشىلىگىنە تىڭ ءورىس اشىپ العا ىلگەرىلەپ وتىرادى. قازىرگى اقپارات ارنالارىندا ۇلتىمىزعا ءتان قاسيەتتەرىمەن، قوعامدىق ىزدەنىستەرىمەن، ەڭبەككەرلىگىمەن، كاسبي ماماندىقتارىمەن، سپورتتىق ناتيجەلەرىمەن، تەحنيكالىق تاپقىرلىق جاراتۋ تالپىنىستارىمەن، ءوز ويعا العان ىستەرىنەن تاۋداي تابىس جاراتىپ، ءوزىن دە، وزگەنى دە يگىلىككە كەنەلتىپ، كوپكە ۇلگى، ونەگەلىك رول اتقارۋلارىمەن ارداقتالىپ، ماراپاتتالىپ، وزگە جۇرتپەن ۇزەڭگىلەسىپ، تەڭەسىپ جاتقان ازاماتتارىمىزدى كورگەنىڭىزدە ولاردىڭ وسكەلەڭ ىزدەنگىش رۋحىنا ايرىقشا سۇيىنبەي تۇرا المايسىز. ءيلايىم وسىنداي ۇلت نامىسىن ارداقتاپ، حالقىنىڭ مارتەبەسىن اسقاق كوتەرەتىن تەرەڭ ويلى تەكتى تۇلعالار قاشاندا كوبەيە بەرگەي دەپ ويلايسىز ارينە. ءبىز مۇنداي جاستارىمىزدىڭ بولعانىنا، ولاردىڭ قاتارىنىڭ بارعان سايىن مولايىپ كەلە جاتقانىنا شىنىندا ماقتانۋعا حاقىلىمىز.

  بىلايعى جەردە، ۇلتىمىزدىڭ مارتەبەسىن بيىك كوتەرۋ ءۇشىن، ءاربىر قازاق ازاماتىندا ەڭ اۋەلى ءوز ۇلتىنىڭ ارداقتى اتىن اسپانداتۋ جولىندا تىنباي قۇلشىنىس جاسايتىن شىنايى ۇلتجاندىلىق يدەيا، ىزگى ىزدەنىس، قاجىرلى تالپىنىس بولۋعا ءتيىس. تەك وسىنداي قاسيەت ءاربىر ازاماتىمىزدىڭ كوڭىل تۇكپىرىنەن وشپەستەي ورىن العاندا عانا ولار ۇلتىمىزدى ۇلاعاتتىلىققا باستاي الاتىن بولادى. ۇلت تا، ۇلتتىڭ رۋحى دا ەڭ اۋەلى ونىڭ جاستارىنىڭ جالىندىلىعىمەن، پاراساتتىلىعىمەن، ىسكەر الىمدىلىعىمەن تانىلادى. جاستارىنىڭ وسىنداي قاسيەتتەرگە يە بولا الۋى ۇلتتىڭ ءوزىن دە ونىڭ ەرتەڭگى بولاشاعىن دا تاماشا تابان تىرەر تياناقپەن قامتاماسىز ەتە الادى. بەلگىلى ءبىر ۇلت ازاماتى ءوز ۇلتىنا قاراتا «ماعان ۇلتىم نە بەرەدى دەپ ەمەس، مەن ۇلتىما نە بەرەمىن»-، دەپ ءومىر ءسۇرۋى قاجەت. سوندا عانا ونىڭ ءومىرى ماعىنالى، ءماندى ەسەپتەلمەك. رەال ومىردە ۇلتتىق رۋح ۇلتتىق سانانى قالىپتاستىرىپ، ونى جوعارى دەڭگەيگە كوتەرەتىن رۋحاني ۇيتقى، ءبىر ۇلتتى ءومىر سۇرۋگە، دامۋعا، قۇدىرەتتەنۋگە جەبەيتىن قۇدىرەتتى قوزعاۋشى كۇش رولىن اتقارادى.

  بۇل كۇندەرى ءوز داۋىرىنە ساي تاماشا تاربيە كورىپ، وڭ باعىتتا ءوسىپ-جەتىلىپ، قوعامدىق ءومىردىڭ ءار شەبىنەن وزىندىك ورنىن يەلەپ، كەتىگىن تاۋىپ قالانا باستاعان كوپتەگەن جاستارىمىز حالقىمىزدىڭ ەڭبەكشىل، پاراساتتى، باتىل، ىسكەر، ءبىلىمدى دە يبالى قاسيەتتەرىن بويلارىنا دارىتىپ، وسىزامانعى ونەر ءبىلىم مەن وركەنيەتتى ومىرگە قۇشتارلانا قۇلشىنىس جاساۋدا. دامىعان داۋىرىمىزگە لايىق وسىنداي جاڭا قاسيەتكە يە، مادەنيەتتى، ءبىلىمدى، سەگىز قىرلى ءبىر سىرلى جاستار قاتارىنىڭ بارعان سايىن مولايا ءتۇسۋى ادامدى شىنايى ماقتانىش سەزىمىنە بولەپ، كەلەشەككە زور ۇمىتپەن قاراۋعا جەبەي تۇسەرى انىق. ەڭ قاراپايىمى ولار ءوزىن وزگە تۋىسقان ۇلت ازاماتتارىمەن سالىستىرىپ «مەنىڭ سەنەن قاي جەرىم كەم»، «سەن ىستەگەن ءىستى مەن دە ىستەي الامىن»،- دەيتىن ءورشىل رۋحتى قالىپتاستىرىپ كەلەدى. ولاردا ۇلت نامىسى ــ مەنىڭ نامىسىم دەيتىن نامىسكەرلىك يدەيا، ءارقاشان جاڭالىق جاراتىپ، ءورىس اشا العا ىلگەرىلەي الاتىن باتىلدىق پەن ىسكەرلىك سىندى تاماشا قاسيەت بارعان سايىن كۇشەيە تۇسۋدە.

  ءسۇيتىپ، بۇگىنگى تاڭدا ەلىمىزدەگى ءبىر جارىم ميلليون حالىق سانىنا يە قازاق ۇلتى اراسىندا، تۇتاس قوعامنىڭ ءار سالا، ءار شەبىندە، وزدەرىنىڭ جاپالى ەڭبەك جەمىستەرىمەن، تاماشا ىزدەنىس، تالپىنىستارىمەن ۇلتىمىزدىڭ ارداقتى اتىن اسپانداتىپ جۇرگەن نەبىر كورنەكتى ۇلگى، ايتۋلى تۇلعالاردىڭ قاتارى دا ۋاقىت وزعان سايىن مولايۋدا. انە سول قاتارداعى جاستارىمىزدىڭ كورنەكتى ۋاكىلدەرىنىڭ ءبىرى ــ جانار ساعات قىزى دەپ ايتساق تىم ارتىق بولمايتىنداي.

  جانار بۇل كۇندەرى ءوزىنىڭ ءبىرتۋار تالانتتىلىعىمەن، بولمىسى بولەك، وزگەشە قاسيەتىمەن ءوز ۇلتىنىڭ ارداقتى قىزىنا اينالىپ قانا قالماي، قايتا تۇتاس ەل ماقتانىشىنا اينالا ءبىلدى. قازاق حالقىنىڭ تاريحىندا ەسىمى تۋعان وتانى مەن ءوز ۇلتىنىڭ البومىنا التىن ارىپپەن جازىلعان كورنەكتى تۇلعالار از بولماعان. اسىرەسە، تۋعان حالقىنىڭ ماقتانىشىنا اينالىپ، ۇلت رۋحىن جوعارى دەڭگەيگە كوتەرگەن دەگدار جانداردىڭ ازاماتتىق ابىرويى، كىسىلىك قاسيەتى تىم ەرەكشە قاستەرلەنىپ كەلگەن. اتام قازاق «جاقسى قىز ــ جاعاداعى قۇندىز» دەۋشى ەدى، مەن جانار قارىنداسىمىزدى اسپانداعى جۇلدىزعا تەڭەيمىن. قاشاندا جۇلدىزىڭ جانىپ، جارقىراي بەرسىن، ۇلت ماقتانىشى بولعان اياۋلى قارىنداس ــ جانار ساعات قىزى.

  ” سوڭى“

  اۆتوردىڭ قىزمەت ورنى: التاي ايماقتىق پارتيا مەكتەبى
جاۋاپتى رەداكتورى : نۇرعيسا قۇرمانجان ۇلى
حابارلار
كوپ مەديا
ۇلتتىق مانەر
تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ ىستەتۋگە بولمايدى
Copyright © 1997-2010 by www.people.com.cn. all rights reserved