بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>دەنە تاربيە

شينجياڭدا 2022 – جىلعى بەيجيڭ قىسقى وليمپياداسىنا دايىندىق باستالدى

قار – مۇز سپورتىنداعى ۇزدىكتەر سارالانادى

2017.03.13 13:52   كەلۋ قاينارى : حالىق تورابى



  حالىق تورابى، 13 – ناۋرىز، بەيجيڭ. ءتاڭىرتاۋ تورابىنىڭ حابارلاۋىنشا، 2022 – جىلعى بەيجيڭ قىسقى وليمپياداسىنا دايىندالۋ ءۇشىن، الداعى ءبىر ايدا شينجياڭدا از ۇلتتاردان قار – مۇز سپورتىنداعى ۇزدىك دارىندىلاردى سارالاۋ قىزمەتى جۇرگىزىلەدى.

  2022 – جىلعى بەيجيڭ قىسقى وليمپياداسىنا دايىندالۋ ءۇشىن سپورتشىلاردى سارالاۋ قىزمەتىن ورنالاستىرۋ جيىنى 11 – ناۋرىزدا شينجياڭ سپورت ورتالىعىندا وتكىزىلدى. اۆتونوميالى رايوندىق سپورت مەكەمەسى پارتگرۋپپاسىنىڭ شۋجيى نيە چۇن بىلاي دەدى: وسى رەتكى دارىندى سارالاۋ قىزمەتى اۆتونوميالى رايون بويىنشا جۇرگىزىلەدى، سارالاۋ قىزمەتىنىڭ قامتيتىن كولەمى، شارپيتىن اۋماعى، تالاپتىڭ قاتاڭدىعى، ۋاقىتتىڭ تىعىزدىعى بۇرىن – سوڭدى بولماعان، بۇل شينجياڭداعى قار – مۇز سپورتى دارىندىلارىنىڭ جاعدايىن تولىق يگەرۋ، ولاردى زور كولەمدە سارالاۋ دەۋگە بولادى.

  ۇعىسۋعا قاراعاندا، بۇل رەت دارىندىلاردى سارالايتىن سپورت تۇرلەرى قار – مۇز سپورت تۇرلەرى بولىپ، مۇندا قار ۇستىندەگى سپورتتا نەگىزىنەن دالا شاڭحى، ەركىن سىرعاناۋ شاڭعىسى، اسقار تاۋ شاڭعىسى، ىرعىما شاڭعى، جالقى تاقتايشالى شاڭعى، شانا، بولات شانا ت.ب. تۇرلەر قامتىلادى، مۇز ۇستىندەگى سپورتتا نەگىزىنەن مۇز دوپ، جىلدام سىرعاناۋ ت.ب. تۇرلەر قامتىلادى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت