جەمەنەي جايلاۋى تاس قالا گەولوگيالىق باقشاسى ساياحاتشىلاردى قابىلدادى

«1 – مامىر» دەمالىسىندا 5000   ادام-رەتتەن استام ساياحاتشى قابىلداعان

2019.05.07 15:37   كەلۋ قاينارى : حالىق تورابى

　　تيانشان تورابى، (حاباردى بەرىپ، سۋرەتىن تۇسىرگەن: ءتىلشى ايشامگۇل ابىلا، ەرىكتى ءتىلشى سارسەن) ءتىلشىنىڭ جەمەنەي اۋداندىق پارتكومنىڭ ۇگىت بولىمىنەن ۇعىسۋىنشا، 5 – ايدىڭ 2 – كۇنى، جەمەنەي جايلاۋى تاس قالا گەولوگيالىق باقشاسى ساياحاتشى قابىلداپ، «1 – مامىر» دەمالىسىندا جيىنى 5000 ادام- رەتتەن استام ساياحاتشى قابىلداعان.

　　جەمەنەي جايلاۋى تاس قالا گەولوگيالىق باقشاسى التاي ايماعىنىڭ جەمەنەي اۋدانى توستى اۋىلىنا ورنالاسقان بولىپ، جەمەنەي اۋدانىنان 40 كيلومەتر قاشىقتىقتا. بۇل كورىنىس رايونى ىلگەرىندى – كەيىندى مەملەكەتتىك 3A دارەجەلى كورىنىس رايونى، مەملەكەتتىك گەولوگيالىق باقشا، اۆتونوميالى رايوندىق ايگىلى كورىنىس رايونى بولىپ باعالانعان، ساياحات، دەمالىس، ەرەكشە ساياحات، عىلىمي زەرتتەۋدى نەگىزگى مازمۇن ەتكەن كولەمدى ساياحات رايونى.

　　كورىنىس رايونىنداعى ەرەكشە نازار اۋداراتىن ءتۇيىن -- شينجياڭداعى تۇڭعىش كونە تاس قۇرالدار داۋىرىندەگى ۇڭگىر جۇرتى – تۇڭتيان ۇڭگىرىنىڭ ەسكى جۇرتى، بۇل ەسكى جۇرت سول داۋىردەگى ەلىمىزدەگى باسقا جۇرتتارمەن سالىستىرعاندا وزگەشە بولىپ، ەلىمىزدە تيپتىك كونە تاس قۇرالدار ءداۋىرىنىڭ ورتاشا مەزگىلىندەگى موست مادەنيەتى تۇرىندەگى بوستىقتى تولتىردى.

　　حاربيننان كەلگەن ساياحاتشى ليۋ شىلي: «بۇل اراداعى تۇڭتيان ۇڭگىرىندە 40 مىڭ جىلدىڭ الدىنداعى ادامزات قيمىلىنىڭ بەلگىسى بايقالادى، بۇل مەنى بۇل جەرگە كەلىپ ساياحاتتاۋعا قىزىقتىردى، ساياحاتتاۋ بارىسىندا، تاريحتىڭ تەرەڭ قاتپارى ادامدى تاڭ قالدىرادى»، — دەدى.

　　بۇل ارادا تاريحي مادەنيەت ءمان – جايىن تۇسىنۋدەن سىرت، كورىنىس رايونىنداعى عاجايىپ گەولوگيالىق كورىنىستەر، ايبىندى تاس ۇڭگىر، كيەلى بۇلاقتاردا وزىندىك ەرەكشەلىككە يە. التىنشى، جەتىنشى ايلاردا، ون مىڭ مۋلىق جايلىمداعى شۇعىنىق، كۇنكەلدى، جەل ايدار، اقجۇرەك قاتارلى 100 نەشە ءتۇرلى تاۋ گۇلدەرى جارىسا اشىلىپ، كوركەم كورىنىسى كوز سۇرىندىرەدى.

　　ۇعىسۋعا قاراعاندا، بيىل كورىنىس رايونى ساياحاتشىلار وتىرىپ سەرۋەندەيتىن ماشينا، مايعا بەرىلەتىن ۆەلوسيپەد، ات، تۇيە قوسىنى قاتارلى كوپتەگەن نىسانداردى جاڭادان قوسپاقشى.

　　كەلۋ قاينارى: حالىق تورابى