- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اقسايدا «ۋىزناما» اتتى ميفتىك ءان – ءبي تەاترى قويىلادى
2014.06.23 14:03 كەلۋ قاينارى : حالىق تورابى
حالىق تورابى قازاقشا ارناسى، 23 - ماۋسىم، بەيجيڭ. (ەرىكتى ءتىلشى: ءساليدا قۇسمان قىزى) اقساي اۋداندىق ادەبيەت – كوركەمونەرشىلەر بىرلەستىگىنىڭ باس حاتشىسى كەنجەبەك جازعان «ۋىزناما» اتتى ميفتىك ءان – ءبي تەاترى جۋىق ارادا اقساي اۋدانىندا اۋداننىڭ 60 جىلدىق مەرەي تويى قارساڭىندا قويىلادى. ساحنالىق شىعارمانى ورىنداۋعا قاتىناساتىن 70 نەشە ارتيستىڭ ىشىندە 16 ادام عانا كاسىپتىك ارتيس بولىپ، باسقا ارتيستەر حالىق اراسىنان سارالانعان. رەجيسسور: «كاسىپتەن سىرتقى 50 نەشە ارتيس ءبىر ايدان استام ۋاقىت تەر توگىپ جاتتىعۋدىڭ ارقاسىندا قازىر ءوز رولدارىن الۋدا كاسىپتىك ارتيستەردەن قالىسپايتىن بولدى»، - دەيدى.
اقساي اۋداندىق ۇگىت ءبولىمى قىزمەتكەرىنىڭ ايتۋىنشا، مەملەكەتتىك ءبىرىنشى دارەجەلى رەجيسسور، شينجياڭ ءان – ءبي ۇيىرمەسىنىڭ ورىنباسار باستىعى كۇراش ەرەجەپ اتالعان ءان – ءبي تەاترىنىڭ باس رەجيسسورى بولسا، مەملەكەتتىك ءبىرىنشى دارەجەلى ارتيس، شينجياڭ التاي ايماقتىق ءان – ءبي ۇيىرمەسىنىڭ ورىنباسار باستىعى سەرجان اسىلقان ۇلى باس رەجيسسوردىڭ ورىنباسارى مىندەتىن اتقارادى.
«ۋىزناما» اتتى ميفتىك ءان – ءبي تەاترىنە ارقاۋ بولعان حيكايا جەلىسى مىناداي: سىمباتتى دا سۇلۋ جاس انا ەگىز ءبىر ۇل -ءبىر قىزدى دۇنيەگە اكەلگەننەن كەيىن، ادام قانىن سوراتىن سۇرقيا سۋ ماقۇلىعى جاس كەلىنشەكتى ساداقپەن اتىپ جارالاپ، ونى ۇستاپ اكەتەدى دە، دىڭگەككە اسىپ قويادى، سۇرقيا ماقۇلىق جاس انانىڭ كەۋدەسىنە شانشىلعان جەبەنى الماي، جارانىڭ اۋزىنان اققان قان ءبىر شىنىعا تولعان سايىن شىنىداعى قاندى ءسىمىرىپ وتىرادى. انا كۇندەردىڭ كۇنىندە بالالارىمەن قاۋىشاتىنىنا سەنەتىن، سوندىقتان دا 18 جىل اسپاقتا تۇرىپ، قانشالىق ازاپ پەن ميحنات تارتسا دا، جۇرەكتەگى سول سەنىمنىڭ جەتەگىندە اجال اۋزىنان امان قالىپ وتىردى.
سۋ ماقۇلىعى انانى ۇستاپ اكەتكەن كەزدە ونىڭ ومىراۋىنان ءبىر تامشى ءسۇت ايناكولگە تامادى، ادەتتە جىم – جىلاس جاتاتىن ايناكولدە كەنەتتەن تولقىن كوتەرىلەدى، انانىڭ ومىراۋىنان تامعان ءسۇت كەنەتتەن 2 اققۋعا اينالادى. اسەم ايناكولدە قوس اققۋ ەگىزدەردى باعىپ ەرجەتكىزەدى، اعاسىنىڭ اتى اباق، قارىنداسىنىڭ اتى اتى سوزاق بولاتىن. سۋ ماقۇلىعى جەز تىرناقتى جىبەرىپ ەگىزدەردى ۇستاپ اكەلمەك بولادى، ىزگى نيەتتى قوس اققۋدىڭ قورعاۋىندا ەگىزدەر اتقا ءمىنىپ ساداق اتقاندى ۇيرەنەدى، اققۋلار ەگىزدەر ەرجەتكەن سوڭ سۋ ماقۇلىعىن جەڭىپ، اناسىن قۇتقارىپ، ايناكولدىڭ بۇرىنعى كوركىن قالپىنا كەلتىرىپ، ادام مەن تابيعاتتىڭ ەتەنە قارىم – قاتىناسىن ورناتسا ەكەن دەپ ءۇمىت ەتەتىن.
18 جىلدان كەيىن اباق پەن سوزاق ەرجەتكەن سوڭ، اققۋ انا ولارعا بولعان ءىستى باياندايدى. قوس اققۋدىڭ باستاۋىندا، اباق پەن سوزاق شينجياڭداعى قاناس كولىنە كەلىپ، سول ارادا قازاق حانىنىڭ كومەگىنە يە بولادى. اعالى – قارىنداستى ەگىزدەر سول ارادا باتىرلارمەن تىزە قوسا شايقاس جاساپ، قاناس كولىنە كەلىپ جاسىرىنعان سۋ ماقۇلىعىن جەڭىپ، اناسىن قۇتقارادى... سەرجان اسىلقان ۇلى: «اققۋ قۇس قازاق ۇلتىنىڭ توتەمى، بەيبىت ءومىردىڭ بەلگىسى، قوعام ورنىقتى دا جاراسىمدى بولسا، ءار ۇلت حالقىنىڭ تۇرمىسى بارعان سايىن جاقساراتىن بولادى»، - دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
