قازاقستان رەسپۋبليكاسى قۇرمانعازى اتىنداعى مەملەكەتتىك كونسەرۆاتورياسىنىڭ ارالاس داۋىستى قور ۇيىرمەسى بەيجيڭدەگى وسىزامان مۋزيكا مەرەكەسىنە قاتىناستى

2014.05.21 13:55   كەلۋ قاينارى : ورتالىق حالىق راديو ستانسياسى تورابى

　　قازاقستان رەسپۋبليكاسى قۇرمانعازى اتىنداعى مەملەكەتتىك كونسەرۆاتورياسىنىڭ ارالاس داۋىستى قور ۇيىرمەسى مامىردىڭ 19-كۇنى كەشتە بەيجيڭ ورتالىق مۋزيكا ينستيتۋتىنىڭ مۋزيكا زالىندا مۋزيكا حور كەشىن وتكىزدى. قور ۇيىرمەسىنىڭ باس دريجورى يان رۋيدكوۆسكي مەن قازاقستان رەسپۋبليكاسىنا ەڭبەگى سىڭگەن مۋزيكانت جانيا اۋباكروۆا قور ۇيىرمەسىنىڭ ونەرپازدارىمەن بىرگە، استانا بەيجيڭدە اسقاق ءان شىرقاپ، كورەرمەندەردى شاتتىقا بولەپ، مۋزيكا حور كەشىنىڭ دۋمانىن اسىردى.

　　مۋزيكا حور كەشىندە ونەرپازدار دريجوردىڭ قول يشاراتىمەن «مايرا»، «ساۋلەم»، «قارا تورعاي» سىندى قازاقتىڭ حالىق ءانى اۋەندەتىپ ايتقاندا تىڭدارمانداردىڭ قۇلاق قۇرىشىن قاندىردى، ونەرپازدار تەك قازاق حالقىنىڭ حالىق ءانىن عانا شىرقاپ قالماي، ورىنداۋ شەبەرلىگىمەن ەۆروپا، رەسەي، ا ق ش، يتاليا سىندى ەلدەردىڭ ءداستۇرلى اندەرىن دە تاڭداي قاقتىرىپ تامساندىرا ورىندادى. شاتىرلاعان شاپالاق ۇنىمەن، تەبىرەنگەن اۋەندەرى تىڭدارمانداردىڭ كوڭىل تولقىنىسىن بەينەلەدى.

　　قازاقستاننىڭ شاڭحاي سەلبەستىك ۇيىمى حاتشىلار باسقارماسىنداعى تۇراقتى ۋاكىلى، قازاقستان رەسپۋبليكاسنىڭ جۇڭگوداعى باس ەلشىىلىگىنىڭ اقىلشىسى باعدات سەيىتباتتالوۆ مۋزيكا حور كەشىن تاماشالادى ءارى ءسوز سويلەپ، قور ۇيىرمەسىنىڭ بارلىق ونەرپازدارىنا العىس ايتتى. ول جۇڭگو-قازاقستان ەكى ەل مادەنيەت-كوركەمونەر اۋىس-كۇيىسىنىڭ بولاشاعىنا زور سەنىم ارتىپ، مۋزيكا حور كەشىنىڭ ەكى ەل حالقىنىڭ تۇسىنىگى مەن دوستىعىن تەرەڭدەتۋىن ءۇمىت ەتتى. قازاقستاننىڭ بەيجيڭدەگى قىزمەتكەرى، وقۋشىلارى جانە بەيحيڭدەگى قازاق ۋاكىلدەرىنەن 1000عا جۋىق ادام مۋزيكا حور كەشىن تاماشالادى.