شينجياڭنىڭ ەرەكشە بوگەنايى مەنمۇندالاپ تۇر

2016.01.18 16:22   كەلۋ قاينارى : ءتاڭىرتاۋ تورابى

　　توپ-توپپاق «قارعالداق بالا»، شينجياڭ ءبيىن بيلەگەن شينجياڭدىق بويجەتكەندەر، ەسەكتى تەرىس مىنگەن قوجاناسىر، بايىرعى تەرى شاڭعىمەن شاڭعى تەپكەن قازاق كاريا... 17-قاڭتار تۇستەن كەيىن، مەملەكەتتىك 13-كەزەكتى قىسقى سپورت جارىسىنىڭ اشىلۋ سالتىنىڭ سوڭعى جاتتىعۋىندا تومپيعان قارعالداق بالا توڭىرەكتىڭ ءتورت بۇرشىنان كەلگەن قوناقتاردى قىزۋ ىنتامەن قارسى العانى سوڭعى جاتتىعۋدىڭ بەتاشارىن اشتى.

　　ۇعىسۋعا نەگىزدەلگەندە، مەملەكەتتىك 13-كەزەكتى قىسقى سپورت جارىسىنىڭ اشىلۋ سالتى مولشەرمەن 50 مينۋت شاماسىندا بولىپ، تۇتاس تۇلعانى جالپىلىق جاقتان ايگىلەپ، ايبىندى، وسىزامان دەنەتاربيە رۋحىن – مۇز ءۇستى سپورتىنىڭ ەلەمەنتتەرى مەن شينجياڭ مادەنيەتىن ءبىر تۇلعالاندىرىپ، بارلىق جەردە شينجياڭنىڭ ەرەكشەلىگىن بەينەلەگەن.

　　«وسى اشىلۋ سالتى ءۇشىن ءبىز كوپ دايىندالدىق، جەلتوقسان ايىنىڭ ورتاسىنان باستاپ، ءار كۇنى ەڭ ۇزاق جاتتىققان ۋاقىتىمىز 10 ساعات بولدى. جاتتىعۋدا ءبىز ارەكەتتىڭ ۇساق تۇيىندەرىنە كوڭىل ءبولىپ، جالپى جاقتان بىركەلكى بولۋعا كۇش سالىپ، اشىلۋ سالتىندا ەرىكتىلەردىڭ رۋحىن ايگىلەپ، شينجياڭدىقتاردىڭ قىزعىندىلىعىن بەينەلەدىك»،- دەدى شينجياڭ ۋنيۆەرسيتەتى فيللولوگيا ينستيتۋتى 3-جىلدىعىنداعى وقۋشى شيە يىنشۋاڭ ءبىر جاعىنان قالىڭ «قارعالداق بالا» كيىمىن شەشىپ جاتىپ، ەندى ءبىر جاعىنان تەرىن سۇرتە.

　　شيە يىنشۋاڭ تىلشىگە تاعى مىنالاردى ايتتى: «اشىلۋ سالتىندا 100 دەن استام ەرىكتىلەر قارعالداق بالا رولىن الىپ بارادى، كونسەرت بارىسىندا قالىڭ دا اۋىر قۋىرشاق بالا كيىمىن كيەدى. ءار جولعى جاتتىعۋدان كەيىن بەلىمىزدى الا الماي قالامىز. ءبىراق، مەملەكەتتىك قسىقى سپورت جارىسىنىڭ ءبىرىنشى رەت شينجياڭدا وتكىزىلەتىنىن ويلاساق جانە ءوزىمىزدىڭ سوعان قاتىناسا العانىمىز ويلاساق بارلىعى دا تاتيدى دەپ ويلايمىز».