بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

قازاق تىلىندەگى پارتيا گازەتتەرىنىڭ اۋدارما قىزمەتى جانە اتاۋ - تەرميندەردى بىرلىككە كەلتىرۋ جونىندەگى 5 - كەزەكتى عىلمي تالقى جيىنى بولىپ ءوتتى

2013.08.06 14:47     كەلۋ قاينارى : ءتاڭىرتاۋ تورابى

  تىلشىلەرىمىز ازامات احمەتوللا ۇلى، ەلشات مۇقامەتقازى ۇلى، ەرىكتى ءتىلشى باقىت مادىكەن ۇلى قۇلجادان حابارلايدى. 1 - تامىز كۇنى قازاق تىلىندەگى پارتيا گازەتتەرىنىڭ اۋدارما قىزمەتى جانە اتاۋ - تەرميندەردى بىرلىككە كەلتىرۋ جونىندەگى 5 - كەزەكتى عىلمي تالقى جيىنى ىلە گازەتى مەكەمەسىنىڭ ۇيىمداستىرۋىمەن ىلە گازەتى مەكەمەسىندە ءوتتى.

  پارتيا گازەتتەرى اۋدارما قىزمەتىنىڭ زاڭدىلىعىن زەرتتەۋ؛ اتاۋ - تەرميندەردى بىرلىككە كەلتىرۋ؛ گازەتتەر، قاتىستى سالالار ارا ىستەستىكتى كۇشەيتۋ: اۋدارما ساپاسىن جوعارىلاتۋ ماقساتىمەن اشىلعان بۇل جيىن 2008 - جىلدان بەرى ىلەدە، تارباعاتايدا، التايدا، ۇرىمجىدە 4 كەزەك دابىرالى دا ورەلى وتكىزىلگەن - دى. وسى جيىندار ارقىلى پارتيا گازەتتەرى اۋدارماسىنداعى قولامتالى تۇيىندەر تۋراسىندا كوپشىلىك عىلمي، جۇيەلى وي ورتاقتاستىرۋمەن بىرگە، تىڭنان جارىققا شىققان كەيبىر اتاۋ - تەرميندەر جونىندەگى قۇندى ۇسىنىس - پىكىرلەرىن جيناقتاپ، اۆتونوميالى رايوندىق ءتىل - جازۋ كوميتەتىنىڭ قاراپ بەكىتۋىنە جولدادى. مۇنىڭ كوپ ساندىسى اۆتونوميالى رايوندىق ءتىل - جازۋ كوميتەتىنىڭ اتاۋ - تەرميندەردى ارناعا ءتۇسىرۋ كوللەگياسىنداعى مامانداردىڭ سارالاۋىمەن قوعامعا اشىق جاريالانىپ ۇلگىردى.

  عىلمي تالقى جيىننىڭ بەتاشار ءسوزىن العان ىلە گازەتى مەكەمەسىنىڭ باستىعى ەرمەك ايات ۇلى پارتيا گازەتتەرىنىڭ اۋدارما قىزمەتىنىڭ ماڭىزدىلىعى، كوكەي تەستىلىگى، قول جەتكىزگەن تابىستارى، وسى رەتكى عىلمي تالقى جيىننىڭ جەتپەكشى ماقساتى تۋرالى ەگجەي - تەگجەيلى توقتالدى.

  تالقى جيىندا ىلە قازاق اۆتونوميالى وبلىسىنىڭ ورىنباسار باستىعى مۇقيات جارمۇقامەت ۇلىنىڭ ءسوزى جەتكىزىلدى.

  عىلمي تالقى كەزىندە ورەلى دە قۇندى عىلمي ماقالالار وقىلدى، 200گە تارتا اتاۋ - تەرميننىڭ اۋدارماسى تالقىعا ءتۇسىپ، العاشقى ادىمدا تۇراقتاندىرىلدى.

  ورتالىق ۇلتتار باسپاسىنان، شينجياڭ گازەتىنەن، ىلە گازەتىنەن، شينجياڭ عىلىم - تەحنيكا گازەتىنەن، التاي گازەتىنەن، تارباعاتاي گازەتىنەن، شينجياڭ وقۋ - اعارتۋ گازەتىنەن كەلگەن جولداستار جانە قاتىستى ورىنداردىڭ باسشىلارى، اۋدارما قىزمەتكەرلەرى عىلمي تالقى جيىنىنا قاتىناستى. «شينجياڭ گازەتى»

  无标题 1
 
   
     
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.