بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>مادەنيەت

«ۇلتتار ادەبيەتى» جۋرنالى قازاقشا باسىلىمىنىڭ 2017 – جىلعى جازۋشى – اۋدارماشىلار كۋرسى اشىلدى

2017.06.15 17:01     كەلۋ قاينارى : حالىق تورابى


  

  (بەينەجازبادا جاۋ يانبياۋ، ازيا ماعىپەر قىزى، ەرلان مازان ۇلى اتالعان كۋرس جايلى باياندادى)

  ۇلتتار ادەبيەتى جۋرنال مەكەمەسى ۇيىمداستىرعان، جۇڭگو از ۇلت جازۋشىلار قوعامى سەلبەسىپ وتكىزگەن «ۇلتتار ادەبيەتى» جۋرنالى قازاقشا باسىلىمىنىڭ 2017 – جىلعى جازۋشى – اۋدارماشىلار كۋرسى 15 – ماۋسىمدا بەيجيڭدەگى شينجياڭ سارايىندا اشىلدى. بەيجيڭنەن، شينجياڭنان جانە گانسۋ ولكەسىنىڭ اقساي اۋدانىنان 22 جازۋشى مەن اۋدارماشى كۋرسقا قاتىناستى. جۇڭگو جازۋشىلار وداعىنىڭ، جۇڭگو از ۇلت جازۋشىلارى قوعامىنىڭ، «ۇلتتار ادەبيەتى» جۋرنالىنىڭ، شينجياڭ ادەبيەت – كوركەمونەرشىلەر بىرلەستىگى مەن شينجياڭ جازۋشىلار قوعامىنىڭ جانە «بەيجيڭ ادەبيەتى» جۋرنالىنىڭ قاتىستى باسشىلارى كۋرستى اشۋ سالتىنا قاتىناستى. كۋرستى اشۋ سالتىن «ۇلتتار ادەبيەتى» جۋرنالى باس رەداكتورىنىڭ ورىنباسارى، جۇڭگو از ۇلت جازۋشىلارى قوعامىنىڭ باس حاتشىسى جاۋ يانبياۋ باسقاردى. يە مەي، ياڭ شياۋشىڭ، ەركەش قۇرمانبەك قىزى كۋرسانتتارعا ساباق بەردى.

  «ۇلتتار ادەبيەتى» قازاقشا باسىلىمى 2012 – جىلى قىركۇيەكتە جارىق كورگەننەن بەرى، جۋرنالدىڭ دەڭگەيى بارعان سايىن جوعارىلاپ، قازاق جازۋشىلارى مەن اۋدارماشىلارىنىڭ ءورىسىن كەڭەيتىپ، وقىرماندارعا تاتىمدى اۋدارمالار مەن تاماشا تۋىندىلاردى سيلادى. اتالعان باسىلىم قازاق ادەبيەتىندەگى اۋدارماشىلار قوسىنىن جەتىلدىرۋ، ادەبي جاسامپازدىق پەن اۋدارما سالاسىن دامىتۋ، ۇلتتار ىنتىماعىن ىلگەرىلەتۋ جاقتارىندا وزىندىك ۇلەسىن قوسۋدا.

  «ۇلتتار ادەبيەتى» قازاقشا باسىلىمى جۇڭگو مەن قازاقستاننىڭ مادەنيەت جاعىنداعى اۋىس – كۇيىسىن ىلگەرىلەتۋ ءۇشىن، اتالعان جۋرنالدى قازاقستانداعى اقىن - جازۋشىلارعا، جوعارى مەكتەپتەر مەن زەرتتەۋ ورىندارىنا دەيىن تانىمالى ەتۋگە كۇش سالىپ، قازاقستاندىق وقىرمانداردىڭ جۇڭگو مادەنيەتىن تەرەڭدەي ۇعىنۋىنا وراي جاراتادى. «ۇلتتار ادەبيەتى» قازاقشا باسىلىمى الدا جىل سايىن قازاقستان اقىن - جازۋشىلارىنىڭ تۋىندىلارىنان جيناق شىعارىپ، ەل ىشىندەگى وقىرماندارعا قازاقستان ادەبيەتىن تانىستىرىپ وتىرادى. وسى ارقىلى ەكى ەلدىڭ ادەبيەت، مادەنيەت جاقتارىنداعى اۋىس - كۇيىسىنە كوپىرلىك رول اتقارادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار