- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەن قازاعىمنىڭ اندەرىن ءارقايسى دىبىسىنا دەيىن سۇيەمىن
اراي ايدارقان ۇلى
سۇقباتتاسقان: مۇحيت امانتاي ۇلى
2014.05.15 14:17 كەلۋ قاينارى : حالىق تورابى
اراي ايدارقان ۇلى تالاي ساحنالاردا ءان شىرقادى، كوپ مەديالاردا سۇقباتتا بولدى، كورەرمەن قاۋىم ونىمەن ءارقىرىنان تانىسپ جاتتى، سونداي بولسادا ءبىز ونى ۋنيۆەرسيتەت بىتىرەتىننىڭ الدىندا، بىزدە (حالىق تورابى قازاقشا ارناسى) سۇقباتتا بولۋعا شاقىردىق، ءارى ونى باسقا قىرىنان كورەرمەن قاۋىمعا تانىستىرۋعا قۇلشىندىق.
- ۋنيۆەرسيتەتتى بىتىرگەلى تۇرسىڭ، قانداي جوسپارىڭ بار؟
- نەگىزگى جوسپار جالعاستى مۋزيكا ىستەۋ، جالعاستى ۇيرەنۋ، شوۋ بيزنسپەن شۇعىلدانۋ. ال ۇيرەنۋگە كەلسەم، ۇيرەنۋ ومىردە ءارقاشان توقتاپ قالمايدى، ومىرىمىزدەگى ءار ساعات، ءار سەكۋندتىڭ ءبارى ءبىز ءۇشىن ۇيرەنۋ دەپ بىلەم.
- ۋنيۆەرسيتەتتە جۇرگەندە، كوپ جارىستارعا قاتىناستىڭ، ساباققا تولىق قاتىناسۋعا ۇلگىرە الماعان شىعارسىڭ؟
-ءيا، كوپ ساباقتار قالدى، جارىستان كەيىن ولاردى تولىقتاۋ بارىسىندا كوپ قيىنشىلقتار بولدى، ويتكەنى مەكتەپ ءتۇزىمى قاتاڭ، بۇل مەكتەپكە كىرۋدە قيىن، بىتىرۋدە وڭاي شارۋا ەمەس.
- تالانتىڭا ءتانتى بولىپ، ءان تاسپاڭدى شىعارۋعا اسىق بولىپ جاتقان كامپانيالار بار ما؟
- ءيا، قازىر بىرنەشە كامپانيالار سويلەسىپ جاتىر، ەشقايسىنا ءالى جاۋاپ بەرگەم جوق، نەگىزى ىشكەرلەي سويلەسۋ كەرەك، تالداۋ كەرەك.
- كىشكەنتايىڭنان سپورتپەن شۇعىلداندىڭ، باسقا قانداي سپورت ءتۇرىن ۇناتاسىڭ؟
- كىشكەنتايىمنان سپورتپەن شۇعىلداندىم، سپورتتىڭ باسقا تۇرىنەن فۋتبولدى ۇناتام، بالا كەزىمدە ماڭايىمداعى بارلىق دوستارىم فۋتبول ويناۋشى ەدى.
- ۇناتاتىن كلۋب نەمەسە ۇلتتىق قۇراما كوماندالارىڭ بار شىعار؟
- ءيا، ارگەنتينالىق فۋتبوليستتەردى ۇناتام، كلۋبتاردان ينتەر ميلاندى جاقسى كورەم، ويتكەنى وندا ارگەنتينالىق فۋتبوليستتەر كوپ...
- جاقىندا قازاق ەلىنە بارىپ قايتتىڭ، ول جاقتاعى اعايىنداردا توردەن ورىن بەرىپ، سۇقباتتا دا بولدىڭ، بالا كەزىڭدەگىمەن سالىستىرعاندا ول جاقتا قانداي وزگەشەلىكتەر باسقادا قانداي جاڭالىقتار بولىپ جاتىپتى؟
- ءيا، بالا كەزىمدە سوندا بولعام، جاقىندا بارىپ قايتتىم، ول جاقتاعى اعايىندار ءبارى جاقسى، قايدا بارسام قازاعىم، الدىمنان شىعىپ قارسى الىپ، ماڭدايىمنان سيپاپ جاتقان، ول جاقتاعى اعايىندارعا راحىمەتتەن باسقا ايتارىم جوق. ال جاڭالىقتار جەتەرلىك، جاڭا بوي كوتەرگەن استانا، جاڭا استانامەن بىرگە كوگەرگەن قازاق ۇرپاقتارى، ءبارى دە سول ەلدىڭ ماقتانىشى.
- قازىر قوعام ريتىمى تەز، كۇردەلى، مۇنداي جاعدايدا مۋزيكامەن شۇعىلدانىپ، بىرەر ءان جازۋ ءۇشىن، تىنشتىق قاجەت شىعار؟
- ءيا، قازىر قوعامنىڭ جالپى ريتىمى تەز، شىعىپ جاتقان مۋزيكالاردا كوپ، ال مەنىڭ ويىم، كوشەدە كەتىپ بارا جاتقاندا، ەستىگەن جەردەن ادامدى ەرىكسىز توقتاتىپ، تىڭداۋعا قۇشتار ەتەتىن مۋزيكا جازۋ. ال مىنا قوعامدا جانعا تىنىشتىق الىپ، مۇنداي مۋزيكا جازۋ راسىندا وڭاي شارۋا ەمەس.
- بولاشاقتا شەتەلگە شىعىپ، مۋزيكادان ءبىلىم تولىقتاۋ ويلارىڭ دا بار شىعار؟
- ءيا، سونداي قىسقاشا جوسپارىم بار، مەكتەپ بىتىرگەن سوڭ وسىندا (بەيجيڭ) ەكى جىل مۋزيكا سالاسىندا جۇمىس جاساۋ كەرەك، بارلىق دايىندىقتاردى جاساپ بولعان سوڭ، ا ق ش – قا بارىپ، ءبىلىم تولىقتاۋدى جوسپارلاپ وتىرمىن، سەبەبى ا ق ش دۇنيە ءجۇزى ەسترادالىق مۋزيكانىڭ ورتالىعى، سوندا بارىپ ءبارىن كورۋ كەرەك. جالپى مەنىڭ ارمانىم، قازاق مۋزيكاسىن ەڭ قاراپايىم، ەڭ تەز جولمەن وزگە ۇلتتىڭ قۇلاعىنا ءسىڭدىرۋ، بۇل وڭاي شارۋا ەمەس، سول ءۇشىن مۋزيكانىڭ بارلىق سلوبىمەن تانىسۋ كەرەك، ۇلكەن دايىندىق جاساۋ كەرەك.
- كوپ جارىستارعا قاتىناسىپ بايگەدەن كورىنىپ كەلەسىڭ، ارتىڭنان ەرگەن ءىنى – قارىنداستارىڭا ءان جارىسى تۋرالى نە ايتقىڭ كەلەدى؟
- جارىس تۋرالى بار – جوق ايتارىم، ءبىرىنشى ءارقانداي ساحنادان استە قورىقپاۋىڭ كەرەك، وزىڭە سەنۋىڭ كەرەك. ەكىنشىدەن وزىڭە قاتتى باسىمدىلىق جاساماۋىڭ كەرەك، ماقساتىڭ ايقىن بولسىن. سوڭعى ايتارىم مەيلى قانداي جارىس بولسىن، تولىق دايىندىق كورۋىڭ كەرەك. ادامنىڭ قورقىنىشتى ءتۇس كورۋى جامان ەمەس، ەڭ قورقىنىشتىسى ءتۇس كورمەۋ، ارمان ادامدى العا جەتەكتەيتىن كۇش، ارمانسىز ءومىردىڭ ءسانى دە بولماس، ءوزىم ويلايمىن، ارمان ءومىر ءسۇرۋدىڭ ماعىناسى دەپ.
- قازاق دۇنيەگە انمەن كەلىپ، انمەن كەتكەن ۇلت، ءوزىڭنىڭ جاقسى كورىپ ەستيتىن حالىق اندەرىڭ نەمەسە ۇنەمى ايتاتىن اندەرىڭ بار ما؟
- ءيا، قازاق انمەن كەلىپ، انمەن كەتكەن ۇلت. مەن قازاعىمنىڭ اندەرىن ءارقايسى دىبىسىنا دەيىن سۇيەمىن، ويتكەنى ول مەنىڭ بويىمداعى اعىپ جاتقان قان. قازاق بالاسى دۇنيە ەسىگىن اشقاننان باستاپ، قازاق مۋزيكاسىنان سۋسىندايدى، قازاقتىڭ مۋزيكاسى قانىنا سىڭەدى. ماسەلەن نارەستە تۋىلعاننان كەيىن، بەسىك جىرى، ءتىلاشار ايتىلادى، ال قوشتاسقان شاعىندا جوقتاۋ ايتىلعان. مەن عاجاپتانام؟؟؟، ومىردە مۋزيكاسىز كەز بولماس دەپ، قازاق تولگەدە مۋزيكا جاساعان، بۇرىنعى زاماندا جىلقى باققاندا، جىلقىنى ۇيىقتاتۋ ءۇشىن سىبىزعى شالعان، اڭ اتقاندا كومەي ايتقان. قازاقتىڭ قاراجورعا ءبيى دە، جورعاعا ءمىنىپ، جورعانىڭ جەلىسىمەن دومبىرا شەرتۋ بارىسىندا قالىپتاسقان. مىنە بۇل ءبىزدىڭ مۋزيكا مادەنيەتىمىز، ناعىز ومىردەن، تابيعاتتان كەلگەن تازا، تۇنىق داۋىس. ال، وسىنداي ادەمى مۋزيكالارىمىزدى قالاي دۇنيەگە تانىستىرامىز، ول مەنىڭ جانە قازاق مۋزيكانتتارىنىڭ، ءارقانداي قازاق مۋزيكاسىن سۇيەتىن ازاماتتاردىڭ ارمانى دەپ ويلايمىن.
- ال، اراي باۋىر، بۇگىن حالىق تورابىنىڭ قازاقشا ارناسىندا سۇقباتتا بولعانىڭا كوپ راحىمەت، تەك قانا ساعان ايتارىمىز، ارمانىڭ اسقاق بولسىن، قاناتىڭ تالماس بولسىن!
- وزدەرىڭىزگە دە كوپ راحىمەت، اعىننان اقتارىلعانداي بولدىم.
حالىق تورابى قازاقشا ارناسى دايىندادى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
