بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

ءۇرىمجى قالاسىنىڭ تۇڭعىش كەزەكتى توعىزقۇمالاق جارىسى ءوتتى

2015.12.15 16:46     كەلۋ قاينارى : شينجياڭ گازەتى

  ءتىلشىمىز قالياكبار ۇسەمقان ۇلى 11 - جەلتوقساندا ۇرىمجىدەن حابارلايدى. ءۇرىمجى قالاسىنىڭ تۇڭعىش كەزەكتى توعىزقۇمالاق جارىسى 11-جەلتوقسان كۇنى مارەسىنە جەتتى. 2 كۇن ۋاقىتپەن ءۇرىمجى قالالىق سوتسياليزم ينستيتۋتىندا وتكەن بۇل رەتكى جارىسقا ءۇرىمجى قالاسىنا قاراستى دابانچىڭ، ميدۇڭ، شۇيموگوۋ رايوندارى مەن ءۇرىمجى اۋدانىنان كەلگەن 40تان استام ويىنشى قاتىناستى.

  ارداگەرلەر گرۋپپاسى، جاستار گرۋپپاسى، قىزدار گرۋپپاسى سىندى 3 گرۋپپاعا ءبولىنىپ دوداعا تۇسكەندەردەن 9 ويىنشى شەشۋشى جارىسقا كىرىپ، سوڭعى ناتيجەدە جەڭىسبەك ىكىرام ۇلى، قانات ءماۋىت ۇلى، كامشات باقىت قىزى ءاربىر گرۋپپانىڭ باس بايگەسىن بايلانسا، كۇلاش ابەۋ قىزى، قادىل ەربول ۇلى، بايان مۇقامەتحان قىزى 2 − دارەجەلى سيلىققا يە بولدى. قاليابەك، ساناۋىل، ايجاندارعا 3 − ورىن بۇيىردى.

  ءۇرىمجى قالالىق «توعىزقۇمالاق قوعامىنىڭ» ۇيىمداستىرۋىمەن، قازاقتىڭ توعىزقۇمالاق ويىنىن ءناسيحاتتاۋ ماقساتىندا وتكەن بۇل رەتكى جارىسقا تەك قازاق ۇلتى عانا ەمەس، حانزۋ ۇلتىنىڭ ازاماتتارى دا قاتىناستى. «قازاق حالقىنىڭ توعىزقۇمالاق ويىنىن ويناۋعا قاتتى قۇمارتتىم. توعىزقۇمالاق ويىنىن ۇيرەتەتىندەردەن ويىن ەرەجەسىن ۇيرەنىپ الدىم. جاي كوزگە توعىزقۇمالاق ويناۋ تىم وڭاي سياقتى كورىنگەنىمەن، ول ناعىز قابىلەت قارىمىڭدى، تەز ەسەپتەۋ، تەز ويلانۋ جاعىنداعى الىمدىلىعىڭدى سىنايدى. جۇڭگونىڭ شاحمات ويىنى سياقتى بۇل ويىننىڭ دا ادامنىڭ وي − ساناسىن ءوسىرىپ، ميىن سەرگىتەتىن رولى بار. ءوز باسىم قازاق حالقىنىڭ توعىزقۇمالاق ويىنىن ۇيرەنىپ العانىما قاتتى قۋانىشتىمىن، جايشىلىقتا قولىم بوساي قالسا، قازاق دوستارىممەن توعىزقۇمالاق وينايمىن، وتە كەرەمەت ويىن. بۇل رەتكى جارىستان دا كوپ نارسە ۇيرەندىم»، − دەپ اعىنان جارىلدى ءۇرىمجى اۋدانىنا قاراستى شياۋچۇيزى ورتا مەكتەبىنىڭ مۇعالىمى زىڭ ۋيپيڭ ەسىمدى ازامات.

  − توعىزقۇمالاق قوعامى قۇرىلعاننان بەرى ۇلتىمىزدىڭ توعىزقۇمالاق ويىنىن دارىپتەۋ، ءناسيحاتتاۋ جۇمىسى ءوز ءونىمىن كورسەتتى. ءۇرىمجى وڭىرىندەگى كوپتەگەن «قوس ءتىلدى» مەكتەپتەردىڭ ەكىنشى ساباقحانا قيمىلىنا ەنگىزىلىپ، وقۋشىلاردىڭ ۇلتتىق ويىنىمىزدى ويداعىداي يگەرۋىنە مۇمكىندىك جاسالدى. سونىمەن قاتار، حانزۋ مەكتەپتەردىڭ دە ەكىنشى ساباقحانا قيمىلى قاتارىنا سىناق رەتىندە ەنگىزىلدى. مەنشە، بۇل دا توعىزقۇمالاق ويىنىن دارىپتەۋدەگى ۇلكەن جەتىستىك، - دەيدى وسى رەتكى جارىستا تورەشى بولعان ءۇرىمجى اۋداندىق دىڭساگوۋ مەكتەبىنىڭ وقىتۋشىسى تىلەك كەنجەتاي ۇلى. «ءۇرىمجى قالالىق توعىزقۇمالاق قوعامى 2015- جىلى ماۋسىم ايىندا قۇرىلعان. توعىزقۇمالاق ويىنىن ءناسيحاتتاۋ، جالپىلاستىرۋ جاعىندا ءبىر قىدىرۋ جۇمىستار ىستەگەن بۇل قوعام توعىزقۇمالاق ويىنىن ءۇرىمجى وڭىرىندەگى <قوسءتىلدى> مەكتەپتەرگە جالپىلاستىرۋدان سىرت، كورشىلەس ايماق، وبلىستارعا دا ءناسيحاتتاپ، شاعىن كۋرستار اشىپ، ۇلتتىق ويىنىمىزدىڭ ءورىسىن كەڭەيتۋگە كۇش سالۋدا. «بۇل رەتكى جارىسىمىز وتە تاماشا ءوتتى. بۇيىرسا، كەلەر جىلى 8 - ناۋرىز قارساڭىندا ايەلدەر اراسىندا توعىزقۇمالاق جارىسىن وتكىزۋدى جوسپارلاپ وتىرمىز»، − دەيدى ءۇرىمجى قالالىق توعىزقۇمالاق قوعامىنىڭ ءتوراعاسى توقتاربەك مۇقامەتقالي ۇلى.

  ايتا كەتەيىك، توعىزقۇمالاق ويىنىنان قازاقستاندا نەشە مارتە «حالىقارالىق توعىزقۇمالاق جارىسى» ءوتتى. استانا، الماتى قالالارىندا وتكەن بۇل ويىندارعا تەك قازاق ۇلتىنىڭ ويىنشىلارى عانا ەمەس، رەسەي، تۇركيا، گەرمانيا سياقتى ەلدەردەن باسقا ۇلت ازاماتتارى دا كەلىپ باق سىناعان - تۇعىن. ال ەلىمىزدە تۇڭعىش كەزەكتى توعىز قۇمالاق جارىسى بيىل جىل باسىندا ستۋدەنتتەر اراسىندا ءوتىپ، وعان رايونىمىزداعى جوعارى وقۋ ورىندارىنىڭ ستۋدەنتتەرى قاتىناسسا، ءۇرىمجى قالاسى كولەمىندە وتكىزىلگەن بۇل رەتكى جارىسقا ەگىنشى − مالشى، قىزمەتكەر، وقۋشى... سياقتى ءار سالادان ويىنشىلار قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.