شينجياڭ شەبەرى قاسىمقان مارافون جارىسىندا قولا مەدال الدى
2017.05.10 15:04 كەلۋ قاينارى : شينجياڭ گازەتى
شينجياڭ شەبەرى قاسىمقان 2 ساعات 20 مينۋت 22 سەكۋندتا كومبەدەن كورىنىپ، قولا مەدالدى قانجىعاسىنا بايلادى.
29 - ساۋىردە مەملەكەتتىك 13 - كەزەكتى سپورت جارىسىنىڭ مارافون جارىسى جانە 2017 − تيانجين (ۋچيڭ) حالىقارالىق مارافون جارىسى ءوتتى، رايونىمىزدان ەرلەردىڭ كاسىپتىك مارافون جارىسىنا 3 شەبەر قاتىناستى، 3 شەبەردىڭ ءبىرى 27 جاستاعى قاسىمقان قولا مەدال الدى، بۇل شينجياڭ قۇراماسىنىڭ مەملەكەتتىك سپورت جارىسىنا قاتىناسقاننان بەرى مارافوننان العان تۇڭعىش مەدالى ەدى.
اتاپ ايتۋعا تاتيتىنى، 1997 - جىلى تۋىلعان جاس ساڭلاق تولەۋقابىل تورەقان ۇلىنىڭ مەملەكەتتىك سپورت جارىسىنا تۇڭعىش رەت قاتىناسۋى، سونداي - اق رەسمي جارىستا مارافونعا تۇڭعىش رەت جۇگىرۋى (42.195كيلومەتر) بولدى، ول 2 ساعات 27 مينۋت 52 سەكۋندتىق ناتيجەمەن 12 - ورىندى يەلەدى؛ 25 جاستاعى يبىرايىم مۋسا 2 ساعات 41 مينۋت 4 سەكۋندتىق ناتيجەمەن 25 - ورىندى يەلەدى. وسى 3 ساڭلاقتىڭ ناتيجەسى مەن جاس شاماسىنان الىپ ايتقاندا، مارافون جارىس ءتۇرى بويىنشا شينجياڭ قۇراماسىنىڭ مۇنان بىلايعى ناتيجەسىنەن زور ءۇمىت كۇتۋگە بولادى.
العاشقى 22 كيلومەتردە قاسىمقان 1 - توپتا ەدى، الايدا، وسىدان كەيىن، اياعىنىڭ ءسىڭىرى تارتىلۋ جانە اۋا رايىنىڭ ىقپالىنان الدىڭعى توپتان كەيىندەپ، الشاقتاپ قالادى. 38 كيلومەتر اينالاسىنا جەتكەندە ول جايسىزدانعانىنا قاراماستان، قايراتتانا العا ۇمتىلدى. جايشىلىقتا مول جاتتىعۋ جاساعان، سونداي - اق جون - جوتا، تاۋلى جەردە شىنىققان دەنە ساپاسىنا سۇيەنىپ، سوڭىندا قولا مەدالدى قانجىعالادى.
جارىستان سوڭ قاسىمقان ءوزىنىڭ وسى جولعى جارىستاعى بەينەسىنە ونشا رازى بولمادى، «اۋا رايى ىقپال جاسادى، جايشىلىقتا ماشىق جاساۋ بارىسىنداعى ورەمدى كورسەتە الماعانىما ەرەكشە وكىنىشتىمىن»، - دەدى قاسىمقان. مارافون جارىسى اياقتادى، الدا ونى مەملەكەتتىك سپورت جارىسىنىڭ 10 مىڭ مەترلىك جارىسى كۇتىپ تۇر، ول ءتىپتى ۇزدىك ناتيجەمەن شينجياڭعا داڭق اپەرۋگە قۇلشىنباق.
اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى نيە چۇن جارىسقا قاتىناسقان سپورتشىلاردى قۇتتىقتاپ بىلاي دەدى: سپورتشىلار وسى جارىستا قايسارلىقپەن بەلدەسىپ، جۇڭحۋانىڭ تاماشا سپورت رۋحىن ايگىلەدى. جاقسى ناتيجەمەن شينجياڭعا داڭق اپەرۋمەن بىرگە، شينجياڭ ۋاكىلدەر قۇراماسىنىڭ مەملەكەتتىك سپورت جارىسىنا دايىندالۋىنا باستاماشىلدىق جانە ۇلگىلىك رول اتقارىپ، باسقا سپورتشىلاردىڭ جىگەرىن ۇشتاپ، كوپشىلىكتى ءتىپتى ۇزدىك ناتيجەمەن شينجياڭنىڭ داڭقىن ارتتىرۋعا شابىتتاندىردى.
مارافون جارىسى − وسى كەزەكتى مەملەكەتتىك سپورت جارىسىنا ورنالاستىرىلعان تۇڭعىش جارىس ءتۇرى بولاتىن. بيىلعى مەملەكەتتىك سپورت جارىسىنا ەلەۋلى رەفورما جاسالدى، «مەملەكەتتىك سپورت جارىسى ارقىلى حالىققا يگىلىك جەتكىزۋ، سالامات جۇڭگو» تاقىرىبىندا جارىس وتكىزۋدى ۇستانىم ەتىپ، جارىسقا تۇڭعىش رەت 19 بۇقارالىق جارىس ءتۇرىن ورنالاستىرعان، مارافون وسى جارىس تۇرلەرىنىڭ ءبىرى. وسى جولعى مەملەكەتتىك سپورت جارىسىنىڭ تاريحىنداعى بۇقارالىق جارىس ءتۇرىنىڭ تۇڭعىش التىن مەدالى جارىققا شىقتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
