حالىق تورابى، 6 – قىركۇيەك، بەيجيڭ. ءتاڭىرتاۋ تورابىنىڭ حابارلاۋىنشا، مەملەكەتتىك 13 – كەزەكتى سپورت جينالىسىندا ەرلەردىڭ گرەك – ريم كۇرەسى 5 – قىركۇيەكتە تيانجين كاسىپتىك تەحنيكالىق پەداگوگيكا ۋنيۆەرسيتەتىنىڭ دەنە تاربيە سارايىندا وتكىزىلدى. شينجياڭ كۇرەس كومانداسىنىڭ بالۋانى الىمجان ابدىرەشيت 98 كيلوگرامدىق سالماقتا كۇمىس مەدال الدى.
سەگىز مىقتىنى ىرىكتەۋ كەزەڭىندە الىمجان ابدىرەشيت 6 : 1 ۇپايمەن ازاتتىق ارميا كومانداسىنداعى ءالمۇرات دارۋباي ۇلىن جەڭىپ، ءتورت مىقتىنى ىرىكتەۋ كەزەڭىندە الىمجان ابدىرەشيت 4 : 0 ۇپايمەن حىنان كومانداسىنىڭ بالۋانى شى ۋىنحاۋدى جەڭىپ، جارتىلاي شەشۋشى جارىسقا ەندى، جارتىلاي شەشۋشى جارىستا 4 : 0 ۇپايمەن شاندۇڭ كومانداسىنداعى مىڭ ليڭجىنى جەڭىپ، شەشۋشى جارىسقا ءساتتى ەندى. شەشۋشى جارىستا الىمجان 0 : 6 ۇپايمەن كەزىندە ريو وليمپياداسىنا قاتىناسقان شاندۇڭ كومانداسىنىڭ بالۋانى شياۋ ديدەن جەڭىلىپ، كۇمىس مەدال الدى.
5 – قىركۇيەك ساعات 18گە دەيىن، وسى رەتكى مەملەكەتتىك سپورت جينالىسىندا شينجياڭ ۋاكىلدەر كومانداسى 5 التىن، 7 كۇمىس، 10 قولا مەدال الدى، مۇنىڭ ىشىندە شينجياڭ بالۋاندار كومانداسى ءبىر التىن، 2 كۇمىس، 3 قولا مەدال الدى.
كەلۋ قاينارى: حالىق تورابى