بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

باعىن اشىپ تەكتى ونەر تەرمەنىڭ، 60 جىل دەپ قۇلاشىڭدى سەرمەدىڭ

2015.06.10 14:00    


  ۇلتتىڭ ۇلى گۇلدەنۋى مەن جۇڭگو ارمانىن جۇزەگە اسىرۋ ءۇشىن قۇلشىنىپ وتىرعان بۇگىنگى كۇنى مادەنيەتتىڭ ۇيتقىسى، جاسامپازدىقتىڭ قاينارى رەتىندە بولاشاققا بەت العان بەيزاتتىق مادەني مۇرالار ءارى مادەنيەتتى دامىتۋداعى ماڭىزدى بايلىق قاينارى ءارى بۇكىل قوعامدىق ورتاق تانىمعا ۇيىستىراتىن، سەنىمدى سەرپىلتىپ، وزەكتى قۇن كوزقاراسىن قالىپتاستىرۋداعى رۋحاني بايلىق. ەندەشە وسى ءبىر باعالى رۋحاني بايلىمىزدى ۇلاعاتتاپ، ۇرپاقتار ساناسىنا سىڭىرۋگە ءارى اۆتونوميالى رايونىمىز قۇرىلعاندىعىنىڭ 60 جىلدىعىن قۇتىقتاۋ مەرەي تويىنا ارنالعان ىلە قازاق اۆتونوميالى وبلىسىنىڭ 3 – كەزەكتى تەرمەشىلەر بايقاۋىنىڭ شەشۋشى جارىسى ماۋسىمنىڭ 5 - كۇنى تۇستەن كەيىن ىلە تەلەۆيزياسىنىڭ كونسەرت زالىندا تابىسپەن تامامدالدى.

  ىلە قازاق اۆتونوميالى وبلىستىق مادەنيەت-دەنە تاربيە، راديو- تەلەۆيزيا مەكەمەسىنىڭ جەتەكشىلىك ەتۋىمەن ىلە قازاق اۆتونوميالى وبلىستىق مادەنيەت- كوركەمونەردى زەرتتەۋ ورنى مەن ىلە قازاق اۆتونوميالى وبلىستىق بەيزاتتىق مادەني مۇرالاردى قورعاۋ-زەرتتەۋ ورتالىعى بىرلەسىپ ۇيىمداستىرعان ىلە قازاق اۆتونوميالى وبلىسىنىڭ 3 – كەزەكتى تەرمەشىلەر بايقاۋىن ءبىر اي ۋاقىت مۇقيات دايىندىق كورۋ ارقىلى ويداعىداي ۇيىمداستىردى. بۇل رەتكى تەرمەشىلەر بايقاۋىنا التاي ايماعى، تارباعاتاي ايماعى جانە ىلە وبلىسىنا توتە قاراستى اۋدان، قالالاردان الدىن الا سارالانعان 29 تەرمەشى تىزىمگە الىنىپ، ءارقايسى ورىندار تاڭداپ جىبەرگەن تەرمەشىلەردىڭ دىبىس – بەينە بايان ماتەريالدارى بويىنشا مامانداردىڭ قاتاڭ سارالاۋى ارقىلى 20 تەرمەشى تاڭداپ الىنىپ، وسىدان 12 تەرمەشى شەشۋشى جارىسقا قاتىناستى. ىلە قازاق اۆتونوميالى وبلىستىق مادەنيەت- كوركەمونەردى زەرتتەۋ ورنىنىڭ باستىعى ءباتيلا زالەي قىزى: «بۇل رەتكى تەرمەشىلەر جارىسى جوعارىنىڭ ورنالاستىرۋىنا ساي، ۇلتىمىزدىڭ ءداستۇرلى مادەنيەتىن ساۋلەلەندىرىپ، ۇلتتىق سالت- سانامىزعا مۇراگەرلىك ەتۋ ماقساتىندا وتكىزىلىپ وتىر. جارىسقا قاتىناسقان ونەرپازدار 1990 – جىلداردىڭ تۇلەكتەرى بولىپ، دايىندىق جارىس پەن شەشۋشى جارىستا باعالاۋ وتە ءادىل بولعاندىقتان ونەرپازدار مەن كورەرمەندەر ەرەكشە ريزا بولدى»، - دەدى.

  ءادىلعازىلاردىڭ مۇقيات سارالاۋى ارقىلى شەشۋشى جارىسقا قاتىناسقان 12 تەرمەشىدەن التاي ايماعىنىڭ تەرمەشىسى باقىتبەك جۇنىسبەك ۇلى 1 – دارەجەلى؛ قورعاس اۋدانىنىڭ تەرمەشىسى ايسۇلۋ ماناپقازى قىزى مەن كۇيتۇن قالاسىنىڭ تەرمەشىسى ءدينا ازات قىزى 2 – دارەجەلى؛ تەكەس اۋدانىنىڭ تەرمەشىسى ەسبول جۇماتاي ۇلى، قۇلجا قالاسىنىڭ تەرمەشىسى باقىتبەك ءشارىپ ۇلى، كۇنەس اۋدانىنىڭ تەرمەشىسى ءاليا تۇرسىنعابىل قىزى 3 – دارەجەلى جۇلدەنى جەڭىپ الدى. ءنازيرا ءالىمباي قىزى، كەنجەقان قاھاقارمان قىزى، ءادىلنۇر قاعازبەك ۇلى قاتارلى 6 تەرمەشىگە «ۇزدىك تەرمەشى» سيلىعى بەرىلدى. مۇنان تىس التاي ايماعى، كۇيتۇن قالاسى، توعىزتاراۋ اۋدانى سىندى ءۇش ورىنعا «ۇزدىك كوللەكتيۆ» سيلىعى بەرىلدى.

  كەلۋ قاينارى: ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.