كوپ ۇلتتى مادەنيەتتىڭ ءتىل قامباسىن ساقتايىق
— ۋاكىلدەر از ۇلتتاردىڭ ءتىل – جازۋىنا مۇراگەرلىك ەتۋ مەن ونى قورعاۋعا نازار اۋداردى
2020.05.27 13:09 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 24 – كۇنى، بەيجيڭ (ءتىلشى: ۋىن جيڭحۋا) مەملەكەتتىك حالىق قۇرىلتايى ۋاكىلى، گۋاڭشي ۇلتتار داشۋەسى كينو فيلم جاسامپازدىق ورتالىعى مەڭگەرۋشىسىنىڭ ورىنباسارى فان يپيڭ: «جۋاڭزۋ ءتىلى وتە يكەمدى ءتىل، تەك تاماق جەۋدىڭ ءوزى جۋاڭزۋ تىلىندە بىرنەشە ءتۇرلى ايتىلادى، مىسالى، qiang جانە gen دەگەن ەكى ءسوز دە تاماق جەۋ دەگەندى بىلدىرەدى، الدىڭعى ءسوز جاقىن دوستارعا قاراتىلادى، دوستارىمەن باس قوسىپ، بىرگە تاماقتانۋعا شاقىرعان ءماندى بىلدىرەدى. كەيىنگى ءسوزدىڭ سىپايلىق كورسەتۋ ءمانى باسىمىراق بولىپ، بۇل تەك جوسىن ءۇشىن ايتىلا سالعان ءسوز سياقتى كوڭىل – كۇيدى بىلدىرەدى. الايدا، وسىنداي باي مازمۇندى كوڭىل – كۇيدى بەينەلەيتىن ءسوزدى حانزۋ تىلىنە اۋدارعان كەزدە ماعىناسى ىقشامدالىپ، ءوز ءمانى جويىلىپ كەتەدى»، — دەيدى.
ءبىز ءبىرتۇتاس كوپ ۇلتتى مەملەكەتپىز، كوپ ءتۇرلى مادەنيەت بىرگە ءومىر سۇرەدى، ءتىل بايلىعى مول. گۋاڭشي — ەلىمىزدەگى از ۇلتتار جان سانى ەڭ كوپ ولكە، حانزۋ، جۋاڭزۋ، ياۋزۋ، مياۋزۋ، دۇڭزۋ، مۋلاۋ، ماۋنان قاتارلى 12 ۇلت ەجەلدەن بەرى قونىستانىپ كەلەدى. بيىلعى ەكى ماجىلىسكە ۋاكىل فان يپيڭ از ۇلتتاردىڭ ءتىل – جازۋىنا مۇراگەرلىك ەتۋ جانە ونى قورعاۋ جونىندەگى ۇسىنىستى اكەلىپتى.
«ۇلتتى تانۋدا ءتىل ەڭ ماڭىزدى رول اتقارادى. الايدا، قازىر گۋاڭشيدە قالادا تۋعان جۋاڭزۋلاردىڭ 90 پايىزى جۋاڭزۋ ءتىلىن سويلەي المايدى، تەك تۇسىنە الادى. ءبىزدىڭ وتباسىمىز جۋاڭزۋ وتباسى، مەنىڭ قىزىم 30 جاستا، بۇل جاستاعىلار قازىر جۋاڭزۋ ءتىلىن سويلەي المايدى. ءتىپتى جۋاڭزۋ ۇلتى شوعىرلى قونىستانعان اۋىل – قىستاقتاردا دا، جاستار مەن ورەندەردىڭ كوبى جۋاڭزۋ ءتىلىن سويلەي المايدى»، — بۇل جاعداي فاڭ يپيڭدى تولعاندىرادى.
ول تەكسەرۋ بارىسىندا مىنانى بايقاعان: مەملەكەت پەن جەرگىلىكتى ورىن ۇكىمەتى ءىشىنارا تىلدەرگە باعىتتالعان جالپىلاستىرۋ مەن قورعاۋ قىزمەتىن ورىستەتكەن بولسا دا، الايدا، از ۇلت جۇرتشىلىعىنىڭ ءوز ۇلتىنىڭ ءتىل – جازۋىنا مۇراگەرلىك ەتۋ بەلسەندىلىگى وتە جوعارى ەمەس، جاقسى ساياساتتار ءالى دە ءونىمدى تياناقتاندىرىلماي وتىر. قالالانۋ قادامىنىڭ جەدەلدەۋىنە بايلانىستى، ۇلتتىق مادەنيەت رايى ءبىرشاما قانىق جەرلەردە دە، «جۋاڭزۋ ءتىلىن سويلەۋ ارتتا قالعاندىقتىڭ بەلگىسى» دەگەن تانىم جاپپاي ءومىر ءسۇرىپ وتىر، اتا – انالار بالالارىنا تەك ورتاق ءتىلدى عانا ۇيرەتەدى.
گۋاڭشي رۇڭشۇي مياۋزۋ اۆتونوميالى اۋدانىنىڭ باستىعى ما كۇڭ ۋاكىل دە شىندىعىن ايتتى، مياۋزۋلاردىڭ ءتىلى بار جازۋى جوق، سالىستىرمالى تۇردە ايتقاندا جالپىلاستىرۋ تىپتەن قيىن، «ءبىزدىڭ ۇرپاقتارىمىز مياۋزۋ ءتىلىن تۇسىنبەيتىن بولدى. تەك مەرەكەلەردە عانا، مياۋزۋ اندەرىن ايتقان بولادى».
«بايىرعى ۇيلەردە تۇرمايمىز، ۇلتتىق كيىم – كەشەكتى دە تاستادىق، بۇل ەستەمەلەرىمىز تەك مۇراجايلاردا عانا ساقتالىپ قالدى. الايدا، ەشكىم سويلەمەگەن ءتىل قۇرىپ جوعالادى، قايتادان قالپىنا كەلتىرۋ قيىن»، — فان يپيڭ از ۇلتتاردىڭ ءتىلىن قورعاۋدىڭ ەڭ جاقسى ءتاسىلى — ءتىلدى پايدالانۋ جانە وعان مۇراگەرلىك ەتۋ دەپ قارايدى.
ماۋنان ۇلتى — ەلىمىزدەگى جان سانى ءبىرشاما از سانالاتىن 28 ۇلتتىڭ ءبىرى. بۇكىل ەلىمىزدەگى بىردەن – ءبىر ماۋنان ۇلتى اۆتونوميالى اۋدانى رەتىندە، گۋاڭشي حۋانجياڭ ماۋنان ۇلتى اۆتونوميالى اۋدانى جۋىرداعى جىلداردان بەرى ۇلتتىق ەرەكشەلىككە يە مادەنيەتتى قورعاۋ جاعىندا ءونىمدى ۇمتىلىستار جاسادى. مەملەكەتتىك حالىق قۇرىلتايى ۋاكىلى، حۋانجياڭ اۋدانىنىڭ اكىمى حۋاڭ بيڭفىڭ بىلاي دەيدى: حۋانجياڭ اۋدانى فىنلۇڭ مەرەكەسى قاتارلى ۇلتتىق مەرەكەلەر ارقىلى ۇلتتىق مادەنيەتكە مۇراگەرلىك ەتىپ، ۇلتتار ىنتىماعىنىڭ اۋقىمىن قالىپتاستىرىپ، ماۋنان ۇلتىنىڭ ۇلتتىق تانىمىن كۇشەيتتى. ماۋنان ۇلتى شوعىرلى قونىستانعان شيانان اۋىلىنداعى باستاۋىش مەكتەپتە ماۋنان ءتىلى مەن ورتاق ءتىلدى ۇشتاستىرعان وقىتۋ اتقارىلدى ءارى ماۋنان ۇلتىنىڭ اندەرى مەن بيلەرى مەكتەپ اۋلاسىنا ەنگىزىلدى.
«بالالاردى كىشكەنتايىنان ۇلتتىق مادەنيەتپەن تاربيەلەۋىمىز جانە باۋلۋىمىز كەرەك. ولاردىڭ اتا – مەكەندەرىنە دەگەن تەرەڭ سۇيىسپەنشىلىگىن جەتىلدىرۋ ارقىلى ۇيرەنۋگە دەگەن ىشكى قوزعاۋشى كۇشتەرىن وياتۋعا بولادى»، — دەيدى حۋاڭ بيڭفىڭ.
فان يپيڭ تاعى مىناداي ۇسىنىس بەردى: از ۇلتتار شوعىرلى قونىستانعان جەرلەردە قوس ءتىلدى وقۋ – اعارتۋدى جالپىلاستىرۋدان سىرت، ۇلتتىق ءتىل – جازۋدى جوعارىلاپ وقۋ ەمتيحانى، ۇكىمەت قىزمەتكەرىن قابىلداۋ ەمتيحانى، كاسىپتىك اتاعىن باعالاۋ قاتارلىلاردىڭ كولەمىنە ەنگىزۋ ارقىلى تۇزىمدىك جانە ساياساتتىق جاقتان از ۇلت جۇرتشىلىعىنىڭ ءوز ۇلتىنىڭ ءتىلىن ۇيرەنۋ بەلسەندىلىگىن جوعارىلاتۋ كەرەك.
مۇنان سىرت، ول مىناداي ۇسىنىس بەردى: از ۇلتتاردىڭ ءتىل – جازۋىن قورعاۋعا، وعان مۇراگەرلىك ەتۋگە جانە زەرتتەۋگە باعىتتالعان ءتۇرلى قيمىلدارعا قولداۋ كورسەتۋ تەبىنىن ارتتىرۋ كەرەك. شارت – جاعدايى بار ۇلتتىق شۋەيۋاندار، پەداگوگيكا شۋەيۋاندارى قاتارلى جوعارى مەكتەپتەردە از ۇلتتاردىڭ ءتىل – جازۋىنا قاتىستى كاسىپتىك ساباقتاردى ورنالاستىرۋ، از ۇلتتاردىڭ ءتىل – جازۋىن ساقتاۋعا، پايدالانۋعا «قۇنارلى توپىراق» قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
