- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇڭعىش رەتكى «اقساي» قازاق ادەبيەت سيلىعى ساراپتالدى
2015.01.14 17:13
جۇڭگو از ۇلت جازۋشىلار قوعامىنىڭ تۇڭعىش رەتكى «اقساي» قازاق ادەبيەت سيلىعىن ساراپتاۋ جيىنى قاڭتاردىڭ 5 – كۇنىنەن 7 – كۇنىنە دەيىن بەيجيڭدە وتكىزىلدى. «اقساي» قازاق ادەبيەت سيلىعى – جۇڭگو از ۇلت جازۋشىلار قوعامى مەن گانسۋ ولكەسى اقساي قازاق اۆتونوميالى اۋداندىق حالىق ۇكىمەتى ۇيىمداستىرعان، ۇلتتار ادەبيەتى جۋرنالدار مەكەمەسى سەلبەسكەن ەڭ جوعارى دارەجەدەگى جۇڭگو قازاق ادەبيەت سيلىعى، وندا جۇڭگو قازاق جازۋشىلارىنىڭ ءار جانرداعى تاڭداۋلى ادەبيەت تۋىندىسىن سيلاۋ، جۇڭگو قازاق ادەبيەت جاسامپازدىعى مەن اۋدارما ىستەرىن جەبەۋ ماقسات ەتىلگەن. بۇل سيلىقتى اقساي اۋداندىق حالىق ۇكىمەتى ۇزاق ۋاقىت قولدايدى. اقساي قازاق اۆتونوميالى اۋدانى 1954 – جىلى قۇرىلعان، جەرى گانسۋ، چيڭحاي، شينجياڭ ءۇش ولكە، اۆتونوميالى رايوننىڭ تۇيىلىسىندە، مەملەكەتىمىزدەگى ءۇش قازاق اۆتونوميالى اۋدانىنىڭ ءبىرى. 60 جىلدان بەرى قازاق ۇلتىن نەگىز ەتكەن تۇتاس اۋدانداعى ءار ۇلت حالقى ءبىر نيەتپەن ىنتىماقتاسىپ، تاتۋ – ءتاتتى ءوتىپ، شۇعىلالى تابىس جاراتىپ كەلەدى. اۆتونوميالى اۋدان بۇرىن – سوڭدى «مەملەكەت بويىنشا ۇلتتار ىنتىماعى العاباسارلىعىنداعى ۇلگىلى كوللەكتيۆ»، «مەملەكەت بويىنشا تازا اۋدان ورتالىعى»، «مەملەكەت بويىنشا وركەنيەتتى اۋدان ورتالىعى» قاتارلى مەملەكەت دارەجەلى ون نەشە داڭقتى اتقا قول جەتكىزگەن.
جۇڭگو از ۇلت جازۋشىلار قوعامى «اقساي» قازاق ادەبيەت سيلىعىن ىسكە قوسۋ مۇراسىمى 2014 – جىلى تامىزدىڭ 3 – كۇنى گانسۋ ولكەسىنىڭ اقساي قازاق اۆتونوميالى اۋدانىندا وتكىزىلگەن. العاشقى شىعارما جيناۋ، ساراپتاۋ قيمىلى باستالعاننان 2014 – جىلى قاراشانىڭ 25 – كۇنىنە دەيىن شينجياڭداعى ءار دارەجەلى ادەبيەت – كوركەمونەرشىلەر بىرلەستىگىنەن، جازۋشىلار قوعامىنان، باسپا ورنىنان، سونداي – اق ۇلتتار ادەبيەتى جۋرنالدار مەكەمەسىنەن، ۇلتتار باسپاسىنان جانە گۇيجوۋ ولكەسى تايجياڭ اۋداندىق ادەبيەت – كوركەمونەرشىلەر بىرلەستىگىنەن باعالاۋعا جولدانعان 107 شىعارما تاپسىرىپ الىنعان، مۇنىڭ ىشىندە قازاق تىلىندەگى شىعارما 102 (اۋدارما شىعارما قامتىلادى)، حانزۋ تىلىندەگى شىعارما 5، سيلىق باعالاۋ كەڭسەسىنىڭ بەكىتۋىمەن 94 شىعارما باعالاۋعا قاتىناستىرىلعان.
گودەماجا، لي جيڭزى، باي گىڭشىڭ، يە مەي، يىن يان، شى ي – نيڭ، لي شياۋميڭ، جاۋ يانبياۋ، عالىمبەك سۇلتان ۇلى، ەركەش قۇرمانبەك قىزى، يۇي رۇيحۋا قاتارلى باعالاۋ كوميسسياسىنىڭ باسشىلارى مەن مۇشەلەرىنىڭ سارالاۋىمەن جۇلدەلى شىعارمالار سۇرىپتالدى، بۇل رەتكى سيلاۋ قيمىلى قازاق ادەبيەتىندەگى كەسەك تابىس بولۋمەن بىرگە، جۇڭگو ادەبيەتىنىڭ دە كەسەك تابىسى سانالادى.
وسى رەتكى باعالاۋدا ەرلان نۇردىقان ۇلىنىڭ «كولەڭكە كوزىندەگى ەلەس» دەگەن شىعارماسى «اقساي» قازاق ادەبيەت سيلىعىنىڭ ارىس سيلىعىن الدى؛ اكبار ءماجيت ۇلىنىڭ «اكبار ءماجيت ۇلى اڭگىمەلەرىنەن تاڭدامالار» (حانزۋ تىلىندە) جيناعى، جۇماباي ءبىلال ۇلىنىڭ «ولمەستىڭ كۇنىن بەر» پوۆەستەر جيناعى، قۇماربەك جۋانعان ۇلىنىڭ «ۇيقى قاشقان ۇزاق ءتۇن» پوۆەسى، اپەتاي مۇقاراپ ۇلىنىڭ «كيەلى كوش» تاريحي ەسسەسى «اقساي» قازاق ادەبيەت سيلىعىنىڭ دارىن سيلىعىن الدى؛ كاكەش قايىرجان ۇلىنىڭ «ءجاۋدىر شالعام» اۋدارما پوۆەستى، اينۇر ءماۋلىت قىزىنىڭ «تاڭجارىقتىڭ ولەڭدەر جيناعى» اۋدارماسى «اقساي» قازاق ادەبيەت سيلىعىنىڭ التىن كوپىر سيلىعىن الدى؛ ايدوس امانتاي ۇلىنىڭ «ايدوس – شولپان» (حانزۋ تىلىندە) رومانى، قاجىبەك ايدارقان ۇلىنىڭ «توبىلعى تورى ساۋلەلەر» جەلىلەس ولەڭدەرى «اقساي» قازاق ادەبيەت سيلىعىنىڭ تىڭ تەبىن سيلىعىن الدى.
«اقساي» قازاق ادەبيەت سيلىعىنىڭ ارىس سيلىعىنىڭ سيلىق سوماسى 120 مىڭ يۋان، دارىن سيلىعىنىڭ سيلىق سوماسى 30 مىڭ يۋان، التىن كوپىر سيلىعىنىڭ سيلىق سوماسى 30 مىڭ يۋان، تىڭ تەبىن سيلىعىنىڭ سيلىق سوماسى 30 مىڭ يۋان.
قاتىستى تورلارعا نەگىزدەلىپ اۋدارىپ دايىنداعان سەنبەك اۋەسقان ۇلى
كەلۋ قاينارى: «ىلە كەشى» - حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
