بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

«ۇلتتار ادەبيەتى» جۋرنالىنىڭ 2013-جىلعى تاراتىلۋ جيىنى وتكىزىلدى

2013.01.17 09:44     كەلۋ قاينارى : حالىق تورابى


  حالىق تورابى قازاقشا ارناسىنىڭ 17-قاڭتاردا بىيجيڭنەن بەرگەن حابارى. «ۇلتتار ادەبيەتى» جۋرنالىنىڭ 2013-جىلعى تاراتىلۋ جيىنى 16-قاڭتاردا بىيجيڭدەگى ۇلتتار مەيمانسارايىندا وتكىزىلدى. جيىنعا «ۇلتتار ادەبيەتى» جۋرنالىنىڭ باسشى-قىزمەتكەرلەرى، قاتىستى ورىنداردىڭ جاۋاپتىلارى مەن وقىرمان ۋاكىلدەرى قاتىناستى.

  جيىندا ءسوز كەزەگىن العان شينجياڭ پوچتاسى گازەت-جۋرنال تاراتۋ مەكەمەسىنىڭ باستىعى ۋاڭ جياڭ جۋرنالدىڭ تاراتىلمى جاعىنان ءسوز قوزعاپ، شينجياڭنىڭ جەرگىلىكتى ەرەكشەلىگىمەن بايلانىستىرىپ، «ۇلتتار ادەبيەتى» جۋرنالىنىڭ شالعاي شەكارا وڭىرلەردە، مال شارۋاشىلىق وڭىرلەردە تاراتىلىمىن قالاي ىسكە اسىرۋ جونىندە ءوز كوزقاراسىن ءبىلدىردى. ول گازەت-جۋرنالداردى بولشەك ساتۋ جاعىندا ۇلتتىق ادەبي جۋرنالداردىڭ كەنجەلەپ وتىرعانىن تىلگە تيەك ەتىپ، «ۇلتتار ادەبيەتى» جۋرنالىن بولاشاقتا وقىرماندار كەمىندە ايماق دارەجەلى قالالارداعى گازەت-جۋرنال دۇڭگىرشەكتەرىنەن تاۋىپ وقي الاتىنداي جاعدايعا جەتكىزۋ، وسى ارقىلى «ۇلتتار ادەبيەتى» جۋرنالىنىڭ ىقپالىن كەڭەيتۋ جونىندە ۇسىنىس بەردى.

  ىلە-شالا ءسوز العان ىشكى موڭعۇل پوچتاسى گازەت-جۋرنال تاراتۋ مەكەمەسىنىڭ ورىنباسار باستىعى لياڭ ۋىنبيڭ «ۇلتتار ادەبيەتى» جۋرنالىن الەۋمەتتىك وڭىرلەردە، تاراتۋ پۋنكتتەرىندە، حالىققا قولايلى قىزمەت وتەۋ تۇيىندەرىندە وقىرمان قاۋىممەن قالاي قاۋىشتىرۋ جونىندە ءوز پىكىرىن ءبىلدىردى.

  وسىدان سوڭ، وقىرمان ۋاكىلدەرى وزدەرىنىڭ «ۇلتتار ادەبيەتى» جۋرنالىن وقۋدان العان اسەرلەرىن تەبىرەنە جەتكىزىپ، قاتىستى باسشىلارعا، جاپالى ەڭبەك ەتىپ جاتقان رەداكتورلارعا العىستارىن ءبىلدىردى. چاۋشيان، موڭعۇل تىلدەرىندەگى وقىرماندار وزدەرىنىڭ «ۇلتتار ادەبيەتى» جۋرنالىنان وقىعان شىعارمالارىنا قىسقاشا تالداۋ جاساپ، وقىرمان رەتىندە اسەرلەنگەن، شاتتانعان سەزىمدەرىن جەتكىزدى.

  وتە-موتە، وقىرماندار قاتارىندا ءسوز العان ۇلتتار باسپاسىنىڭ قىزمەتكەرى العابەكتىڭ «ۇلتتار ادەبيەتى» جۋرنالىنا بەرگەن ويعا قونىمدى ۇسىنىستارى قولداۋ تاپتى. العابەك «ۇلتتار ادەبيەتى» جۋرنالى كەلەسى قادامدا مازمۇنىن ءتىپتى دە بايىتىپ، قازاقشا باسىلىمداردا كەنجەلەۋ قالىپ وتىرعان درامما، سانۋىن سىندى جانرلارعا دا ورىن بەرسە، مۇنان سىرت قازاقستانداعى قازاق جازۋشىلارىنىڭ تاڭدامالى شىعارمالارىن باسىپ، ەل ىشىندەگى قازاق جازۋشىلارىنا وزدەرىن شەتەل جازۋشىلارىمەن سالىستىرا ۇيرەنەتىن وراي جاراتسا، بايىرعى حانزۋ ادەبيەتىندەگى ۇزدىك شىعارمالاردى دا تاپسىرىسپەن اۋدارتىپ باستىرىپ وتىرسا دەگەن ۇسىنىستارىن ورتاعا قويدى.

  جيىننىڭ سوڭىندا «ۇلتتار ادەبيەتى» جۋرنالىنىڭ باس رەداكتورى يە مىي اتالعان جۋرنالدىڭ جاعدايىن تاپتەشتەي تانىستىرىپ، جۋرنالدىڭ ۇلتتار اراسىنداعى دانەكەرلىك رولىن ونان ارى ساۋلەلەندىرۋدەن سىرت، حالىقاراعا بەت الۋىنىڭ قاجەت ەكەنىن ايتتى.

  كەلۋ قاينارى: حالىق تورابى

  سۋرەتتەرى توپتاماسىن مىنا ارادان كورىڭىز:

  http://kazakh.people.com.cn/159831/15286981.html
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.