بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

مەملەكەتتىك ستۋدەنتتەردىڭ قازاق تىلىندەگى جۇرگىزۋشىلىك جارىسى مارەسىنە جەتتى

2015.09.08 13:51     كەلۋ قاينارى : ءتاڭىرتاۋ تورابى

  قالياكبار ۇسەمقان ۇلى 6 - قىركۇيەكتە ۇرىمجىدەن حابارلايدى. ورتالىق حالىق راديو ستانسياسىنىڭ «جاستىق جىگەردى جالىنداتىپ، جۇڭگو ارمانىن جۇزەگە اسىرايىق» تاقىرىبىنداعى مەملەكەتتىك ستۋدەنتتەردىڭ قازاق تىلىندەگى جۇرگىزۋشىلىك جارىسى 6 - قىركۇيەك تۇستەن كەيىن شينجياڭ تەلەۆيزياسىنىڭ كونسەرت زالىندا مارەسىنە جەتتى.

  ورتالىق حالىق راديو ستانسياسى از ۇلت تىلىندەگى راديو باعدارلامالارىن تاراتۋ ورتالىعى ۇيىمداستىرىپ، شينجياڭ از ۇلت تىلىندەگى قازاقشا ارناۋلى باعدارلاما ورتالىعى، از ۇلت تىلىندەگى راديو باعدارلامالارىن تاراتۋ ورتالىعى توراپ ءبولىمى، ياڭگۋاڭ شىڭحى سەرىكتەستىگى ۇستىنە الىپ وتكىزگەن بۇل جارىسقا ەلىمىزدەگى جوعارى وقۋ ورىندارىنان ءبىلىم الىپ جاتقان 15 ۇمىتكەر قاتىناستى.

  بەلگىلەنگەن ءماتىندى وقۋ، ءوز بەيىمدىلىگىنە قاراي ونەر كورسەتۋ، سۋرەتكە قاراپ سويلەۋ باستى مازمۇن ەتىلگەن بۇل جارىستا شينجياڭ اۋىل شارۋاشىلىق ۋنيۆەرسيتەتىنىڭ ستۋدەنتى جولدىبەك اسىلبەك ۇلى باس بايگەنى بايلانىپ، 10 مىڭ يۋانمەن سيلاندى. 2 - دارەجەلى جۇلدە ءمولدىر تاپەي قىزىنا، 3 - دارەجەلى جۇلدە جادىرا داۋلەتقان قىزىنا بۇيىردى. ءديدار، قاسيەت، راحمەتوللا، ەسحات، دۋلاتتارعا ەڭ تارتىمدى جۇرگىزۋشى، ەڭ ونەرلى جۇرگىزۋشى، ەڭ قابىلەتتى جۇرگىزۋشى، ەڭ جاسامپاز جۇرگىزۋشى، ەڭ شەبەر جۇرگىزۋشى سيلىعى بەرىلدى. قالعان ۇمىتكەرلەرگە شابىت سيلىعى بەرىلدى.

  ايتا كەتەيىك، ەلىمىزدەگى ستۋدەنتتەردىڭ قارىمى مەن دارىنىن، ورەسى مەن ءورىسىن، ءتىل قولدانۋداعى شەبەرلىگى مەن ساحناداعى جۇرگىزۋشىلىك وبرازىن بايقاۋ ماقساتىندا وتكىزىلگەن بۇل جارىس بيىل ماۋسىم ايىندا باستالىپ، ورتالىق ۇلتتار ۋنيۆەرسيتەتىندە العاشقى سارالاۋ جارىسىن وتكىزگەن بولاتىن. كەيىن شينجياڭ اۋىل شارۋاشىلىق ۋنيۆەرسيتەتىندە، ىلە پەداگوگيكا ينستيتۋتىندا دا قارا جارىستار وتكىزىلىپ، جارىسقا قاتىناسقان 300گە جۋىق ستۋدەنتتىڭ اراسىنان 51 ۇمىتكەر شەشۋشى جارىسقا جولداما الىپتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.