تۇركيانىڭ ايگىلى ادامى ــ ءۇش كەزەك وليمپيادا زىلتەمىر كوتەرۋ چەمپيونى سۇلەيمەنوعلى قايتىس بولدى

2017.11.20 15:04   كەلۋ قاينارى : حالىق تورابى

　　حالىق تورابى، 20 – قاراشا، بەيجيڭ. ءۇش كەزەك وليمپيادا زىلتەمىر كوتەرۋ چەمپيونى، تۇركيانىڭ ايگىلى ادامى ــ سۇلەيمەنوعلى 18 – قاراشا كۇنى تۇركيانىڭ ستامبول قالاسىندا 50 جاسىندا قايتىس بولدى.

　　سۇلەيمەنوعلى ۇزاق جىلدار بويى باۋىر قاتايۋ اۋرۋىنا شالدىعىپ، قازان ايىندا باۋىر كوشىرۋ وپەراتسياسىن جاساتقان بولاتىن. ول ەمحانادا جاتقان كەزىندە، تۇركيانىڭ پرەزيدەنتى ەردوعان ەمحاناعا ءوزى بارىپ كوڭىلىن سۇراعان ەدى.

　　سۇلەيمەنوعلى 1967 – جىلى بۇلعاريادا تۋىلعان، بوي بيىكتىگى 1.47 مەتر، «نازىك پالۋان» دەگەن اتى بار. ول 11 جاسىنان باستاپ زىلتەمىر كوتەرۋگە جاتتىققان، 15 جاسىندا الەم چەمپيونى بولعان، كەزىندە زىلتەمىر كوتەرۋدىڭ التى تۇرىنەن الەم رەكوردتىن جاڭالاپ، «زىلتەمىر كوتەرگىش ايگىلى بالا» اتالعان ەدى.

　　سۇلەيمەنوعلى جەكە – جەكە 1988 – جىلعى سەۋل وليمپياداسى، 1992 – جىلعى بارسەلونا وليمپياداسى، 1996 – جىلعى اتلانتا وليمپياداسىندا التىن مەدال الىپ، الەمدەگى تۇڭعىش رەتكى جالعاستى ءۇش كەزەك وليمپيادانىڭ زىلتەمىر كوتەرۋ جارىسىندا چەمپيون بولعان سپورتشى. 2001 – جىلى ول تاعى دا وليمپيادا سپورتىنىڭ ەڭ مارتەبەلى سيلىعى وليمپيادا وردەنىمەن ماراپاتتالعان.

　　كەلۋ قاينارى: حالىق تورابى