- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بەيجيڭدە ۇزدىك قازاق جاستارى لەكسيا وتكىزىلدى
2016.06.27 15:11 كەلۋ قاينارى : حالىق تورابى
حالىق تورابى، 27 - ماۋسىم، بەيجيڭ، مانەپ ەربول ۇلى حابارلايدى. بۇل كۇندەرى 21 ميلليوننان استام جان سانى بار ەلىمىزدىڭ استاناسى بەيجيڭدە ءتۇرلى ماماندىقتار بويىنشا ءبىلىم الىپ جاتقان قازاق ستۋدەنتتەرىنەن سىرت، بەيجيڭدەگى وقۋىن تامامداعان سوڭ، جالعاستى بەيجيڭدە قالىپ قىزمەت ىستەۋدى تاڭداعان ٵر سالا، ٵر كاسىپتەردە جۇرگەن قازاق جاستارىنىڭ سانى بارعان سايىن كوبەيۋدە. ستۋدەنتتىك شاقتارىن قاجىماي - تالماي ۇيرەنۋگە ارناعان جاستارىمىز بۇل كۇندەرى استانامىز بەيجيڭدە وزگە ۇلت دارىندىلارىمەن تەڭ تۇرىپ جۇمىس جۇرگىزۋدە، وسىنداي ۇلگىلى جاستارىمىزدى ۋنيۆەرسيتەت تابالدىرىعىن جاڭا اتتاعان ستۋدەنتتەرگە ۇلگى رەتىندە كورسەتۋ جانە جاستارىمىزدىڭ ٶزارا پىكىر الماستىرۋىنا وراي جاراتۋدى ماقسات ەتكەن «ساق تايپاسى» اتىنداعى الەۋمەتتىك ءۇنحات تەكشەسى جاۋاپتىلارىنىڭ تىكەلەي ۇيىمداستىرۋىندا، 27 - ماۋسىم كۇنى ورتالىق ۇلتتار ۋنيۆەرسيتەتىندە جاستارىمىزدىڭ ءبىر جولعى تاماشا كەزدەسۋدى بولىپ ءوتتى. كەزدەسۋدىڭ باسىندا ورتالىق ۇلتتار باسپاسى قازاق رەداكسياسىنىڭ مەڭگەرۋشىسى باقىتبەك توقتاسىن ۇلى، ورتالىق حالىق راديو ستانسياسى اعا ديكتورى، اقىن بالاپان راباتوۆ قاتارلى اعالار وسى رەتكى قيمىل جونىندە ٶز باعالارىن بەرىپ، جاستاردىڭ يگى جۇمىستارىنا دەگەن قولداۋى مەن ريزالىعىن ءبىلدىردى. ونان سوڭ ورتالىق ۇلتتار ۋنيۆەرسيتەتى قازاق ءتىل - ادەبيەت فاكۋلتەتىنىڭ وقىتۋشىسى نۇرباقان كالەلقان ۇلى، ورتالىق ۇلتتار ۋنيۆەرسيتەتى از ۇلت شارۋاشىلىعىن دامىتۋدى سايكەستىرۋ، جاڭالىق جاراتۋ ورتالىعىنىڭ وقىتۋشىسى ماينۇر ساناتبەك قىزى، بەيجيڭ ۋنيۆەرسيتەتى قوعامدىق عىلىمدار فاكۋلتەتىندە ادامزات عىلىمى كاسىبى بويىنشا دوكتورلىق وقىپ جاتقان جانارگۇل شاكەن قىزى، جۇڭگو ساياسي زاڭ ۋنيۆەرسيتەتىنەن ۇزدىك ناتيجەمەن وقۋىن تامامداپ، الداعى كۇزدەن باستاپ اتالعان ۋنيۆەرسيتەتتە قىزمەتكە شىعۋعا قالعان ديدار مالىك قىزى قاتارلى ۇزدىك جاستارىمىز وزدەرىنىڭ ستۋدەنتتىك ٶمىرى مەن جيناعان تاجيريبەلەرىن سوڭىنان ەرگەن ءىنى - قارىنداستارىنا اعىنان اقتارىلا اڭگىمە ەتتى، سونداي - اق، ءىنى - قارىنداستارىنىڭ ويىندا جۇرگەن قيىن ماسەلەلەرگە جاۋاپ بەرىپ، ۇيرەنۋ، تۇرمىس، ۇلت جايلى ورەلى ويلارىن ورتاعا سالدى. مۇنان سىرت، بەيجيڭدە ءبىلىم الىپ جاتقان ستۋدەنتتەر مەن قىزمەت ىستەپ جاتقان جاستارىمىزدان جۇزدەن استام ادام كەلىپ لەكسيانى تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
