بەتتى ساقتاۋ |باس بەت قىلۋ |حات ساندىعى |حابارلاسىڭىز|ءبىز تۋرالى
حالىق تورابى قازاقشا ارناسىنىڭ كريلشە جازۋداعى سايكەستىرىلگەن تورابى جارىق كوردى
قازاقشا توراپ جاڭالاندى
2011.07.01 09:55     كەلۋ قاينارى : حالىق تورابى
{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ  
      
  تىلشىلەرىمىز نۇرعيسا قۇرمانجان ۇلى، اسقار جاڭابەك ۇلى 1-شىلدەدە بىيجيڭنەن حابارلايدى. جۇڭگو كوممۋنيستىك پارتياسى قۇرىلعاندىعىنىڭ 90 جىلدىعىن قۇتتىقتاۋ، باس شۋجي حۋ جينتاۋدىڭ حالىق تورابىن كوزدەن كەشىرگەندىگىنىڭ ءۇش جىلدىعىن، حالىق تورابى قازاقشا بەتىنىڭ عالامتورعا شىققاندىعىنىڭ ەكى جىلدىعىن ەسكە ءتۇسىرۋ بايلانىسىمەن 2011-جىلى 20-ماۋسىمدا حالىق تورابىنىڭ قازاقشا بەتى جاڭالاندى ءارى قازاقشا بەتتىڭ كريلشە جازۋداعى سايكەستىرىلگەن تورابى جارىق كوردى.

  2008-جىلى باس شۋجي حۋ جينتاۋ حالىق تورابىن كوزدەن كەشىرگەندە: «حالىق تورابى بۇكىل ەلىمىزدەگى ءار ۇلت حالقىنىڭ تورابى»،-دەگەن بولاتىن. كەلەسى جىلعى ەكى ماجىلىستە مەملەكەتتىك ساياسي كەڭەس مۇشەسى، ايگىلى جازۋشى اكبار ءماجيت ۇلى حالىق تورابىنىڭ قازاقشا، ۇيعۇرشا بەتتەرىن عالامتورعا قوسۋ ۇسىنىسىن قويىپ، بۇل ۇسىنىس ساياسي كەڭەستىڭ قۇپتاۋىنان وتكەن. باس شۋجيدىڭ ءسوزىنىڭ رۋحى دايەكتىلەندىرىلىپ، ساياسي كەڭەس مۇشەسىنىڭ ۇسىنىسى جۇزەگە اسىرىلىپ، حالىق تورابىنىڭ قازاقشا بەتى 2009-جىلدىڭ 20-ماۋسىمىندا وقىرماندارمەن بەت كورىسكەن. ەكى جىلدان بەرى حالىق تورابىنىڭ قازاقشا بەتى جوقتان بار بولۋ، بىرتىندەپ كەمەلدەنۋ باسقىشىن باستان كەشىرىپ، بۇگىنگى كۇنى وقىرماندارى ءسۇيىپ وقيتىن قازاق تىلىندەگى ۇكىمەتتىك اقپارات توراپتارىنىڭ بىرىنە اينالدى.

  ەلىمىزدىڭ ۇلتتىق ساياساتىن جالپى بەتتىك ، ىشكەرىلەي ۇگىتتەۋ، ەلىمىز قازاقتارىنىڭ شەتەلدەردەگى قازاق ۇلتى قونىستانعان جەرلەرمەن بولعان مادەنيەت اۋىس-كۇيىسىن ىلگەرىلەتۋ ءۇشىن، مەملەكەتتىك ساياسي كەڭەس مۇشەسى اكبار ءماجيت ۇلىنىڭ ۇسىنىسىنا ساي، 2010-جىلى حالىق گازەتى مەكەمەسى حالىق تورابى قازاقشا ارناسىنىڭ كريلشە جازۋداعى سايكەستىرىلگەن توراپ بەتىن اشۋدى ماقۇلداعان. جارتى جىلدان استام ۋاقىتتىق قۇلشىنىس ناتيجەسىندە، پارتيانىڭ 90 جىلدىق تۋىلعان كۇنى قارساڭىندا قازاقشا ارنانىڭ جاڭالانعان توراپ بەتى مەن كريلشە جازۋداعى سايكەستىرىلگەن توراپ بەتى وقىرماندارمەن جۇزدەستى.

  بۇل جولى توراپ بەتىن جاڭالاۋدا ايدارشالارعا وزگەرىس ەنگىزۋ، وقىرماننىڭ حاباردى تاۋىپ وقۋىنا قولايلى بولۋ، توراپ بەتىنىڭ كوركەمدىگى سىندى جاقتار ءتۇيىن ەتىلدى. عىلىم-تەحنيكا، زاڭ-ءتۇزىم، ورتا ازيا سىندى جاڭا ايدارشالار قوسىلدى. جاڭا كىتاپ تانىستىرۋعا ارنالعان ايدارشا دا وقىرمانداردىڭ نازارىن اۋدارادى دەپ سەنەمىز.
جاۋاپتى رەداكتورى : نۇرعيسا قۇرمانجان ۇلى
حابارلار
كوپ مەديا
ۇلتتىق مانەر
تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ ىستەتۋگە بولمايدى
Copyright © 1997-2010 by www.people.com.cn. all rights reserved