- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ارگەنتينا احپارات قۇرالدارى مەسسيدى كوماندا باستىعى مىندەتىنەن الىپ تاستاۋدى ۇندەدى
2015.07.10 15:13
ارگەنتينانىڭ امەريكا قۇرلىعى ساۋىتىنا تالاسۋ شەشۋشى جارىسىندا جەڭىلىسكە ۇشىراۋى 1993-جىلدان بەرى اعا جۇلدەگەرلىككە قول جەتكىزۋدى ارمانداپ كەلگەن مەملەكەت جونىنەن اۋىر سوققى بولدى. اعا جۇلدەگەرلىكتەن ايرىلىپ قالعاننان كەيىن مەسسيدىڭ مەملەكەت كومانداسىنداعى بەينەسى فۋتبول كلۋبىنداعى بەينەسىنە جەتپەي قالۋ ماسەلەسى ارگەنتينا كومانداسىن تىعىرىققا تىرەدى. 6-شىلدەدە ارگەنتينانىڭ ەڭ ءىرى دەنە تاربيە گازەتى «ولە گازەتىندە» وسى گازەتتىڭ باس رەداكتورى نەيلابيمانانىڭ جازعان شولۋى جاريالانىپ، شولۋدا مەسسيدى قاتاڭ سىنداپ، كوماندا باستىعى بەلگىسىن تاعۋعا لايىقتى ەمەس. سەبەبى ونىڭ جارىستاعى بەينەسى ادامنىڭ زىعىردانىن قايناتادى دەپ قاراعان. «ولە گازەتى» بىلاي دەپ حابارلاعان: فۋتبول كومانداسىنىڭ شەشۋشى جارىستاعى بەينەسى تىم جاقسى بولمادى، اسىرەسە، كوماندا باستىعى مەسسي فۋتبول الاڭىندا بوسقا سەندەلىپ جۇرگەندەي بولدى. بۇل جولى ارگەنتينانىڭ ارىپتەسى كۇشى مىعىم گەرمانيا ەمەس، قايتا چيلي كومانداسى. ماسشەرانو ايتقانداي بۇل ولاردىڭ ماڭدايىنا جازعان
«ءبىر ءتۇرلى ازاپتاۋ» بولماق. ەندەشە، مۇنداي ازاپتاۋ قاشان اياقتالادى، دەسەدە تەلەۆيزور الدىندا وتىرعان فۋتبول جانكۇيەرلەرى جانە بار كۇشىن سارقا جۇمساپ، قالتاسىنداعى بارىن جارىس بەلەتىن ساتىپ الۋعا ارناپ چيليدىڭ سان مىڭداعان فۋتبول جانكۇيەرلەرىنىڭ اراسىنان قىستىرىلىپ ورىن
الىپ، ارگەنتينا ءۇشىن دەمەۋ بەرگەن
ارگەنتينالىق فۋتبول جانكۇيەرلەرىن قۇرمەتتەۋى قاجەت. سوندىقتان كەلەسى جولعى جارىستا ارگەنتينا كومانداسى سۇلكىنىن تۇسىرمەي ماسشەرانوداي بار قايراتىن سالىپ، تاماشا ناتيجە جاراتۋعا قۇلشىنۋلارى كەرەك. «ولە گازەتى» مىنالاردى اتاپ كورسەتتى: كوماندا باستىعىنىڭ بەلگىسى قاتە تاعىلعاندىعى سەبەپتى وسىنداي زارداپتى كەلتىرىپ شىعاردى. دۇنيەدەگى ەڭ تاڭداۋلى دوپشى شەشۋشى كەزەڭدە رولىن تولىق ساۋلەلەندىرمەدى. شىنىن ايتقاندا، ونىڭ بەينەسى ادامنىڭ زىعىردانىن قايناتادى. جارىستا دوپشىلار كەيدە دوپتى جاقسى تەپسە، كەيدە جاقسى تەبە المايدى، الايدا فۋتبول الاڭىندا بوسقا ساندالىپ جۇرۋىنە بولمايدى. دۇنيەدەگى ەڭ تاڭداۋلى دوپشى بولۋ ءبىر ءتۇرلى ۇقىق بولىپ قالماستان، ءبىر ءتۇرلى جاۋاپكەرلىك سانالادى. «ولە گازەتى» بالكىم بۇل جازمىشتىڭ ماڭدايعا جازعانى بولار، الايدا كومانداداعى ەڭ ۇزدىك دوپشى، دۇنيەدەگى ەڭ شەبەر دوپشى بولا تۇرا سۇلكىنى ءتۇسىپ، ورايدى قولدان جىبەرگەندىگىن جالعاستى جازعىرىپ،قازىر ماسەلەنى قاراستىرىپ، باتىل بەكىم جاسايتىن كەزدىڭ جەتكەندىگىن ايتتى. الايدا، ارگەنتينا احپارات قۇرالدارىنىڭ مەسسيدى سىنداۋ پىكىرىنە قاراتا، ارگەنتينا فۋتبول سالاسىنىڭ اعا بۋىنى ورتەگا بارسەلونا فۋتبول كلۋبىنىڭ ايگىلى شولپانىن اقتاپ، قوعامدىق قارىم-قاتىناس تورابىندا،11 جاسىنان اۋرۋ ازابىن ارقالاپ جانتالاسقان، وتباسىنداعىلاردان جاسىرىپ ەۆروپاعا بارۋدى ارمانداعان، وزىنە بارلىعىن بەرمەكشى بولعان ەلدىڭ تالابىنان باس تارتىپ، ءوز ەلى ءۇشىن جارىسقا تۇسكەن تاريحتاعى ەڭ ۇزدىك دوپشىمەن دەڭگەيلەس مەسسيدى تاسباۋىر دەۋشىلەردىڭ ءوزى ناعىز ادامدىقتان بەزگەندەر دەپ جازعان ەكەن. ارگەنتيناداعى تاعى ءبىر دوپ شولپانى
المەيدا بىلاي دەدى: «كۇندەردىڭ بىرىندە بۇل ازاماتتا مەملەكەت كومانداسىنان كەتەتىن بولادى. ءتىپتى كەيبىرەۋلەر مەسسيدى مەملەكەت ءانىن ايتپايدى دەپ سىنداپ، سىنىقتان سىلتاۋ ىزدەگەن. مەسسي ارگەنتينا كومانداسى ءۇشىن بار كۇشىن سالىپ كەلەدى، بۇل 23 ادامنان قۇرالعان كوماندا، جاۋاپكەرلىكتى جالعىز ونىڭ باسىنا يتەرمەلەۋگە بولمايدى. ول دۇنيەدەگى ەڭ تاڭداۋلى دوپشى، الايدا كوپشىلىك وعان ويداعىداي مامىلە جاسامادى. ونىڭ ارگەنتينادا بارسەلونا فۋتبول كلۋبىنداعىداي ونەرىن كورسەتە الماۋىنىڭ سەبەبى بارسەلونا فۋتبول كلۋبىنداعى جارىستاردا ساپتاستارى امالىن تاۋىپ وعان دوپتى جەتكىزىپ بەرەدى، الايدا ارگەنتيناداعى ساپتاستارىنىڭ شەشۋشى ساتتە وعان دوپتى جەتكىزىپ بەرۋى ەكىتالاي». مەسسي قوعامدىق قارىم-قاتىناس تورابىندا، فۋتبول جارىسىندا شەشۋشى جارىستا جەڭىلىسكە ۇشىراۋدان ارتىق قاسىرەت بولمايتىندىعىن، الايدا بۇلاردى اۋىزعا العىسى كەلمەيتىندىگىن، وزدەرىن باستان-اياق قولداپ، قيىنشىلىققا ۇشىراعاندا مەدەت بەرگەن فۋتبول جانكۇيەرلەرىنە العىس ايتاتىندىعىن جاريالاعان.
كەلۋ قاينارى: تارباعاتاي اقپارات تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
