بەتتى ساقتاۋ |باس بەت قىلۋ |ءبىز تۋرالى|حابارلاسىڭىز|حات ساندىعى
ورتالىقتىڭ ءۇنىن اۋىلعا جەتكىزگەن 40 جىل
2011.06.30 08:22     كەلۋ قاينارى : حالىق تورابى
{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ  
      
تالقى جيىنىنا قاتىناسقاندار توپتىق سۋرەتكە ءتۇسىپ ەستەلىك قالدىردى.

  ءتىلشىمىز نۇرعيسا قۇرمانجان ۇلى 29-ماۋسىمدا بىيجيڭنەن حابارلايدى. 29-ماۋسىم كۇنى تۇستەن بۇرىن، ورتالىق حالىق راديو ستانسياسى قازاق راديوسى قۇرىلعاندىعىنىڭ 40 جىلدىعىن ەسكە ءتۇسىرۋ تالقى جيىنى بىيجيڭدە اشىلدى. بىيجيڭ مەن شينجياڭنان كەلگەن ماماندار مەن وقىمىستىلار جانە قازاق راديوسىنىڭ تىڭدارماندارى بولىپ 150 ادام تالقى جيىنىنا قاتىناستى.

  راديو تەلەۆيزيا باس مەكەمەسىنىڭ ورىنباسار مەڭگەرۋشىسى گاۋ چاڭلي، قازاقستاننىڭ جۇڭگوداعى باس ەلشىلىگىنىڭ اقىلشىسى قازىبەك، سونىمەن قاتار، شينجياڭداعى قاتىستى ورىنداردان كەلگەن باسشى جولداستار تالقى جيىنىنا قاتىناستى. ورتالىق حالىق راديو ستانسياسىنىڭ ورىنباسار باستىعى جاۋ تيەچي، شىنجياڭ ۇيعۇر اۆتونوميالى رايوندىق ايەلدەر بىرلەستىگىنىڭ ورىنباسار ءتورايىمى كۇلاش ابدوللا قىزى، شينجياڭ قوعامدىق عىلىمدار اكادەمياسىنىڭ ورىنباسار باستىعى كۇلان، ورتالىق حالىق راديو ستانسياسى قازاق ءبولىمىنىڭ باستىعى قاناتبەك جۇماباي ۇلى، ساقا قىزمەتكەرلەردىڭ ۋاكىلى قابىكەش ساليح ۇلى قاتارلىلار ءسوز سويلەدى.

  جاۋ تيەچي سوزىندە قازاق راديوسىنىڭ قىرىق جىلدان بەرى جەتكەن جەتىستىكتەرىن، پارتيا مەن ۇكىمەتتىڭ ءۇنىن قالىڭ قازاق وتباسىلارىنا جەتكىزىپ، ۇلتتار ىنتىماعىن نىعايتۋ، وتان تۇتاستىعىن، قوعام ورنىقتىلىعىن قورعاۋ، قازاق ۇلتى قونىستانعان وڭىرلەردىڭ ەكونوميكاسىن گۇلدەندىرۋدە ەتكەن ەڭبەگىن جوعارى باعالادى. ارەدىكتە بىيجيڭدەگى جانە شينجياڭداعى قاتىستى ورىنداردىڭ، جەكەلەردىڭ قۇتتىقتاۋ حاتتارى وقىلدى. ىلە-شالا ءسوز العان ورتالىق حالىق راديو ستانسياسى قازاق ءبولىمىنىڭ مەڭگەرۋشىسى قاناتبەك جۇماباي ۇلى قازاق تىلىندەگى راديونىڭ جاعدايىن ەگجەي-تەگجەيلى تانىسىتىردى. ساقا قىزمەتكەرلەردىڭ اتىنان مىنبەگە كوتەرىلگەن قابىكەش ساليح ۇلى ورتالىقتاعى قازاق تىلىندەگى راديونىڭ جوقتان بار بولىپ، بىيجيڭدە شاڭىراق كوتەرگەن سوناۋ جىلدارى جايلى سىر شەرتىپ، ورتالىق حالىق راديو ستانسياسىنداعى ساقا قىزمەتكەرلەردىڭ راديونىڭ ىستىعىنا كۇيىپ، سۋىعىنا توڭىپ، سول ءبىر ماشاقاتتى جىلداردى قالاي وتكىزگەنىن كوز الدىمىزعا ەلەستەتتى.

  ساعات 10:30 دا، جيىننىڭ بەتاشارى مارەسىنە جەتىپ، الىس جاقىننان جيىنعا كەلگەن قۇرمەتتى قوناقتار توپتىق سۋرەتكە ءتۇسىپ ەستەلىك قالدىرعان سوڭ، جيىن رەسمي تالقى كەزەڭىنە ءوتتى. استانامىز بىيجيڭ مەن الىستاعى شينجياڭنان جيىنعا قاتىناسۋعا كەلگەن ۋاكىلدەر ورتالىقتاعى قازاق راديوسىنىڭ جەتكەن جەتىستىكتەرىن جوعارى باعالاپ، ورتالىق حالىق راديو ستانسياسىنىڭ قازاق راديوسى مەن جەرگىلىكتى ورىندارداعى قازاق ءتىلدى راديولار اراسىنداعى سەلبەستىكتى قايتكەندە ىشكەرىلەي دامىتۋعا بولاتىندىعى جونىندە وزدەرىنىڭ پىكىرلەرىن ءبىلدىردى.

  تالقى بارىسىندا، ورتالىق حالىق راديو ستانسياسى قازاق ءبولىمىنىڭ ۇسىنىس ەتىپ، باس بولۋىمەن قازاق تىلىندەگى راديو قوعامى قۇرىلدى، بۇل ورتالىق راديو ستانسياسى مەن جەرگىلىكتى ورىندارداعى راديو ستانسيالارىنىڭ بولاشاقتاعى سەلبەستىگىنە بەرىك نەگىز قالادى.

  1971-جىلى ورتالىقتىڭ بەكىتۋىمەن، ورتالىق حالىق راديوسىنىڭ قازاق تىلىندەگى راديوسى تاراتىلا باستاعان. باستابىندا قازاقشا راديو كۇنىنە جارىم ساعات تاراتىلعان، 40 جىلدان سوڭعى بۇگىنگى كۇنى قازاقشا راديو كۇنىنە 7 ساعات تاراتىلادى. 2010-جىلى 17-جەلتوقساندا قازاقشا راديونىڭ تورابى اشىلىپ، ەل ءىشى-سىرتىندا جاقسى اڭىس قوزعادى.

  سۋرەتتەر توپتاماسىن مىنا ارادان كورىڭىز

  قاتىستى حابارلار:

  ورتالىق حالىق راديو ستانسياسىنىڭ تۇڭعىش كەزەكتى قازاق تىلىندەگى ەرىكتى تىلشىلەر كۋرسى التايدا اشىلدى

   ورتالىق حالىق راديو ستانسياسىنىڭ 2- كەزەكتى جەرگىلىكتى ورىنداعى تىلشىلەردى تاربيەلەۋ كۋرسى قۇلجادا اشىلدى

  ورتالىق حالىق راديو ستانسياسىنىڭ 3-كەزەكتى قازاق تىلىندەگى ەرىكتى تىلشىلەردى تاربيەلەۋ كۋرسى شاۋشەك قالاسىندا اشىلدى

  
جاۋاپتى رەداكتورى : نۇرعيسا قۇرمانجان ۇلى
حابارلار
كوپ مەديا
ۇلتتىق مانەر
تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ ىستەتۋگە بولمايدى
Copyright © 1997-2010 by www.people.com.cn. all rights reserved