«انارحان» ورتالىق تەلەۆيزيادا قويىلادى

2013.04.25 13:36  

　　حالىق تورابىنىڭ 24-ساۋىردە بىيجيڭنەن بەرگەن حابارى. (ءتىلشى: نۇرعيسا) شينجياڭ ۇيعۇر اۆتونوميالى رايوندىق پارتكوم ۇگىت ءبولىمىنىڭ جەتەكشىلىك ەتۋىندە، شينجياڭ ۇيعۇر اۆتونوميالى رايوندىق مادەنيەت مەڭگەرمەسى دەن قويا ۇيىمداستىرىپ، ءۇش جىلدا تۇسىرگەن «انارحان» اتتى كولەمدى تەلە فيلىمنىڭ اقپار جاريالاۋ ءماجىلىسى بىيجيڭدە وتكىزىلدى. تەلە فيلىم «انارحان» 1962-جىلى تۇسىرىلگەن وسى اتتاس كينو فيلىم جەلىسى نەگىزىندە وزگەرتىلىپ جاسالعان. اتالعان فيلىم قىزىل كلاسسيكالىق شىعارمالاردان وزگەرتىلگەن تۋىندىعا جاتاتىن از ۇلتتاردىڭ تاريحي مازمۇنداعى كينو فيلىمى. ۇعىسۋعا قاراعاندا، اتالعان فيلىم مامىردىڭ باس شەنىندە ورتالىق تەلەۆيزيانىڭ 1-ارناسىندا التىن ساتتە قويىلادى ەكەن. شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق ۇگىت ءبولىمىنىڭ باستىعى حۋ ۋىي، شينجياڭ ۇيعۇر اۆتونوميالى رايوندىق مادەنيەت مەڭگەرمەسى پارتگرۋپپاسىنىڭ شۋجيى، ورىنباسار مەڭگەرمە باستىعى رىن حۋا قاتارلىلار اقپار جاريالاۋ ماجىلىسىنە قاتىناستى ءارى ءسوز سويلەدى.

　　اتالعان تەلە فيلىمدى شينجياڭ داسىن مادەنيەت-تاراتۋ شەكتى سەرىكتىگى مەن شينجياڭ كوركەمونەر تەاترحاناسى بىرلىكتە تۇسىرگەن. ۇعىسۋعا قاراعاندا، اتالعان تەلەفيلىم مامىردا شينجياڭ قىزمەتى جونىندەگى اڭگىمە ءماجىلىسىنىڭ ءۇش جىلدىعىنا وراي، ورتالىق تەلەۆيزيانىڭ 1-ارناسىندا التىن ساتتە قويىلادى ەكەن، بۇل شينجياڭدا تۇسىرىلگەن تەلەفيلىمنىڭ تۇڭعىش رەت ورتالىق تەلەۆيزيا 1-ارناسىندا التىن ساتتە قويىلۋى بولىپ، شينجياڭ حالقىن قۋانىشقا بولەيتىن ءىس بولماق.

　　«انارحان» اتتى تەلە فيلىمدە رولعا شىققان ارتيستەر اقپار جاريالاۋ ماجىلىسىنە قاتىناستى. فيلىمدە شينجياڭداعى ۇيعۇر ۇلتىنىڭ اعا، ورتا، جاس ءۇش بۋىن ارتيستەرى رول العان، ارتيستەردىڭ بارلىعى دا ورتالىق تەاتر مەكتەبىنەن جانە شاڭحاي تەاتر مەكتەبىنەن وقۋ تاۋىسقان كاسىپتىك دارىندىلار. ولار اتالعان تەلە فيلىمدە شينجياڭداعى از ۇلت كوركەمونەر دارىندىلارىنىڭ جان-جاقتىلى دارىنى مەن كاسىپتىك رۋحتارىن ايگىلەدى.

　　«انارحان» اتتى تەلە فيلىم ۇزدىك تەلە فيمىلدەردە بولۋعا ءتيىستى ەرەكشەلىكتەردى ءوز بويىنا جيناقتاعان، اتالعان تەلە فيلىم بۇكىل ەلىمىزدەگى قالىڭ تەلەۆيزور كورەرمەندەرىنىڭ كوڭىلىنەن شىعاتىنىنا سەنىمىمىز كامىل. اقپار جاريالاۋ ماجىلىسىندە، «انارحان» تەلە فيلىمىن ءتۇسىرۋ گرۋپپاسىنداعىلار سىچۋان لۋشان اۋدانىنداعى اپاتقا ۇشىراعان جەرلەرگە 60 مىڭ يۋان جىلۋ اتادى.

　　كەلۋ قاينارى: حالىق تورابى