- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گۇل كۇنەستە بالدىرعان اقىنداردىڭ جارىسى بولىپ ءوتتى
2016.05.31 14:02
تاڭجارىق جولدى ۇلىنداي دارابوز اقىن، ءاشىم دۇڭشى ۇلىنداي داۋىلپاز كۇيشى شىققان، كوپتەگەن ساڭلاق اقىندار مەن تاڭداۋلى ءانشى، كۇيشى، ونەرپازدار ءوسىپ - جەتىلىپ بەيزاتتىق اسىل قازىنامىزدى قورعاۋدى جانە وعان مۇراگەرلىك ەتۋدى ۇرپاقتان ۇرپاققا جالعاپ، دامىتىپ كەلگەن، گۇل كۇنەستەگى قازاق ۇرپاقتارىنىڭ ءبىلىم وشاعى سانالاتىن كۇنەس اۋداندىق 1 – ورتا مەكتەپ پەن ىلە حالىق راديو ستانسياسىنىڭ قازاق راديوسىنىڭ ۇيىمداستىرۋىندا اۆتونوميالى رايونىمىزدىڭ تۇڭعىش ۇلتتار ىنتىماعى العاباسارلىعى جىلىن الۋان ءتۇرلى، باي مازمۇندى جەلىلەس قيمىلدارمەن قارسى الۋ جانە وسى زامانعى مادەنيەتتى جەتەكشى ەتىپ، ۇشقارىلىقتى الاستاپ، ۇلتتار ىنتىماعىن كۇشەيتىپ، جاراسىمدى قوعام قۇرۋدى باستى مازمۇن ەتكەن «ۇلى وتانعا العىس ايتىپ، بەرەكەنى جىرلايىق» اتىنداعى بالدىرعان اقىنداردىڭ ۇلتتار ىنتىماعى بىلىمدەرىنەن سۇراۋ - جاۋاپ فورماسىنداعى اقىندىق ونەر كورسەتۋ جىر دوداسى جۋىردا دۋماندى دا سالتاناتتى بولىپ ءوتتى.
بيىلعى جىلى جاسامپازدىقپەن، جاڭا كوزقاراسپەن مەملەكەتتىك بەيزاتتىق مۇراعات تىزىمدىگىنە ەنگەن، بوگەنايى بولەك ۇلتتىق مادەنيەتىمىزدىڭ، حالىقتىق قۇندىلىقتارىمىزدىڭ ءبىرى سانالاتىن اقىندار ايتىسى ارقىلى اۆتونوميالى رايونىمىزدىڭ ۇلتتار ىنتىماعى العاباسارلىعى جىلى قيمىلىن دابىرالى ورىستەتۋگە بەلسەنە ۇلەس قوسۋ ماقساتىندا كۇنەس اۋداندىق 1– ورتا مەكتەپ ۇيىمداستىرعان وسى قيمىلدا بالدىرعان اقىندار «تاستۇلەك»، «ساڭلاق»، «كوكتىلەر» سىندى ءۇش گرۋپپاعا ءبولىنىپ، سۇراۋعا جاۋاپ قايتارۋ جاڭا فورما بويىنشا جاراسىمدى قوعامدى، پارتيانىڭ ۇلت، ءدىن ساياساتى مەن ۇلتتاردىڭ ۇلى ىنتىماعىن، بەرەكە - بىرلىگىن، ءتيىمدى ساياساتتى، سالت - سانانى وزگەشە ورنەك، تاماشا ولەڭ جولدارىمەن جىرعا قوسىپ، جىر تويىن دىر - دۋمانعا بولەپ، قالىڭ كورەرمەندەردى شاتتىققا بولەدى.
وتكەن عاسىردىڭ 39 – جىلى قۇرىلىپ، تالاي تالانتتى تۇلەكتەرىن تۇعىردان ۇشىرعان 80 جىلدىق تاريحى بار كۇنەس وقۋ - اعارتۋىنىڭ التىن بەسىگى، قارا شاڭىراعى بولعان بۇگىنگى كۇنەس اۋداندىق 1– ورتا مەكتەپ كۇن سايىن تۇلەجىپ، 200 دەن استام وقىتۋشىسى، 3 مىڭعا جۋىق وقۋشىسى بار، سان مىڭداعان تۇلەكتەرىن ءبىلىم نارىنەن سۋسىنداتىپ، قوعامعا زور ۇلەس قوسقان، وقۋ - وقىتۋ ساپاسى مەن ناتيجەسى اۆتونوميالى رايونىمىز بويىنشا اعالاپ العا شىققان، رايونىمىزداعى تازا قازاق تىلىندە وقۋ - وقىتۋ جۇرگىزەتىن ۇلگىلى ءبىلىم ورداسىنا اينالدى. مەكتەپ جىل سايىن وقۋشىلاردىڭ اقىندار ايتىسى، ەتنوگرافيالىق كورمە، ۇلتتىق مۇراجاي، مادەنيەت اپتالىعى سياقتى رۋحاني وركەنيەت قيمىلدارىن ويداعىداي جانداندىرۋمەن بىرگە، مەكتەپتىڭ جەڭىل اتلەتيكا كۋرجەگىندەگىلەر اۆتونوميالى رايون جانە ىلە وبلىسىندا وتكىزىلگەن جارىستاردا تالاي رەت التىن، كۇمىس مەدالدى ەنشىلەدى. ايتالىق، مەكتەپ باسكەتبول كومانداسى ىلە وبلىسىندا وتكىزىلگەن جارىستا 1- دارەجەلى جۇلدەنى قانجىعاسىنا بايلادى.
ءادىلعازىلاردىڭ مۇقيات باعالاۋى ارقىلى «وتانعا العىس ايتىپ، بەرەكەنى جىرلايىق» اتىنداعى ورتا مەكتەپ وقۋشىلارىنىڭ ۇلتتار ىنتىماعى بىلىمدەرىنەن اقىندىق ونەر كورسەتۋ جىر دوداسىندا «كوكتىلەر» بالدىرعان اقىندار گرۋپپاسىنان عالىم ەركىنبەك ۇلى مەن «تاستۇلەك» بالدىرعان اقىندار گرۋپپاسىنان ىنتىماق گىمىڭكەلدى ۇلى 1– دارەجەلى، ەردوس دۋلات ۇلى، كوڭىلاشار نۇرداۋلەت ۇلى، قاينار باقىتكەلدى ۇلى قاتارلى ءۇش بالدىرعان اقىن 2– دارەجەلى، ۇلنۇر تىلەۋبەردى قىزى، ايبول ابدىباي ۇلى، تۇرسىن نۇردانبەك ۇلى، بالعىن بايداۋلەت ۇلى 3– دارەجەلى جۇلدەنى ەنشىلەپ، سيلىق كۋالىك جانە زاتتىق بۇيىمدارمەن ماراپاتتالدى. بايسۇلتان نۇپتەبەك ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
