ريو وليمپيادا مەدالى تۋرالى ءسىز بىلۋگە ءتيىستى 10 ءىس

2016.08.05 15:44   كەلۋ قاينارى : حالىق تورابى

　　1. ريو وليمپيادا مەدالىن جاساۋ توبىندا شامامەن 100 ادام بار، بۇلاردىڭ ىشىندە مۇسىندەۋشى مەن ينجەنەرلە دە قامتىلعان، ولار برازيليا اقشا جاساۋ زاۆوتىندا وسى كەزەكتى وليمپياداعا ارناپ جالپى 5130 دانا مەدال جاسادى، مۇنىڭ ىشىندە وليمپيادا مەدالى 2488 دانا، مۇگەدەكتەر وليمپيادا مەدالى 2642 دانا.

　　2. زاۆودتا جۇمىسشىلارى تاپتاۋ ستانوگىنەن پايدالانىپ، 550 توننالىق قىسىم كۇشپەن مەتال مودەلدى ءۇش قايتالاپ باسىپ، ءمىنسىز وليمپيادا مەدالىن جاسادى، مەدالدار جەڭىستىڭ بەلگىسى.

　　3. بۇل مەدالداردى جاساۋعا ىستەتىلگەن نەگىزگى ماتەريال كۇمىس بولىپ، ءار مەدالدىڭ سالماعى 500 گرام، ايتالىق: التىن مەدال، 494 گرام كۇمىس پەن 4 گرام التىننان قوسىلىپ جاسالعان.

　　4. برازيليا وليمپيادا كوميتەتىنىڭ ايتۋىنشا، مەدالدى جاساۋعا جۇمسالعان كۇمىستىڭ %30تى كەرەكسىز اينا مەن رەنتگەن قاعازىنان قورىتىلىپ الىنعان. قولا مەدالدى جاساۋعا كەتكەن ماتەريالدىڭ %40تى اقشا جاساۋ زاۆوتىنداعى كەرەكسىز زاتتاردان الىنعان.

　　5. قازىرگى باعا بويىنشا، ريو وليمپياداسىنداعى التىن مەدالدىڭ باعاسى مولشەرمەن 600 دوللار (4000 يۋان) تۇرادى.

　　6. وليمپيادا زەرتتەۋ ورتالىعىنىڭ ساندىق مالىمەتىنە قاراعاندا، 1896 – جىلدان بەرى، التىن مەدال كۇمىس پەن التىننان قوسىلىپ جاسالعان، 1912 – جىلى شۆەتسيانىڭ ستوكگولم قالاسىندا وتكىزىلگەن وليمپيادا جارىسىندا وليمپيادا ساڭلاقتارىنا ارناپ ناق التىننان التىن مەدال جاسالعان.

　　7. مەدالدىڭ زەر باۋىن جاساۋ بارىسىنداعى ماتەريال، جينالعان كونە بوتەلكەلەردىڭ سۋلياۋىنان جاسالعان، بۇل زەر باۋلار الەمدەگى ەڭ ۇزدىك سپورتشىلادىڭ موينىنا اسىلادى.

　　8. مۇگەدەكتەر وليمپياداسىنداعى مەدالدار باسقاشا جوبالانعان بولىپ، مەدالدىڭ ىشىندە كىشكەنە بولات شارىك بار، كورۋ تۇيسىگى ناشار سپورتشىلار مەدالدى بۇلعاڭداتىپ، شىققان داۋىسىنا قاراپ، مەدالدىڭ قايسى مەدال ەكەنىن اڭعارا الادى.

　　9. مەدالدىڭ ءبىر بەتىندە جەڭىستىڭ بەلگىسى لاۆر اعاشى جاپىراعى مەن ريو وليمپيادا بەلگىسى سالىنعان جانە ءبىر بەتىنە گرەتسيا جەڭىس پەريزاتىنىڭ سۋرەتى سالىنعان.

　　10. ءار قايسى مەدالدا بۇل كەزەكتى وليمپيادا بەلگىسى ويىلعان اعاش قورابى بار بولىپ، اعاش قوراپتىڭ ماتەريالىن قايتالاي ىستەتۋگە بولادى.

　　كەلۋ قاينارى: حالىق تورابى