- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 4 - كەزەكتى اقىندار ايتىسى اياقتادى
ايتىستىڭ باس جۇلدەسى ادۋىن اقىن ءجاميعاعا بۇيىردى
2015.08.13 13:33 كەلۋ قاينارى : ءتاڭىرتاۋ تورابى
قالياكبار ۇسەمقان ۇلى، ماقسات قيزات ۇلى 12 - تامىزدا ۇرىمجىدەن حابارلايدى. تامىزدىڭ تامىلجىعان شۋاقتى كۇندەرىن اقىق جىر، سۇلۋ سوزگە شومىلدىرىپ، ورتالىق قالا ءۇرىمجىنى ايتىس دەيتىن اردا ونەردىڭ اسقاق اۋەنىمەن تەربەتكەن شينجياڭ ۇيعۇر اۆتونوميالى رايوندىق 4 - كەزەكتى اقىندار ايتىسى 12 - تامىز تۇستەن كەيىن كومبەسىنە جەتتى.
ىلە قازاق اۆتونوميالى وبلىسىنا توتە قاراستى ورىنداردان، تارباعاتاي، التاي، قۇمىل ايماقتارىنان، سانجى حۇيزۋ اۆتونوميالى وبلىسىنان جانە ءۇرىمجى قالاسى، ءوندىرىس - قۇرىلىس بيڭتۋانى سياقتى ورىنداردان سارالانىپ كەلگەن 44 اقىن 2 كۇن جىر دوداسىنا ءتۇسىپ، رايونىمىز قۇرىلعاندىعىنىڭ 60 جىلدىق تورقالى تويىنا ولەڭمەن شاتتىقتىڭ شاشۋىن شاشتى. باي - باقىتتى زاماندى، بەرەكە مەن بىرلىكتى جىرلادى؛ وتانىم دەپ وي تولعاپ، ەلىم دەپ ەمىرەندى؛ سارا ساياساتتىڭ سۇبەلى ناتيجەلەرىن تىلگە الدى؛ مەملەكەتتى زاڭمەن باسقارۋ، ۇشقارلىقتى الاستاۋ، ىسىراپشىلدىققا، «جولبارىس پەن شىبىندى بىرگە سوعۋ» سىندى سىبايلاس جەمقورلىققا قارسى تۇرۋ سياقتى قولامتالى تاقىرىپتاردىڭ شوعىن ۇرلەپ، جاڭ چۇنشيان شۋجيدىڭ ايتىستىڭ اشىلۋ سالتىندا ايتقان «اقىندار كوركەمونەرلىك تاسىلدەن شەبەرلىكپەن پايدالانىپ، ۇلتتاردىڭ ۇلى ىنتىماعىن، پارتيانىڭ ابزال ساياساتىن جانە قازىرگى تاماشا جاعدايدى، ءار ۇلت حالقىنىڭ تاماشا تۇرمىسقا دەگەن تىلەگىن كوسىلە جىرلاپ، وتان ءۇشىن، حالىق ءۇشىن جىر تيەگىن اعىتىپ، جۇرتتى شىنايى سەزىممەن اسەرلەندىرىپ، كوركەم تىلمەن تاربيەلەپ، بۇقارانى پارتيانىڭ سوزىنە ماڭگى قۇلاق اسۋعا، پارتياعا ىلەسۋگە جەتەلەۋى كەرەك» دەگەن نۇسقاۋىن سالتاناتتى ساحنانىڭ تورىندە مۇلتىكسىز ورىندادى.
ءادىلقازىلاردىڭ باعالاۋى بويىنشا 6 جۇپ اقىن شەشۋشى جارىسقا جولداما الىپ، سوڭعى ناتيجەدە تاپ بەرمەنىڭ تاپقىرى، جەكپە - جەكتىڭ «قاسقىرى» ءجاميعا داۋلەت قىزى ەرەكشە سيلىقپەن ەل ىقىلاسىنا بولەنسە، قاناتبەك زايتوللا ۇلى، ۇلاربەك ءميناتقان ۇلى، باقىتالى تىلەۋبەردى ۇلى ءبىرىنشى دارەجەلى سيىلىققا يە بولدى. ەرلان امانقوجا ۇلى مەن ەربولات سەرعازى ۇلى ەكىنشى ورىنعا جايعاسىپ، جارقىنبەك، ءزۋرا، عازيزا، ارزىگۇل، رايحان، باقىتقاندار ءۇشىنشى ورىندى مىسە تۇتتى. قالعان 32 اقىنعا شابىتتاندىرۋ سيلىعى بەرىلدى. نۇرلان ءابىلماجىن ۇلى، اسحات كەرىمباي ۇلى، ماعاۋ سەيىتقامزا ۇلى، تيان ۋىن، ماۋكەن سەيىتقامزا ۇلى ايتىستىڭ جابىلۋ سالتىنا قاتىناستى ءارى جۇلدە العان اقىندار مەن ۇيىمداستىرۋ سيلىعىن العان ورىندارعا سيلىق تاراتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
