بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>دەنە تاربيە

قانات ءسىلام ۇلى پاتريك اللوتەيدى جەڭدى

2016.10.31 17:06   كەلۋ قاينارى : حالىق تورابى



  29 - قازان كەشتە اياقتالعان ءبىرىنشى ورتا سالماقتاعى جارىستا، كەزىندە جۇڭگوعا ۋاكىل بولىپ 2008 – جىلعى بەيجيڭ وليمپياداسىنا قاتىناسىپ ءبىرىنشى ورتا سالماق دارەجەسىندە قولا مەدال العان قازاقستاندىق كاسىپقوي بوكسشى قانات ءسىلام ۇلى كوپشىلىكتىڭ ءۇمىتىن اقتاپ، گانالىق پاتريك اللوتەيدى ۇپاي سانىمەن جەڭىپ،«WBA» جانە «WBO» چەمپيوندىق بەلبەۋلەرىن ساقتاپ قالدى.

  جارىس قازاقستاننىڭ الماتى قالاسىندا وتكىزىلدى، بۇل ــ قاناتتىڭ بيىلعى ەكىنشى جارىسى. جارىس الاڭى توتەنشە دۋماندى بەينەگە شومدى، تۇتاس الاڭداعى كورەرمەندەر توقتاۋسىز شابىت بەرىپ، ايبار سيلاپ وتىردى. قانات 1 - مايداننان باستاپ مىعىم شابۋىلعا ءوتىپ، قارسىلاسى اللوتەيدەن باسىم ءتۇستى، ونى سۇلاتىپ تۇسىرە الماعانىمەن، ايقىن باسىمدىق كورسەتتى. ەڭ سوڭىندا ەكەۋى 12 مايداندى تولىق اياقتاتتى، ءۇش تورەشى 112 – 116، 112 – 116، 111 – 117 ءنومىر سالىستىرماسىمەن بىردەي قانات جەڭدى دەپ باعالادى.

  32 جاستاعى قانات ءسىلام ۇلى كاسىپتىك بوكس باسەكەسىندە 22 رەت تولىق جەڭىسكە جەتتى، 18 رەتتە قارسىلاسىن نوكاۋتپەن جەڭدى، قازىر 1 - ورتا سالماق دارەجەسىندە دۇنيە جۇزىندە 96 - ورىندا تۇر. قانات شينجياڭنىڭ التاي ايماعىندا تۋىلىپ، شينجياڭدا ەرجەتكەن. قازىر ول وزگە ەل قاراستىلىعىندا بولعانىمەن، ونىڭ ەلىمىزدەگى بوكس ناتيجەسىن بوكس جانكۇيەرلەرى ۇمىتا المايدى، ونىڭ دۇنيە جۇزىلىك بوكس پاتشاسى بەلبەۋىن ەرتەك تاعىنۋىنا تىلەۋلەسپىز.

  جارىستان كەيىن قاناتتىڭ بۇرىنعى جاتتىقتىرۋشىسى ورال تور بەكەتىمىزدىڭ تىلشىلىگىن قابىلداعاندا بىلاي دەدى: «مەنىڭ بىلۋىمشە قانات وسى جولعى جارىستا ءوز قۋاتىن %80 - 70 مولشەرىندە ساۋلەلەندىردى، ول ءبىرسىپىرا كۇشىن ىركىپ قالدى، بارىن سالعان بولسا، 6 - ءيا 7 - مايداندا قارسىلاسىن نوكاۋتقا جىبەرەر ەدى».

  «بوكس اۆياماتكاسى» تورىنان اۋدارعان سەنبەك اۋەسقان ۇلى

جاۋاپتى رەداكتورى : نۇرعيسا قۇرمانجان ۇلى

 سۋرەت