«كەڭىستىك ءپىرى» ءادىل وشۇر مەملەكەتتىك 13 - كەزەكتى قىسقى سپورت جارىسىنىڭ الاۋىن تۇتاندىردى

2016.01.21 16:38   كەلۋ قاينارى : ءتاڭىرتاۋ تورابى

　　ساعات 19دان 40 مينۋت وتكەندە، جۇرگىزۋشى «مەملەكەتتىك 13 - كەزەكتى قىسقى سپورت جارىسىنىڭ الاۋى الاڭعا جەتكىزىلدى» دەپ جاريالاعاندا، الاڭ اۋدەمدە شاتتىق تەڭىزىنە شومدى، مەملەكەتتىك 13 - كەزەكتى قىسقى سپورت جارىسىنىڭ قۇت بەلگىسى «قارعالداق بالا» مۇز ۇستىندە اسىر سالىپ، الۋان ءتۇستى جىلتىراۋىق قار ۇشقىنى جۇلدىزداي جامىرادى.

　　شينجياڭعا تۇڭعىش وليمپيادا مەدالىن الىپ بەرگەن جاعاجاي ۆولەيبول ويىنشىسى ۋاڭ جيە، مەملەكەتتىك سپورت جارىسىنىڭ بوكس اعا جۇلدەگەرى ابدۇشۇكۇر ءميجيت ءبىرىنشى الاۋگەر رەتىندە الاڭعا شىقتى.

　　قولدارىنا الاۋدى ۇستاعان ولار كورەرمەندەرگە قول بۇلعاپ قۇرمەت ءبىلدىردى، ونان كەيىن، 1500 مەترلىك تەز سىرعاناۋدان ءۇرتىس 11 جىل مەملەكەتتىك اعا جۇلدەگەر جانە جالپى جارىس تۇرىندە اعا جۇلدەگەر بولعان ليۋ يانفيگە، شينجياڭنان مەملەكەتتىك قىسقى سپورت جارىسىنا قاتىسىپ، شاڭعى سپورتى بويىنشا بىردەن - ءبىر التىن مەدال العان ەرزات ءماجيت ۇلىنا قاراي اياڭداپ جۇگىردى. ولاردى تۇڭعىش كەزەكتى مەملەكەتتىك جاستار سپورت جارىسىنىڭ دزيۋدو تۇرىندە اعا جۇلدەگەرلىكتى ەنشىلىگەن يان زى مەن تۇڭعىش كەزەكتى مەملەكەتتىك جاستار سپورت جارىسىنىڭ فۋتبول باسەكەسىندە اعا جۇلدەگەر بولعان كوماندانىڭ مۇشەسى ەرفان ەزىمجان كۇتىپ تۇرعان - دى.

　　ونان كەيىن، يان زى مەن ەرفان ەزىمجان جاستاردىڭ اتلەتيكا الەمدىك جۇلدەسىندە جەڭىل اتلەتيكادان اعا جۇلدەگەر بولعان نۇرمامەت تۇراق جانە جاعاجاي ۆولەيبولى بويىنشا ەڭ جاس الەمدىك اعا جۇلدەگەر شيا شين - يگە قاراي بەت تۇزەدى.

　　الاڭداعى كورەرمەندەردىڭ الاقايلايعان ءۇنى ىشىندە الاۋ الەمدىك وليمپيادانىڭ ات ونەرى جارىسىنا ەلىمىزدەن تۇڭعىش قاتىناسقان ليۋ لينا مەن 2 - كەزەكتى جاستار وليمپياداسىنا بارعان جۇڭگو قۇراماسىنىڭ تۋ ۇستاۋشىسى، باسكەتبول سپورتشىسى ءدىلارا ءدىلشاتقا جەتكىزىلدى.

　　التىنشى الاۋدى مەملەكەتتىك سپورت جارىسىنىڭ بوكس اعا جۇلدەگەرى مامەتتۇرسىن چوڭ مەن تايكوندو جارىسىنىڭ الەمدىك اعا جۇلدەگەرى لي جاۋ - ي ۇستادى.

　　شينجياڭداعى قارت، ورتا، جاس 3 ۇرپاق سپورت ساڭلاقتارىنىڭ ەكى - ەكىدەن جۇپتاسىپ جەتكىزۋى ارقىلى الاۋ سوڭىندا ءادىل وشۇرعا تاپسىرىلدى. «كەڭىستىك ءپىرى» اتانعان ءادىل 7 تۇردەن الەمدىك گەننيس رەكوردىن جاڭالاعان، از ۇلتتاردىڭ مەملەكەتتىك ءداستۇرلى دەنە تاربيە جارىسىندا ۇدايى 8 كەزەك داۋاز ونەرىنىڭ ءبىرىنشى دارەجەلى سيلىعىن ەنشىلەگەن.

　　ۇستىنە ۇيعۇردىڭ ءداستۇرلى كيىمىن كيگەن ءادىل وشۇر الدىن الا دايىندالىپ قويعان بولات ارقاننىڭ جانىندا تۇردى. ول الاۋدى تاپسىرىپ العاننان كەيىن، بولات ارقانعا شىقتى، الاڭداعى كورەرمەندەردىڭ قۇلاقتى تۇندىرار الاقاي ءۇنى ىشىندە بولات ارقاندى بويلاي، الىپ «قار گۇلىنە» قاراي ادىمداي ءجۇردى.

　　ءبىر مينۋت مولشەرىندە، ياعني «قار گۇلىنە» 2 مەتر قالعاندا، ءادىل وشۇر توقتاي قالىپ، الاۋدى قولىنا الىپ، كوزەۋلى ورىنعا قاراي جاقىنداي ءتۇستى. اپپاق «قار گۇلى» تۇتانعان زامان ءتۇن كەڭىستىگىندە «冬» فورمالى جالىن كورىلدى، تۇتانعان «قار گۇلى» مەن الاڭ سىرتىنداعى قارعالداق فورمالى نەگىزگى الاۋ تەكشەسى جالعاسىپ، قاسيەتى الاۋ مازداپ جاندى، الاۋشىلار مەن ارتيستەردىڭ مۇز ۇستىنە جينالىپ، جارىس ءانىن اسقاقتاتا شىرقاۋىمەن وسى كەزەكتى قىسقى سپورت جارىسىنىڭ اشىلۋ سالتى جوعارى ورلەۋگە كوتەرىلدى.

　　بۇل كەشتە شىراقتار سامالاداي جارقىراپ، تىڭ تىرشىلىكتىڭ لەبى ەسىپ، تيانشان دۋمانعا بولەندى!