بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

شينجياڭ قازاق مادەنيەت قوعامى جونىندە

2013.01.05 14:11     كەلۋ قاينارى : ءتاڭىرتاۋ تورابى


  شينجياڭ قازاق مادەنيەت قوعامىنىڭ بەلگىسى

  شينجياڭ ۇيعۇر اۆتونوميالى رايوندىق قازاق ءتىل - مادەنيەت قوعامى اۆتونوميالى رايوندىق پارتكومنىڭ ۇيعارۋى، قوعامدىق عىلىمدار بىرلەستىگىنىڭ (1993) 3-ءنومىرلى جانە حالىق ىستەر مەڭگەرمەسىنىڭ (1993) 32- ءنومىرلى قۇجاتتارىنىڭ بەكىتۋىنە ساي 1993-جىلى قاڭتار ايىندا قۇرىلعان.

  2011-جىلى قوعامنىڭ اتى شينجياڭ قازاق مادەنيەت قوعامى دەپ وزگەرتىلگەن ءارى قوعامنىڭ بەلگىسى تۇراقتاندىرىلعان، قوعامنىڭ قازىرگى ءتوراعاسى شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقىلشىسى ارىپ زۇرعانبەك ۇلى. قوعامدا قازىر 9 كاسىپتىك گرۋپپا 20 دان ارتىق تۇراقتى القا، 60 القا جانە جۇزدەگەن تۇراقتى مۇشە بار.

  قازاق مادەنيەت قوعامىنىڭ بەلگىسى ـــ شار تاراپقا نۇر شاشىپ تۇرعان شاڭىراق جانە شاڭىراق ىشىندە اشىلعان كىتاپتان قۇرالعان (بۇل كىتاپ كوككە سامعاپ بارا جاتقان قۇستىڭ دا كەلبەتىن ەلەستەتەدى).

  شاڭىراق ـــ ەجەلگى اتا مادەنيەتىمىزدە كۇننىڭ سيمۆولى دەپ تانىلسا، تىلىمىزدە وتان، وتباسى، جان ۇيا دەگەن ۇعىمدارمەن قابىسادى. وسىنداي سيمۆولدىق مانگە يە زاتتاردى تالداپ الۋداعى ماقسات ـــ «قازاق مادەنيەت قوعامى» شىن مانىندە حالقىمىزدىڭ مادەنيەت ورداسى بولىپ، حالقتى ونەر - بىلىمگە، ۇيرەنۋگە شاقىرۋ، مادەنيەتىمىزدى قۇتتى شاڭىراعىمىزداي قورعاۋ، وعان مۇراگەرلىك ەتۋ، ۇلتىمىزدىڭ بيىكتەن - بيىككە سامعاي بەرۋىنە ۇلەس قوسۋ قاتارلى مىندەتتەردى ارقالايتىندىعىن بەينەلەيدى.

  قازاق مادەنيەت قوعامى جاستار بولىمشەسىنىڭ قىسقاشا تانىستىرىلۋى

  2012-جىلى 6- تامىزدا، شينجياڭ ۇيعۇر اۆتونوميالى رايوندىق قازاق مادەنيەت زەرتتەۋ قوعامىىنىڭ جاستار بولىمشەسى قۇرىلدى. قازاق جاستارىن ۇلت مۇددەسىنە ساياتىن كەلەلى ىستەردە ءوزارا اقىل قوسىپ، ءبىر جاعادان باس، ءبىر جەڭنەن قول شىعارىپ، قازاق مادەنيەتىن دامىتۋعا بەلسەندى ۇلەس قوسۋعا جەتەكتەۋ ماقساتىندا قۇرىلعان بۇل ۇيىمعا ىنتىماقتى، بەرەكە - بىرلىكتى تۋ ەتىپ، وتانعا، قوعامعا، ۇلتقا ەرەكشە جاۋاپكەرشىلىكپەن قارايتىن، ۇجداندى، يدەياسى اشىق، وزىق ويلى، ۇلتىنىڭ مۇددەسىنە ساياتىن ىستەرگە بەلسەنە كىرىسەتىن وزىق ويلى جاستار مۇشەلىككە قابىلداندى.

  قۇرىلعاننان بەرى حالقىمىزدىڭ ءتول مۇددەسىنە بەلسەنە قاتىناسقان بۇل ۇيىم الداعى كۇندەردەدە قازاقتىڭ مادەنيەت، وقۋ - اعارتۋ سالاسىنا ساياتىن وزەكتى تۇيىندەر توڭىرەگىندە قىزمەت ىستەۋدى كۇن تارتىپكە قويىپ وتىر. مۇشەلىككە قابىلدانعان جولداستاردىڭ بىرلىكتىڭ جىرىن جىرلاپ، يگى جۇمىستارعا ايانباي ات سالىسىپ، ۇلتىمىزدىڭ مادەنيەت ىستەرىن وركەندەتۋگە وزىندىك ۇلەس قوسۋىن ءۇمىت ەتەمىز. ۇيتكەنى «ساۋساق بىرىكپەي، ينە ىلكپەيدى».

جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.