- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ جىنىڭ جان سەرىگى − قازاقتىڭ قارا دومبىراسى
2012.12.14 08:35 كەلۋ قاينارى : ءتاڭىرتاۋ تورابى
جاڭ جىنىڭ سيلىق العانىن ەستىگەنىمدە تيتتەي دە تاڭ قالعانىم جوق. ويتكەنى تىلشىلىك بابىمەن قارامايلىعا بارعانىمدا، ونىڭ مۋزيكا وينايتىن بولمەسىنە ات باسىن بۇرعانىم بار، سوندا ونىڭ دومبىراسىن بەبەۋلەتىپ، ەستىگەن جاندى ەرىكسىز باۋراپ، مۋزيكالىق جاسامپازدىققا جان - تانىمەن بەرىلەتىنىن كورگەنىمدە، تۇبىندە ءبىر جولى بولىپ، ارمانى اقىرى ىسكە اساتىنىن ىشتەي سەزىنگەن ەدىم.
جاس جاڭ جى بۇرىن سۋرەتشى، قازىر مۋزيكانت بولىپ جۇمىس اتقارادى، دومبىراعا بالا كۇنىنەن اۋەس. ونىڭ تارتقان كۇيلەرىنەن، ايتقان اندەرىنەن دالانىڭ ءيىسى اڭقيدى، شينجياڭنىڭ ەرەكشەلىگى سەزىلىپ تۇرادى.
ەندەشە، جاڭ جى قازاقتىڭ كۇي ونەرىنە، ءتىپتى، باسقا دا حالىقتاردىڭ مۋزيكاسىنا نەگە سونشا قۇمار؟
شينجياڭدا تۋىپ - وسكەن جاڭ جى وسىناۋ ىرىستى ولكە، تىنىستى دالانى قۇلاي سۇيەدى. ول: دومبىرا كۇيلەرى قۇلاعىما سارى دالادا ىزىڭداعان جەلدىڭ ءۇنى، تاۋدان قۇلاعان تاس بۇلاقتىڭ سىڭعىرى بولىپ ەستىلەدى، ول تابيعاتتىڭ كۇيى، دالانىڭ ءۇنى. مەن سوعان عاشىقپىن، - دەيدى.
ەلءىشى − ونەر كەنىشى. دومبىرانى شەشەن سويلەتىپ، قازاقتىڭ قايماعى بۇزىلماعان حالىق اندەرى مەن كۇمبىرلى كۇيلەرىن ۇيرەنۋ ءۇشىن، ول ونەر ولكەسىندە تالماي ىزدەنىپ، حالىق ونەرپازدارىن ۇستاز تۇتتى. بىردە ول قازاق كۇي ونەرىندەگى شوقتىعى بيىك تۇلعالاردىڭ ءبىرى قيزات سەيتقازينعا سالەم بەرە بارادى. جاڭ جىنىڭ توعىز پەرنە، ەكى ىشەكتەن كۇي سورعالاتقانىن كورگەندە قيزات اقساقال قاتتى تەبىرەنەدى. سول كۇنى قيزات ءوز ۇيىندە قويانجون داستارقان ازىرلەپ، بار ءمازىرىن ورتاعا سالادى. داستارقان ۇستىندە قيزات پەن جاڭ جى كۇي ونەرىنىڭ قىر - سىرى، دومبىرانىڭ سازى، قازاق كۇيلەرىنىڭ سارىنى تۋرالى اقتارىلا سىرلاسىپ، اڭگىمە تيەگىن اعىتادى.
ول جىل سايىن ىلە، بۇراتالا سياقتى جەرلەردە شىعارماشىلىق ساپاردا بولىپ، اقىندار ايتىسىن تىڭدايدى. موڭعۇلدىڭ سوزىپ ايتاتىن اندەرىن دە ەرەكشە ۇناتادى. «ماعان وسى اندەردىڭ ىشكى مۋزيكالىق ءيىرىمى كەرەك، ولار مەنىڭ جۇرەگىمە سونشالىق جاقىن»، - دەيدى جاڭ جى.
شينجياڭ مانەرىن جالپاق جۇرتقا ءناسيحاتتاپ، ءتىپتى كوپ ادامنىڭ جۇرەگىنە ۇيالاتۋ ءۇشىن، جاڭ جى «جولاۋشى» دەگەن اتپەن انسامبىل ۇيىمداستىرىپ، كوپكە كونسەرت بەرە باستايدى. ارادا ا ق ش پەن تايۋاندا كونسەرتتىك ساپاردا بولىپ، جۋىقتا عانا ورالعان جاڭ جى حانزۋ ءتىلدى انشىلەرگە بەرىلەتىن التىن اۋەن سيلىعى بويىنشا ەڭ تاماشا حانزۋ ءتىلدى مۋزيكالىق البوم جانە ەڭ تاماشا حالىق اندەرى سيلىعىن، سونداي - اق حانزۋ ءتىلدى مەديالار بويىنشا ەڭ جارقىن جاڭا ادام سيلىعىن الدى.
ونىڭ 2 - مۋزيكالىق البومى «باقتى وتكەلى» كوپشىلىكپەن جۇزدەسۋ الدىندا تۇر، البومعا ەنگىزىلگەن ءان - كۇيلەر پسيحەدەليكتىك مانەرمەن بايىتىلعان، «نىلقى قالاشىعى» اتتى العاشقى البومىمەن سالىستىرعاندا، بۇندا دومبىرا، شەرتەر، ماندالين، گارمون، نارىنكىر، سىرناي، ساتار، ءتامبۇر پايدالانىلعان، مۇنى شينجياڭ مۋزيكا اسپاپتارىنىڭ الەم مۋزيكاسىمەن ءتىل تابىسۋى دەۋگە دە بولادى.
جاڭ جى قايدا بارسا دا دومبىراسىن تاستامايدى. شينجياڭ − ونەر ولكەسى، ول وسىندا ماڭگىلىك تامىر تارتىپ، زەڭگىر اسپانعا قانات قاعا بەرمەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
