حالىق تورابى، 18 – قىركۇيەك، بەيجيڭ. جۇڭگو ايەلدەر ۆالەيبول قۇراماسىنىڭ مۇشەسى، ريو وليمپياداسىنداعى ەڭ تاڭداۋلى دوپشى جۋ تيڭ 17 – قىركۇيەك كۇنى تۇركيانىڭ ستامبول قالاسىنا جەتىپ، تۇركيا ۆاكيف بانكەسى ۆالەيبول كلوبىنداعى كاسىپتىك ءومىرىن باستادى.
ۆاكيف بانكەسى ۆالەيبول كلوبى 2015/2016 – جارىس جىلىنداعى تۇركيا ايەلدەر ۆالەيبول بىرلەسپە جارىسىنىڭ اعا جۇلدەگەرى، تاريحتا ءبىر رەت الەم ۆالەيبول كلۋبتارى جارىسىنىڭ اعا جۇلدەگەرى جانە ەكى رەت ەۆروپا ايەلدەر ۆالەيبول جارىسىنىڭ اعا جۇلدەگەرى بولعان، تۇركيا مەن ەۆروپانىڭ ۆالەيبول سالاسىنداعى ەڭ مىقتى كوماندالاردىڭ ءبىرى. بيىل مامىر ايىندا ۆاكيف بانكەسى ۆالەيبول كلوبى رەسمي تورابىندا جۋ تيڭنىڭ 2016/2017 – جارىس جىلىندا اتالعان كومانداعا قابىلدانعانىن جاريالاعان بولاتىن. حابارعا قاراعاندا، جۋ تيڭدى تۇركيا ايەلدەر ۆالەيبول بىرلەسپە جارىسىنا بارۋعا جۇڭگو ايەلدەر ۆالەيبول قۇراماسىنىڭ باپكەرى لاڭ پيڭ تانىستىرعان.
كەلۋ قاينارى: حالىق تورابى