- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ۇلتتار ادەبيەتى» جۋرنالىنىڭ جىلدىق سيلىعى تاراتىلدى، كاكەش قايىرجان ۇلى قاتارلىلار سيلاندى
«ۇلتتار ادەبيەتى» جۋرنالىنىڭ جاڭا جىلدى قارسى الۋ ساۋىق كەشى بىيجيڭدە وتكىزىلدى
2013.01.17 13:04 كەلۋ قاينارى : حالىق تورابى
حالىق تورابى قازاقشا ارناسىنىڭ 17-قاڭتاردا بىيجيڭنەن بەرگەن حابارى. «ۇلتتار ادەبيەتى» مەكەمەسى مەن جۇڭگو از ۇلت جازۋشىلار عىلمي قوعامى بىرلىكتە ۇيىمداستىرعان «ۇلتتار ادەبيەتى» جۋرنالىنىڭ جاڭا جىلدى قارسى الۋ ساۋىق كەشى بىيجيڭدەگى جۇڭگو وسىزامان ادەبيەتى سارايىندا وتكىزىلدى. مەملەكەتتىك حالىق قۇرىلتايىنىڭ بۇرىنعى ورىنباسار كوميتەت باستىعى بۋحى، جۇڭگو جازۋشىلار وداعى پارتگرۋپپاسىنىڭ مۇشەسى، ورىنباسار ءتوراعاسى، شۋچيجۋىنىڭ شۋجيى حى جيانميڭ، جۇڭگو جازۋشىلار وداعى پارتگرۋپپاسىنىڭ مۇشەسى، شۋجيچۋىنىڭ شۋجيى باي گىڭشىڭ، مەملەكەتتىك ساياسي ءماسليحات كەڭەسىنىڭ مۇشەسى، مەملەكەتتىك ساياسي ءماسليحات كەڭەسى ۇلت جانە ءدىن كوميتەتىنىڭ مۇشەسى، جۇڭگو جازۋشىلار باسپا-ءسوز توبى باسقارۋ كوميتەتىنىڭ ورىنباسار باستىعى، «جۇڭگو جازۋشىلار» جۋرنالىنىڭ باس رەداكتورى، ايگىلى جازۋشى اكبار ءماجيت ۇلى، «ۇلتتار ادەبيەتى» جۋرنالىنىڭ باس رەداكتورى، جۇڭگو از ۇلت جازۋشىلار عىلمي قوعامىنىڭ ۇنەمىلىك ىستەرگە جاۋاپتى ورىنباسار باستىعى يە مىي قاتارلىلار، سونداي-اق استانا مەن ەلىمىزدىڭ جەر-جەرىنەن كەلگەن جازۋشىلار، ساراپشىلار، اۋدارماشىلار، رەداكتورلار، وقىرمان ۋاكىلدەرى جانە اقپارات سالاسىنداعىلار، سولتۇستىك كورەيا، قازاقستان، وڭتۇستىك كورەيا، موڭعۇليا قاتارلى ەلدەردىڭ جۇڭگودا تۇراتىن ەلشىلىكتەرىندەگى قاتىستى ديپلوماتتاردان 200دەن استام ادام ساۋىق كەشكە قاتىناستى.
ساۋىق كەش باستالاردا ءىشىنارا باسشىلار قۇتتىقتاۋ ءسوزىن سويلەپ، «ۇلتتار ادەبيەتى» جۋرنالىنىڭ ماڭىزى مەن رولى تۋرالى توقتالىپ، وتكەنى مەن بۇگىنى جانە بولاشاعى تۋرالى ورەلى ويلارىن ورتاعا سالدى. ۇلتتار ءان-ءبي ۇيىرمەسىنىڭ ونەرپازدارى ورىنداعان اندەر كورەرمەندەردىڭ قۇلاق قۇرىشىن قاندىردى. بالاپان راباتوۆ قاتارلىلاردىڭ ۇلتتىق تىلدە وقىعان ولەڭدەرى ساۋىق كەشكە وزگەشە تارتىمدىلىق سيلادى.
ساۋىق كەشتە «ۇلتتار ادەبيەتى» جۋرنالىنىڭ 2012-جىلعى جىلدىق سيلىعى تاراتىلدى. ايگىلى شولۋشى، جازۋشى، رەداكتور، اۋدارماشىلاردان ۇيىمداسقان 24 ادامدىق ءادىلعازىلار گرۋپپاسى «ۇلتتار ادەبيەتى» جۋرنالىنىڭ 2012-جىلعى 6 تىلدەگى باسىلىمدارىنان 25 شىعارمانى باعالاپ شىقتى. سيلانعانداردىڭ ىشىندە جۋاڭزۋ ۇلتىنان تاۋ ليچۇن، ياۋزۋ ۇلتىنان جۇڭ ىرماۋ، زاڭزۋ ۇلتىنان نيماپاندو، ۇيعۇر ۇلتىنان پاتىگۇل، زاڭزۋدىڭ انا تىلىندە جازاتىن جازۋشىسى لاشانجا، قازاقتىڭ انا تىلىندە جازاتىن اقىنى ەرلان نۇردىقان ۇلى قاتارلى از ۇلت ادەبيەتىندەگى جاس قالامگەرلەر دە بار. مۇنان سىرت ۇلتىمىزدىڭ قالامگەرلەرىنەن كاكەش قايىرجان ۇلى، ەركەش قۇرمانبەك قىزى، شاكەن بوكەتاي ۇلى قاتارلىلاردىڭ اۋدارمالارى دا ماراپات تورىنەن كورىندى.
ەستەرىڭىزگە سالا كەتسەك، بىلتىر «ۇلتتار ادەبيەتى» جۋرنالىنىڭ قازاقشا باسىلىمى جارىق كورگەن بولاتىن، قازىرگە دەيىن اتالعان قازاقشا باسىلىمنىڭ ەكى سانى جارىق كورىپ، وقىرماندارعا جول تارتتى. ورتالىقتان شىعاتىن انا تىلىمىزدەگى تۇڭعىش باسىلىمنىڭ الدا بيىك اسۋلاردان اسۋىنا تىلەكتەسپىز.
كەلۋ قاينارى: حالىق تورابى
سۋرەتتەرى توپتاماسىن مىنا ارادان كورىڭىز:
http://kazakh.people.com.cn/159831/15286981.html
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
