- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ىلە ورەندەرى» گازەتى «شينجياڭ قازاق ورەندەرى» گازەتى بولىپ شىعا باستادى
2016.01.15 14:11 كەلۋ قاينارى : حالىق تورابى
ءتىلشىمىز سەنبەك اۋەسقان ۇلى حابارلايدى. ىلە جاستار – ورەندەر گازەت – جۋرنال مەكەمەسى جاعىنان شىعارىلاتىن ءبىر گازەت، ەكى جۋرنالدىڭ اتى وزگەرتىلەتىنىنە بايلانىستى وسى گازەت، جۋرنالداردا جىل باسىنان بەرى ايتىلىپ كەلگەن ەدى. سول يگى ءىس ورىندالىپ، 2016 – جىلى قاڭتاردىڭ 6 – كۇنى «شينجياڭ قازاق ورەندەرىنىڭ» تۇڭعىش سانى شىعارىلىپ، وقۋشىلار 2015 – 2016 – جىلعى وقۋ جىلىنىڭ ءبىرىنشى ماۋسىمىن تامامداۋ قارساڭىندا مەكتەپ – مەكتەپتەرگە تارالىپ، نەگىزگى وقىرمان سانالاتىن وقۋشى، وقىتۋشىلاردى شاتتىققا بولەدى.
1959 – جىلدان باستاپ جارىق كورگەن «ىلە ورەندەرى» گازەتى 2014 – جىلى قىركۇيەكتەن باستاپ ءتۇستى بولىپ شىعارىلعان، 2015 – جىلى قىركۇيەكتەن باستاپ اپتاسىنا ءبىر ساننان 8 بەت بولىپ شىعارىلىپ كەلەدى. وسى جولعى اتى وزگەرگەن سانننىڭ 1 – بەتىندە «شينجياڭ قازاق ورەندەرى» گازەتى رەداكسياسىنىڭ «بارشامىزدىڭ ورتاق قۋانىشىمىز» دەگەن تاقىرىپتاعى رەداكسيالىق ءسوزى، ازيا كىندىگى گازەتى مەكەمەسى قازاق رەداكسياسىنىڭ، ءۇرىمجى قالالىق 43 – باستاۋىش مەكتەپتىڭ، شينجياڭ جاستار – ورەندەر باسپاسى قازاق رەداكسيا ءبولىمىنىڭ قۇتتىقتاۋ حاتتارى جاريالانعان. قالعان بەتتەر دە «باقىتتى بالالىق شاق»، «جاڭا جىلدا جاڭا بەينە»، «ويلان دا تاپ»، «قوس ءتىل – قوس قاناتىڭ»، «شاشۋ»، «وقىرمان وتاۋى» ايدارشالارى بويىنشا جازۋ مەن سۋرەت قابىستىرىلىپ، كوركەم جوبالارمەن وقىرمانىن باۋرايتىنداي شىققان. اسىرەسە، «وقىرمان وتاۋى» ايدارشاسى بويىنشا باسىلعان ءمۇتان سىدىق ۇلىنىڭ «قۇتتى بولسىن جاڭا اتىڭ، تالماسىن ماڭگى قاناتىڭ» تاقىرىبىنداعى شالقىماسىندا كونە وقىرمان، بەلسەندى اۆتور ىستىق ىقىلاسىن كوكەيدەن شىمىرلاپ شىققان ءسوز مارجاندارىمەن كەستەلەپ، گازەتتىڭ رۋحاني تۇرمىسىمىزداعى ەڭبەگىن القاپ، الداعى ساپارىنا اق جول تىلەگەن.
قۇلجا قالالىق 27 – باستاۋىش مەكتەپتىڭ ساقا وقىتۋشىسى قالبىنۇر قوقىمبەك قىزى بىلاي دەدى: «شينجياڭ قازاق ورەندەرى» گازەتىنىڭ تۇڭعىش سانى قولىمىزعا ءتيىپ مارە – سارە بولىپ وتىرمىز، بۇل گازەت ءبىزدىڭ كاسىپتىك جاقتاعى قولعاناتىمىز، ودان بالالار عانا ەمەس، ءبىز دە مول ءبىلىم الامىز.
وسى مەكتەپتىڭ وقۋشىسى ميلا تولەگەن قىزى: ءبىز كلاس جەتەكشىمىز اينۇر مۇعالىمنىڭ جەتەكشىلىگىندە ورەندەر گازەتىنە تالاسا – تارماسا جازىلىپ، ءوز گازەتىمىزدى وسىلايشا قولدادىق، رەداكسياداعى اعايلار مەن اپايلارعا العىس ايتامىز! – دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
