بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>دەنە تاربيە

شينجياڭ قازاقتارىنىڭ تۇڭعىش كەزەكتى «قازاق كۇرەسى» ءوتتى

2013.05.03 08:48     كەلۋ قاينارى : حالىق تورابى

قيان-كەسكى كۇرەس

  قۇلقايتەكتى نۇرلان ۇرىمجىدەن حابارلايدى. شينجياڭ قازاقتارىنىڭ تۇڭعىش كەزەكتى «قازاق كۇرەسى» جارىسى 27-ءساۋىر، 28-ءساۋىر كۇندەرى شينجياڭ اۋىل شارۋاشىلىعى ۋنيۆەرسيتەتىنىڭ سپورت زالىندا ءوتتى. ورتالىق قالا ۇرىمجىدە وتكەن تۇڭعىش كەزەكتى «قازاق كۇرەسى» جارىسىنا ىلە قازاق اۆتونوميالى وبلىسىنا توتە قاراستى ورىنداردان، التاي، تارباعاتاي ايماقتارىنان، سانجى حۇيزۋ اۆتونوميالى وبلىسىنا قاراستى اۋدانداردان، باركول قازاق اۆتونوميالى اۋدانىنان جانە ءۇرىمجى قالاسىنان 72 بالۋان قاتىناستى.

  دودا وسپىرىمدەر اراسىندا 48 جانە 58 كيلوگرام سالماقتا، ەرەسەكتەر اراسىندا 66، 76، 86 جانە 90 كيلوگرام سالماقتا ءوتتى. سونىمەن بىرگە، سالماققا قارامايتىن «تۇيە بالۋان» باسەكەسى دە جارىس كورىگىن قىزدىردى. التاي قالاسى كومانداسىنىڭ بالۋاندارى ءۇش التىن مەدالدى قانجىعاسىنا بايلاپ، وسى جولعى «قازاقشا كۇرەس» جارىسىنىڭ كوللەكتيۆ اعا جۇلدەگەرى بولدى، ال جۇڭگوداعى قازاق كۇرەسىن دامىتۋدىڭ بازاسى قۇرىلعان كۇنەستەن كەلگەن «قازاق كۇرەسى» كومانداسى كوللەكتيۆ جۇلدەگەر بولسا، «قازاق كۇرەسىن» ۇلىقتاپ، وسىعان دەيىن نەشە دۇركىن «قازاق كۇرەسى» جارىسىن وتكىزىپ ۇلگىرگەن شىڭگىل اۋدانى كومانداسى ءۇشىنشى بولدى. باركول كومانداسىنىڭ بالۋانى امانجول تۇيە بالۋان جارىس تۇرىندە قارسىلاسى بۋرىلتوعاي بالۋانى قايراتتى جەڭىپ، «تۇيە بالۋان» جارىس ءتۇرىنىڭ التىن مەدالىن الىپ، اعا جۇلدەگەر بولدى ...

  شينجياڭ قازاقتارىنىڭ تۇڭعىش كەزەكتى «قازاق كۇرەسى» جارىسىن شينجياڭ قازاق مادەنيەت قوعامىنىڭ جاستار گرۋپپاسى مەن جاس بالۋان نۇرلان داۋلەتقان ۇلى باستاعان قازاق كۇرەسىنىڭ جانكۇيەرلەرىنەن قۇرالعان قازاق كۇرەسىن ۇيىمداستىرۋ القاسى ۇيىمداستىردى. سونداي-اق جارىستىڭ بارلىق جۇمىستارىنا شينجياڭ اۋىل شارۋاشىلىق ۋنيۆەرسيتەتىندەگى قاستەر ءمۇتاش ۇلى مەن قاستەر مىرزابەك ۇلى باستاعان ستۋدەنت جاستار بەلسەنە اتسالىستى. وسى رەتكى جارىستىڭ وتكىزىلۋىنە جاقىننان جاردەم ەتكەن شينجياڭ اۋىل شارۋاشىلىق ۋنيۆەرسيتەتىندەگى زەينەپ اپاي جانە شينجياڭ قازاق مادەنيەت قوعامىنىڭ ءتوراعاسى ارىپ زۇرعانبەك ۇلى، قوعامنىڭ ورىنباسار ءتوراعالارىنان قابدەن قادىر ۇلى، جامساپ بازىكباي ۇلى، تۇراقتى القالارىنان ابدىراحمان راحمباي ۇلى، تالەت ءامىرالى ۇلى، قۇرمانباي قىدىرموللا ۇلى ، ورىنباسار باس حاتشى توكەن سۇلەيمەن ۇلى قاتارلى كىسىلەر قۇرمەتتى قوناقتار مىنبەسىنە جايعاستى. كۇنەس اۋدانىنداعى مەملەكەتتىك بالۋاندار بازاسىنىڭ جاتتىقتىرۋشىسى سۇرابالدى احمەت ۇلى، التاي ايماقتىق مادەنيەت دەنە-تاربيە مەكەمەسىنىڭ جاتتىقتىرۋشىسى تەمىربەك ەلەمەس ۇلى قاتارلى كىسىلەر باس باعالاۋشىلار مىنبەسىنەن ورىن الدى.

  قازاق مادەنيەت قوعامىنىڭ ءتوراعاسى ارىپ زۇرعانبەك ۇلى: بۇل رەت قازاق كۇرەسىنەن جارىس وتكىزۋدىڭ ماقساتى «پارتيانىڭ 18-قۇرىلتاي شەشىمدەرىن ءتۇرلى سالالاردا تياناقتاندىرۋ بويىنشا، حالىقتىق سپورت تۇرلەرىن دامىتۋعا كۇش قوسىپ، جاستاردىڭ دەنە ساپاسىن جوعارىلاتۋ، قازاقتىڭ ۇلتتىق سپورتى − قازاقشا كۇرەستى ۇلىقتاپ، ورەسىن جوعارىلاتۋ، ونى تۇتاس دۇنيەگە ايگىلەۋ»،-دەپ اتاپ كورسەتتى.

  ۇعىسۋىمىزشا، قازاق كۇرەسى بيىل تاتارستاننىڭ قازان قالاسىندا وتكىزىلەتىن دۇنيە جۇزىلىك ستۋدەنتتەر سپورت جارىسىنىڭ باعدارلاماسىنا ەنىپتى، بۇدان تىس، بيىل قىركۇيەك ايىندا ەلىمىزدىڭ گانسۋ ولكەسىندە دە 30 نەشە مەملەكەت اراسىندا قازاق كۇرەسىنەن باسەكە وتەدى ەكەن. سۋرەتتەردى تۇسىرگەن: مايرا اۋەلقان قىزى («جۇڭگو ۇلتتارى» جۋرنالىنان)

  كەلۋ قاينارى: حالىق تورابى
باركول كومانداسىنىڭ بالۋانى امانجول قارسىلاسى بۋرىلتوعاي بالۋانى قايراتتى جەڭىپ تۇيە بالۋان جارىس ءتۇرىنىڭ اعا جۇلدەگەرى بولدى.

باس باعالاۋشىلار (سولدان) تەمىربەك ەلەمەس ۇلى، سۇرابالدى احمەت ۇلى

قازاق مادەنيەت قوعامى جاستار گرۋپپاسىنىڭ ءبىر ءبولىم مۇشەلەرى

«قازاق كۇرەسى» جارىسىنىڭ باس ۇيىمداستىرۋشىسى جاس بالۋان نۇرلان داۋلەتقان ۇلى جانە قازاق مادەنيەت قوعامى جاستار گرۋپپاسىنىڭ حاتشىسى قۇلقايتەكتى نۇرلان

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.