بەتتى ساقتاۋ |باس بەت قىلۋ |حات ساندىعى |حابارلاسىڭىز|ءبىز تۋرالى
«ۇلتتار ادەبيەتى» جۋرنالىنىڭ 30 جىلدىعىن قۇتتىقتاۋ جينالىسى بىيجيڭدە وتكىزىلدى
2011.01.13 13:43     كەلۋ قاينارى : حالىق تورابى
{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ  
      
«ۇلتتار ادەبيەتى» جۋرنالى قۇرىلعاندىعىنىڭ 30 جىلدىعىن قۇتتىقتاۋ جينالىسى بىيجيڭدە وتكىزىلدى

  ءتىلشىمىز نۇرعيسا 12-قاڭتاردا بىيجيڭنەن حابارلايدى. ەلىمىزدەگى از ۇلتتاردىڭ بىردەن-ءبىر مەملەكەت دارەجەلى ادەبي جۋرنالى ـــ «ۇلتتار ادەبيەتى» جۋرنالى وقىرمانمەن جۇزدەسكەلى 30 جىل بولدى. 2011-جىلى 12-قاڭتار تۇستەن بۇرىن «ۇلتتار ادەبيەتى» جۋرنالىنىڭ 30 جىلدىعىن قۇتتىقتاۋ جينالىسى بىيجيڭدە وتكىزىلدى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى سىمايىل تىلەبالدى، مەملەكەتتىك ساياسي ءماسليحات كەڭەسىنىڭ ورىنباسار ءتوراعاسى ابىلەت ابدىرەشيت، مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى بۇحى، تەمىر داۋامات قاتارلى باسشىلار سونىمەن قاتار جۇڭگو جازۋشىلار بىرلەستىگى، ورتالىق بىرلىكساپ ءبولىمى، مەملەكەتتىك ۇلتتىق ىستەر كوميتەتى قاتارلى قاتىستى ورىنداردىڭ باسشىلارى جينالىسقا قاتىناستى.

  قۇتتىقتاۋ جينالىسىندا «ۇلتتار ادەبيەتىنىڭ» 2010-جىلدىق باعالاۋىندا سيلانعان شىعارمالاردىڭ اۆتورلارىنا سيلىق تاراتۋ سالتى سالتاناتپەن وتكىزىلدى. سيلانعان شىعارمالار اڭگىمە، سانۋىن، ولەڭ، شولۋ، از ۇلتتاردىڭ ۇلتتىق ءتىل-جازۋىنداعى تۋىندىلار، از ۇلتتاردىڭ ۇلتتىق ءتىل-جازۋىنا اۋدارىلعان شىعارمالار قاتارلى بەس ءتۇر بويىنشا باعالانعان. ۇيعۇر جازۋشىسى قايسار قييۇمنىڭ ۇيعۇر تىلىندەگى تۋىندىسى «الما اعاشى استىنداعى ءتۇس» اڭگىمەسى، قازاق جازۋشىسى ەركەش قۇرمانبەك قىزىنىڭ «كەلىن» اتتى اڭگىمەسى قاتارلى شىعارمالار سيلاندى.

  «ۇلتتار ادەبيەتى» جۋرنالى 1981-جىلى قۇرىلعان، 30 جىلدان بەرى 55 از ۇلت جازۋشىلارىنىڭ 50 ميلليون ارىپتەن استام شىعارماسىن جاريالاپ، از ۇلت ادەبيەت سالاسىنداعى ءبىر توپ ۇزدىك جازۋشىلاردى تاربيەلەپ، ەلىمىزدىڭ ادەبيەت سالاسىنىڭ دامۋىن بارىنشا ىلگەرىلەتتى. 2009-جىلى «ۇلتتار ادەبيەتى» جۋرنالىنىڭ موڭعۇل، زاڭزۋ، ۇيعۇر قاتارلى ءۇش از ۇلتتىڭ ءتىل-جازۋداعى جۋرنالى جارىق كورىپ، ەلىمىزدەگى از ۇلتتاردىڭ مەملەكەتتىك جۋرنالى جوقتىعى سىندى تاريحتى اياقتاتتى، بۇل شارا پارتيا مەن ۇكىمەت باسشىلارىنىڭ بارىنشا قولداۋى مەن قامقورلىعىنا يە بولدى، زۇڭلي ۋىن جياباۋ جۋرنالعا بىلاي دەپ ارناۋ ءسوز جازدى: «ۇلتتار ادەبيەتى قىزمەتىن ويداعىداي ىستەپ، ۇلتتار ىنتىماعىنىڭ العا باسۋىن ىلگەرىلەتەيىك». «ۇلتتار ادەبيەتى» ۇلتتار اراسىندا كوپىرلىك رول اتقارىپ، كوپ ۇلتتىڭ مادەنيەتى مەن سانا-سەزىمىن ءوزارا توعىستىرىپ، ادەبيەتتىڭ مەملەكەت، زامانا جانە قوعام الدىنداعى تەرەڭ ءمانىن ايقىنداۋدا.

  كەلۋ قاينارى: حالىق تورابى

  سۋرەتتەر توپتاماسىن مىنا ارادان كورىڭىز

  
ەركەش قۇرمانبەك قىزىنىڭ «كەلىن» اتتى اڭگىمەسى «ۇلتتار ادەبيەتى» جۋرنالىنىڭ 2010-جىلدىق باعالاۋىندا سيلاندى.

جاۋاپتى رەداكتورى : نۇرعيسا قۇرمانجان ۇلى
حابارلار
كوپ مەديا
ۇلتتىق مانەر
تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved