- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءاز انامنىڭ كول كوجەسى
(شالقىما)
2013.03.14 15:45 كەلۋ قاينارى : ورتالىق حالىق راديو ستانسياسى تورابى
بەيسەنباي ساۋىت ۇلى
ءالميساقتان تارتىپ، قازاق-قازاق بولعالى، قارا قوستا ەرجەتكەن، قارا قازاننان اس ىشكەن، قارا دومالاق انامنىڭ قولىنان ءدام تاتپاعان قازاق بالاسى بولماسا كەرەك. انە اتا-بابامىزدان بەرى ۇرپاقتان-ۇرپاققا جالعاسىپ كەلە جاتقا تاريحتىڭ كۋاسى، ادامزاتپەن بىتە قايناسقان حالقىمنىڭ قادىرمەندى اسى-ناۋرىز كوجەنى سول داۋىردە ءاز انام ءوز قولىمەن جاساعاندىعى بۇلجىماس اقيقات، عاسىرلاردىڭ ايعاعى، اتا-بابالارىمىزدىڭ قولىنىڭ تابى قالعان قارت تاريح ەمەي نەمەنە. سول عاسىردىڭ وزىندە ءاز انامىز ناۋرىز كوجەنى جەتى ءدامنىڭ باسىن قوسىپ جاساپ، ەل-جۇرت، باۋىر-تۋىس، كورشىلەردەن تارتىپ ءبارىنىڭ باسىن قوسىپ، ءدام تاتقىزۋىنىڭ ءوزى حالقىن بەرەكە-بىرلىككە، ىنتىماققا، باۋىرمالدىققا، ادامگەرشىلىككە شاقىرىپ، ءبىر جاعادان باس،ءبىر جەڭنەن قول شىعارا وتىرىپ، ورتاق العا باسۋعا ۇندەۋىن قارامايسىز با؟ بۇنىڭ ءوزى ۇلى ەلدىڭ بەرەكە-بىرلىگىنىڭ سيمولى.
ناۋرىز كوجەنى جاساۋدىڭ ءوزى، ەسكى جىلدان امان-ەسەن ءوتىپ، جاڭا جىلعا امان جەتتىك، جاڭا جىل جاڭا-جاڭا جاقسىلىق اكەلسىن دەپ تىلەۋ تىلەپ، قاپتىڭ تۇبىندە قىستايعى سوعىمنان قالىپ، سارمايداي ساقتالعان، مالدىڭ كارى جىلىگىن «ەسكەرسەڭ ەسكى اسىڭنان ساقتا» دەپ ۇلىلار ايتقانداي ساقتاعان ەتتەردى اسىپ، قازاننىڭ ءتورت قۇلاعىنا ءتورت جاپىراق مايدى ىرىمداپ قويىپ، قازان مايلى بولسىن، مال شەلدى بولسىن، ماي وتباسىنا قۇت ۇيىرسىن، ءتورت تۇلىك ساي بولسىن، باسقا اماندىق-دەنگە ساۋلىق بەرسىن، باقىت بايلىق وتباسىنا ورالسىن دەپ بەرەكەلى باتامەن ىرمداعان. بۇنىڭ ءبارى سول قاتتام-قاتتام عاسىرلاردىڭ ايعاعى، سول ۇلى عارسىرلىق داۋىردەن بەرى قالىپتاسىپ، جالعاسىپ ءدال بۇگىنگە دەيىن ىرگە تەۋىپ كەلە جاتۋىنىڭ ءوزى ۇلى ءميراس. مىنە بۇل ءومىر امالياتىنان الىنعان فيلوسوفيا. قىستاي مال سوڭىندا توڭ قاشاپ، قىستىڭ سار شۇناق ايازىنان قاتتى قالجىراعان، ون ساۋساعىنىڭ كوبەسى سوگىلگەنشە تىربىنعان، جاپانى ابدەن تارتقان ەلىم، گۇل كوبەلەكتەي قۇلپىرار، جادىراپ جاز ايىنىڭ تەزدەن كەلۋىن الىستان اڭساعاندا ءشايداي اشىق، تەڭگەدەي بۇلتسىز اسپانداعى كۇننىڭ شۇلەن شۇعىلاسىنىڭ قۇزىرلى قاتپارلارى مەن قاداۋ-قاداۋ قارا تاستارعا دەيىن ءتۇسۋىن، جۇلدىزداردىڭ جىمىڭداي قاراۋىن كۇتكەنى، كوكتەمنىڭ سالقىن سامالىنىڭ ەسىپ، بەتتى ءوبىپ تۇرۋىن ارمانداپ، تابيعات انانىڭ دا ادامزاتقا سيىن كورسەتىپ، مەيىرىن توگۋىن اڭساعانى ەمەسپە!
ە، اياۋلى دا، ۇلى ءاز انام. ءسىز بىزدىڭ الدىمىزدا جاساي بەرىڭىز، مىڭ-مىڭ جاساڭىزشى. «انا ءبىر قولىمەن بەسىكتى تەربەتسە، ءبىر قولىمەن الەمدى تەربەتەدى» دەگەنى راس-اق. ءوز قولىڭىزدىڭ تابى بولماسا بۇگىنگى جەتى ءدامنىڭ باسى قوسىلارمەدى. بۇگىنگى ناۋرىز تويى قايدان بولار ەدى. بۇگىنگى ۇرپاقتارىمىز بۇنى قايدان بىلەر ەدى، «ناۋرىز» انا بۇل سەنىڭ قاسيەتتى كيەڭ. بۇل سەنىڭ قاسيەتتى يەڭ. بۇل سەنىڭ بىزگە قالتىرعان قاسيەتتى جۇيەڭ. بۇل سەنىڭ بىزگە سالىپ بەرگەن بىردەن-ءبىر سارا جولىڭ. بىزگە قالدىرعان قاسيەتتى مۇراڭ، قاسيەتتى ميراسىڭ بولماق. مىنە سەن جاساعان ناۋرىز كوجەڭدى ىشكەندە «سامارقاننىڭ كوك تاسىدا بالقىعانى» شىن ەمەي نەمەنە. اۋەلى جەر انادا ءيىپ، توڭدار ءجىبىپ، مەيىرلەنە ساي-سالادان اساۋ تايداي تۋلاي اققان سۋلارىڭ، اق كوبىگىن اسپانعا اتىپ، بۋىن بۇرقىراتىپ، تىنىمسىز تىرلىك بايقاتتى ەمەسپە! ءتىپتى تىرشىلىك اتاۋلى جان-جانۋارلاردا ارقاسىن كۇنگە توسەپ، تابيعاتتان ءلازات الا بەردى. بۇل سەنىڭ كولدەي كومكەرىلگەن ناۋرىز كوجەڭنىڭ جويقىن قاسيەتى.
ءاز انامنىڭ كول كوجەسى، شولىركەگەن جاننىڭ ءشولىن قاندىرىپ، اڭسارىن باسىپ، بويىنا قۋات، ويىنا اقىل پاراسات بەرەتىنى شىڭعىرعان شىندىق شىركىن.
ءاز انا ءسىز قارتايمايسىز، جاساي بەرىڭىز كول كوجەڭىزدى... قۇت-بەرەكە ۇيىعان قولىڭىزدىڭ ءدامى ماڭگىگە سارقىلمايدى. كول كوجەڭىز دالادادا-قالادادا بۇۋى بۇرقىراپ، ۇرپاقتان ۇرپاققا جالعانا بەرەدى، اسپانداپ پارلانا بەرەدى، ۇرپاقتارىڭ ارلەنە بەرەدى!!!. سىزدىڭ كول كوجەڭىز اتا مۇرادان قالعان اسىل تاڭبا، تاريح بەتىنە جازىلعان گاۋھارداي جارقىراي بەرمەك. ءدال بۇگىن مىنە بەيزاتتىق مۇرالار قاتارىنان ورىن الىپ قورعالدى، ەندى ماڭگىگە نۇر شۇعىلا ءشاشا بەرەرى قاق...
قاسيەتتى ناۋرىز كوجە سەن ۇرپاقتان-ۇرپاققا جالعاسا بەرەسىڭ، كەيىنگى ۇرپاقتاردىڭ جۇرەگىندە شام بولىپ جاعىلا بەرەسىڭ! نۇرلانا بەرەسىڭ!!!
نىلقى اۋداندىق ءتىل-جازۋ كەڭسەسى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
