2017 – جىلعى ەل ءىشى مەن حالىقاراداعى سپورت سالاسىنداعى ون ءىرى حابار

2017.12.26 14:43   كەلۋ قاينارى : حالىق تورابى

　　ەل ءىشى


　　1. حالىقتى وزەك ەتكەن تيانجين مەملەكەتتىك سپورت جينالىسى رەفورمانى تەرەڭدەتۋدىڭ تىڭ تەبىنىن تانىتتى


　　27 – تامىزدان 8 – قىركۇيەككە دەيىن، 13 – كەزەكتى بۇكىل مەملەكەتتىك سپورت جينالىسى تيانجيندە وتكىزىلدى. (سۋرەت 1). كەزەكتى سپورت جينالىسى رەفورمانى تەرەڭدەتۋ نەگىزىندە بۇقارالىق سپورت مەن باسەكەلى سپورتتى ىلگەرىلەتتى، جازعى سپورت تۇرلەرى مەن قىسقى سپورت تۇرلەرىن، وليمپيادالىق جارىس ءتۇرى مەن وليمپيادالىق جارىس تۇرىنە جاتپايتىن جارىس تۇرلەرىن بىرلەستىردى، سايكەستى دامۋعا بار كۇشىن سالىپ، 8 ءتۇرلى شارانى ورتاعا قويدى. تاق – تۇق دوپ جارىسى، ايداعار قايىق جارىسى قاتارلى 19 ۇلكەن بۇقارالىق جارىس، جوعارى دەڭگەيدەگى جۇڭگولىقتار مەن جۇڭگولىق مۇھاجىرلاردى جارىسقا قاتىناسۋعا ۇسىنىس ەتىپ، شەكارا اتتاپ سپورتشى تاڭداۋ مەن بۇكىل سپورتتىق جينالىستىڭ باسەكەلىلىگىن تىعىز بىرلەستىردى. مەملەكەتتىك سپورت جينالىسىنا جۇرگىزىلگەن رەفورما مەملەكەتتىك باسەكەلى سپورتتىڭ دامۋىنا باستاماشىلىق رول اتقارىپ عانا قويماي، قالىڭ حالىق بۇقاراسىنىڭ دەنساۋلىق ساقتاۋ قيمىلىنا قاتىناسۋى ءۇشىن ماڭىزدى تەكشە ازىرلەدى. ۋنيۆەرسال سپورت جينالىسىنىڭ كوپ جاقتى قۇنى مەن ۋنيۆەرسال قابىلەتىن تولىق ساۋلەلەندىردى.


　　2. ياۋ ميڭ باسكەتبول بىرلەستىگىنىڭ ءتوراعاسى بولدى، سپورت بىرلەستىگىن ناقتى تۇلعالاندىرۋ رەفورماسى جەدەلدەتىلدى


　　سپورتتا قۋاتتى مەملەكەت قۇرۋدا سپورتتاعى رەفورمانى تەرەڭدەتۋ، سپورتتىق تانىمدى جاڭالاۋ كەرەك. 23 – اقپاندا جۇڭگو باسكەتبول بىرلەستىگى 9 – كەزەكتى مەملەكەتتىك ۋاكىلدەر ماجىلىسىندە، ياۋ ميڭ ءبىرىنشى كەزەكتى جۇڭگو باسكەتبول بىرلەستىگىنىڭ ءتوراعالىعىنا سايلاندى (2 – سۋرەت)، بۇل جۇڭگو باسكەتبول سالاسىنداعى، ءتىپتى جۇڭگو سپورت سالاسىنداعى رەفورمانىڭ جاڭا ءبىر كەزەڭى بولىپ سانالادى. ونان كەيىن لاڭ پيڭ، لي يان، ۋاڭ حايبين، شيان دۇڭمەي قاتارلى سپورتشى، باپكەر بولعان كاسىپتىك ادامدار قاتىستى سپورت بىرلەستىگىنىڭ ءتوراعاسى، ءتوراعانىڭ ورىنباسارى بولىپ تاعايىندالدى، بۇل «كاسىپتىك ادامنىڭ كاسىپتىك جۇمىسپەن اينالىسۋى» سىندى رەفورما وي جەلىسىن كورنەكتىلەندىرىپ، قوعامدىق كۇشتەردى سپورت ىستەرىنە اناعۇرلىم تولىق ارالاسۋعا شابىتتاندىرۋدا بەلسەندى رول اتقاردى.


　　3. بەيجيڭ 2022 – جىلعى قىسقى وليمپياداسى، قىسقى مۇگەدەكتەر وليمپياداسىنىڭ بەلگىلەرى جاريالاندى، ءتۇرلى دايىندىق قىزمەتتەر تارتىپپەن ورىستەتىلدى


　　بەيجيڭ 2022 – جىلعى قىسقى وليمپياداسىنىڭ بەلگىسى «قىسقى ارمان» مەن قىسقى مۇگەدەكتەر وليمپياداسىنىڭ بەلگىسى «شارىقتاۋ» 15 – جەلتوقساندا جاريالاندى (3 – سۋرەت). ەكى ءتۇرلى بەلگى دە كورۋ تۇيسىگى جاعىندا جاراسىمدىلىق پەن ءبىرتۇتاستىقتى ساقتاعان. جىل باسىنان بەرى، بەيجيڭ 2022 – جىلعى قىسقى وليمپياداسى مەن قىسقى مۇگەدەكتەر وليمپياداسىنا دايىندىق قىزمەتتەرى جاسىل وليمپيادا وتكىزۋ، وليمپيادانى ورتاقتاسۋ، اشىق وليمپيادا وتكىزۋ، پاك وليمپيادا وتكىزۋ سىندى تانىمنىڭ جەتەگىندە تارتىپپەن ورىستەتىلۋدە.


　　4. مالتاۋدان، جەڭىل اتلەتيكادان الەم چەمپيوناتىندا جۇڭگولىق ساڭىلاقتار ٵر تۇردەن توپ جاردى


　　شىلدە ايىندا بۋداپەشتتە وتكىزىلگەن مالتاۋ الەم چەمپيوناتىندا جۇڭگو كومانداسى 12 التىن مەدال، 12 كۇمىس مەدال، 6 مىس مەدال قانجىعالاپ، ەكىنشى قاتاردان ورىن الدى. «ارمان كومانداسى» اتىنداعى جۇڭگو سۋعا سەكىرۋشىلەر كومانداسى 8 التىن مەدال، 5 كۇمىس مەدال، 6 مىس مەدال الدى؛ مانەرلى مالتاۋدىڭ ەركىن گرۋپپاسىنىڭ شەشۋشى جارىسىندا جۇڭگو كومانداسى 96.1000 نومىرمەن تۇڭعىش رەت الەم چەمپيوناتىنىڭ التىن مەدالىن قانجىعالادى؛ شۇي جياۇي ەرلەردىڭ 100 مەترگە شالقالاي مالتاۋ جارىسىنىڭ التىن مەدالىن الىپ (سۋرەت 4)، جۇڭگو ەرلەر كومانداسىنىڭ شالقالاي مالتاۋى ءۇشىن تاماشا باستاما باستادى، سۇن ياڭ ەرلەردىڭ 200 مەترگە ەركىن مالتاۋى مەن 400 مەترگە ەركىن مالتاۋ تۇرىنەن اعا جۇلدەگەر بولىپ، الەم چەمپيوناتىندا، وليمپيادا جارىسىندا دا 200 مەترگە ەركىن مالتاۋ، 400 مەترگە ەركىن مالتاۋ، 1500 مەترگە ەركىن مالتاۋ قاتارلى ءۇش ءتۇردىڭ «بارلىق سيلىعىن الدى». تامىز ايىندا لوندوندا وتكىزىلگەن جەڭىل اتلەتيكا الەم چەمپيوناتىندا جۇڭگو كومانداسى 2 التىن مەدال، 3 كۇمىس مەدال، 2 مىس مەدال قانجىعالادى. گۇڭ ليجياۋ مەن ياڭ جياۋەي جەكە – جەكە ايەلدەردىڭ شويىن دوپ ءتۇرى مەن ايەلدەردىڭ 20 شاقىرىمدىق تەز ءجۇرۋ جارىسىندا التىن مەدال قانجىعالادى. جۇڭگو كومانداسى سەكىرۋ جانە لاقتىرۋ قاتارلى تۇرلەردەن دە جاڭا تابىستارعا قول جەتكىزدى.


　　5. جۇڭگو ايەلدەر ۆالەيبول كومانداسى حالىقارالىق ۆالەيبول جارىسىنىڭ اعا جۇلدەگەرى بولدى


　　جاپونيانىڭ ناگويا دەنە تاربيە سارايىندا وتكىزىلگەن 2017 – جىلعى حالىقارالىق ايەلدەر ۆالەيبول جارىسىنىڭ ەڭ سوڭعى اينالىم جارىسىندا، جۇڭگو قۇراماسى 3:1 ۇپايمەن جاپونيا كومانداسىن جەڭىپ، قاتارىنان بەس رەت جەڭۋدەي تاماشا ناتيجەمەن وسى رەتكى جارىستىڭ اعا جۇلدەگەرى بولدى. بۇل جۇڭگو كومانداسىنىڭ 16 جىلدان كەيىن، تاعى دا اتالعان جارىستا اعا جۇلدەگەر بولۋى.


　　6. مەملەكەت قۇراماسى 2018 – جىلعى الەم چەمپيوناتىنان قاعىس قالدى، فۋتبول سالاسىنداعى رەفورمانىڭ باسار جولى ءالى الىس


　　جەرگىلىكتى ۋاقىت 5 – قىركۇيەك، كاتاردىڭ استاناسى دوحا، جۇڭگو قۇراماسى 2018 – جىلعى الەم چەمپيوناتىنا ازيا رايونىنداعى 12 مىقتى قۇرامادان ىرىكتەۋ جارىسىنىڭ سوڭعى اينالىمىندا 2:1 ۇپايمەن كاتار قۇراماسىن جەڭىپ، سوڭىندا ءوز گرۋپپاسىندا 5 – ورىنعا جايعاسىپ، 2018 – جىلعى الەم چەمپيوناتىنان قاعىس قالدى.


　　7. گۋاڭجوۋ حىڭدا تاۋباۋ كومانداسى جۇڭگو پرەمەر - ليگاسىندا 7 رەت اعا جۇلدەگەر بولۋدى ىسكە اسىردى


　　25 - اقپاندا 2017 – جىلعى جۇڭگو فۋتبول بىرلەستىگى ەرەكشە ساۋىتى جارىسىندا، گۋاڭجوۋ حىڭدا تاۋباۋ كومانداسى 1:0 ۇپايمەن جياڭسۋ سۋنيڭ كومانداسىن جەڭىپ، ەرەكشە ساۋىتى جارىسىنىڭ اعا جۇلدەگەرلىنە قول جەتكىزدى.


　　8. شينجياڭ باسكەتبول كومانداسى تۇڭعىش رەت جۇڭگو باسكەتبول ليگاسىنىڭ اعا جۇلدەگەر بولدى


　　2017 – جىلى 7 – ءساۋىر، شينجياڭ كومانداسىنىڭ دوپشىلارى گۋاڭدۇڭ كومانداسىن جەڭگەننەن كەيىن جەڭىسىن قۇتتىقتاۋدا. سول كۇنى، 2017 ــ 2016 – جىلعى جارىس ماۋسىمىنداعى جۇڭگو ەرلەر كاسىپتىك باسكەتبول بىرلەسپە جارىسى شەشۋشى جارىسىنىڭ 4 – رەتكى كەزدەسۋىندە، شينجياڭ قاشقار كونە شاھار كومانداسى 117:109 ۇپايمەن گۋاڭدۇڭ دۇڭگۋان بانكەسى كومانداسىن جەڭىپ، جالپى 4:0 ۇپايمەن اعا جۇلدەگەرلىكتى ەنشىلەدى. شينجياڭ كومانداسى 4 رەت شەشۋشى جارىستا جەڭىلىسكە ۇشىراعاننان كەيىن، 5 - رەتكى شەشۋشى جارىستا اعا جۇلدەگەرلىككە قول جەتكىزىپ، ءبىرىنشى تامىز كومانداسى، شاڭحاي كومانداسى، گۋاڭدۇڭ كومانداسى، بەيجيڭ كومانداسى جانە سىچۋان كومانداسىنان كەيىنگى CBA تاريحىنداعى اعا جۇلدەگەرلىككە قول جەتكىزگەن 6 – كوماندا بولدى.


　　9، گيمناستيكادان الەم چەمپيوناتىندا جۇڭگو كومانداسى التىن مەدال تاقتاسىندا ءبىرىنشى ورىنعا يە بولدى


　　گيمناستيكادان 2017 – جىلعى الەم چەمپيوناتى 2 – قازاننان 8 – قازانعا دەيىن كانادانىڭ مونترەال قالاسىندا وتكىزىلدى، جۇڭگو كومانداسى 3 التىن، ءبىر كۇمىس، 2 قولا مەدالمەن التىن مەدال تاقتاسىندا ءبىرىنشى ورىنعا يە بولدى. شياۋ روتىڭ، فان يلين، زوۋ جيڭيۋان جەكە – جەكە ەرلەردىڭ بەساسپاپ ءتۇرى، ايەلدەردىڭ جوعارى – تومەن تۋرنيگى، ەرلەردىڭ قوس تۋرنيگىنىڭ اعا جۇلدەگەرى بولدى. مۇندا شياۋ روتىڭ جۇڭگو كومانداسى ءۇشىن 5 – رەت الەم چەمپيوناتىنىڭ ەرلەر بەساسپاپ تۇرىنەن اعا جۇلدەگەرلىكتى سيلادى، لين چاۋپان كۇمىس مەدالعا يە بولدى، جۇڭگو كومانداسى تاريحتا تۇڭعىش رەت الەم چەمپيوناتىنىڭ ەرلەر بەساسپاپ تۇرىنەن التىن مەدال مەن كۇمىس مەدالدى بىردەي الدى.


　　10. فىڭ شانشان گولف دوپتان ايەلدەر بويىنشا الەمدە ءبىرىنشى بولىپ باعالاندى


　　11 – قاراشا كۇنى حاينان ولكەسىندە وتكىزىلگەن شىعاناق شەبەرلەر جارىسىندا جۇڭگولىق شەبەر فىڭ شانشان ونەرىن ورنىقتى ساۋلەلەندىرىپ، ءبىر ءجۇرىس الدا بولۋ باسىمدىلىعىمەن اعا جۇلدەگەر بولىپ، ايەلدەردىڭ كاسىپتىك گولف دوپ ارالامالى جارىسىندا كاسىپتىك ومىرىندە 9 – رەت اعا جۇلدەگەر بولدى (6 – سۋرەت). وسى رەت اعا جۇلدەگەر بولۋىمەن، فىڭ شانشان دۇنيە ءجۇزى بويىنشا گولف دوپ شەبەرلەرىن قاتارعا تۇرعىزعاندا، ايەلدەردەن ءبىرىنشى ورىنعا يە بولدى، ول جۇڭگو ۇلى قۇرلىعىنان الەمدە گولف دوپتان ايەلدەر قاتارى بويىنشا ءبىرىنشى بولعان تۇڭعىش سپورتشى.


　　حالىقارا


　　1. پاريج بەن لوس – انجەلەس جەكە – جەكە 2024 جانە 2028 – جىلعى وليمپيادا جينالىسىن وتكىزۋ ۇقىعىنا يە بولدى


　　حالىقارالىق وليمپيادا كوميتەتى 13 – قىركۇيەك كۇنى پەرۋدىڭ استاناسى ليما قالاسىندا 131 – رەتكى قۇرىلتايىن اشىپ، سوڭىندا پاريج قالاسىنىڭ 2024 – جىلعى جازعى وليمپيادا جينالىسىن، لوس – انجەلەس قالاسىنىڭ 2028 – جىلعى جازعى وليمپيادا جينالىسىن وتكىزەتىنىن تۇراقتاندىردى. 13 – قىركۇيەك، پەرۋدىڭ استاناسى ليما، حالىقارالىق وليمپيادا كوميتەتىنىڭ ءتوراعاسى باح (ورتادا) 2024 جانە 2028 – جىلعى وليمپيادا جينالىسىن وتكىزەتىنىن قالالاردىڭ اتىن جاريالاۋدا. (7 - سۋرەت)


　　2. رەسەي ۋاكىلدەر ۇيىرمەسى پيوڭچاڭ قىسقى وليمپياداسىنا قاتىناسا المايتىن بولدى


　　حالىقارالىق وليمپيادا كوميتەتىنىڭ اتقارۋشى كوميتەتى 5 – جەلتوقسان كۇنى قاۋلى شىعارىپ، رەسەي ۋاكىلدەر ۇيىرمەسىنىڭ 2018 – جىلعى پيوڭچاڭ قىسقى وليمپياداسىنا قاتىناسۋىنا تيىم سالدى، شارتقا ۇيلەسەتىن سپورتشىلاردى «رەسەيدەن كەلگەن وليمپيك سپورتشىلارى» اتىندا جەكە جانە توپتىق تۇرلەرگە ۇسىنىسپەن قاتىناستىرادى، ءارقانداي مۇراسىمدە رەسەيدىڭ مەملەكەت تۋى شىعارىلمايدى ءارى مەملەكەت ءانى قويىلمايدى.


　　3. حالىقارالىق فۋتبول بىرلەستىگى 2026 - جىلى الەم چەمپيوناتىنا قاتىناساتىن قۇراما سانى كوبەيتەتىنىن جاريالادى


　　حالىقارالىق فۋتبول بىرلەستىگى 10 – قاڭتار كۇنى مالىمدەمە جاريالاپ، حالىقارالىق فۋتبول بىرلەستىگى القالار كەڭەسى 2026 – جىلعا بارعاندا، الەم چەمپيوناتىنا قاتىناساتىن قۇراما سانىن 48گە كوبەيتەتىنىن ءبىر اۋىزدان ماقۇلداعانىن جاريالادى.تانىستىرۋعا قاراعاندا، 48 قۇراما 16 گرۋپپاعا ءبولىنىپ، ءارقايسى گرۋپپادا 3 كوماندا بار بولىپ، الدىڭعى ەكەۋى ىرىكتەۋ جارىسىنا ىلىنبەك. جارىس مايدانى 64تەن 80گە كوبەيتىلىپ، جالپى جارىس 32 كۇندە اياقتايدى.


　　4. كريستيانو رونالدو دۇنيە جۇزىلىك فۋتبول ساحناسىنداعى جىلدىڭ ۇزدىك فۋتبولشىسى سيلىقتارىن تۇگەل يەلەدى


　　2016 – جىلعى ەۆروپا چەمپيوناتىنىڭ، الەمدىك فۋتبول كلۋبتارى چەمپيوناتىنىڭ، ەۆروپا سۋپەركۋبوگىنىڭ اعا جۇلدەگەرى جانە 2017 – جىلعى يسپانيا بىرىنشىلىگىنىڭ اعا جۇلدەگەرى، سونداي – اق، ەۆروپا چەمپيوناتىندا ۇزدىكسىز ەكى رەت اعا جۇلدەگەر بولۋ سىندى ناتيجەمەن، كريستيانو رونالدو 2017 – جىلعى فۋتبول ساحناسىنداعى ۇزدىك فۋتبولشىنى باعالاۋدا الدىعا شىقتى. 9 – قاڭتاردا حالىقارالىق فۋتبول بىرلەستىگى جاريالاعان 2016 – جىلعى الەم فۋتبول مىرزاسىن باعالاۋدا كريستيانو رونالدو 4 – رەت ماراپاتقا يە بولدى؛ 23 – قازاندا ول تاعى 2017 – جىلعى الەم فۋتبول مىرزاسى اتاعىنا يە بولىپ، مەسسيدى قۋىپ جەتتى؛ 7 – جەلتوقساندا كريستيانو رونالدو 5 – رەت التىن دوپ سيلىعىنا يە بولدى (8 – سۋرەت)، بۇل جاعىندا دا مەسسيدى قۋىپ جەتتى.


　　5. ا ق ش كاسىپتىك باسكەتبول ليگاسىندا التىن شتات ەرجۇرەكتەرى اعا جۇلدەگەر بولدى


　　12 – ماۋسىم كۇنى التىن شتات ەرجۇرەكتەرى ءوز الاڭىندا 129:120 ۇپايمەن كليۆلاند اتتى اسكەرلەرى كومانداسىن جەڭىپ، جالپى ەسەپ بويىنشا 4:1 ۇپايمەن 2016 ~ 2017 سەزونداعى ا ق ش كاسىپتىك باسكەتبول ليگاسىنىڭ باس جۇلدەگەرى بولدى (9 – سۋرەت). ەرجۇرەكتەر كومانداسىنىڭ نەگىزگى ويىنشىسى دۋرانت ۇزدىك ونەرىمەن شەشۋشى جارىستا MVP (ەڭ قۇندى دوپشى) بولدى. ەرجۇرەكتەر كومانداسى 16 جەڭىس ءبىر جەڭىلىسپەن NBA تاريحىنداعى ەڭ جاقسى ناتيجەمەن اعا جۇلدەگەر بولعان كوماندا بولدى. بۇل ەرجۇرەكتەر كومانداسىنىڭ 3 جىلدان بەرى ەكىنشى رەت اعا جۇلدەگەر بولۋى ءارى كوماندانىڭ تاريحتا 5 – رەت اعا جۇلدەگەر بولۋى، بۇل ناتيجە سپۋرس كومانداسىن قۋىپ جەتىپ، تاريحتاعى اعا جۇلدەگەر تىزىمدىنىڭ ءتورتىنشى ورنىنا سپوۋرسپەن بىرگە جايعاستى.


6. پەدەرەر، نادال قاتارلى شەبەرلەر تور دوپ ساحناسىن بيلەدى


　　2017 – جىلعى الەمدىك ەرلەر تور دوپ ساحناسىن 36 جاستاعى پەدەرەر مەن 31 جاستاعى نادال جالعاستى بيلەدى. ەكەۋى جەكە – جەكە بيلىعى جىلدىڭ اۆستراليا، ۋيمبلەدون جانە فرانسيا، ا ق ش تور دوپ جارىسىنىڭ اعا جۇلدەگەرى بولدى، مۇنىڭ ىشىندە نادال فرانسيا تور دوپ جارىسىندا 10 رەت اعا جۇلدەگەر بولۋداي ناتيجە جاراتىپ، ەكەۋىنىڭ جالپى اعا جۇلدەگەرلىك سانى جەكە - جەكە 19 جانە 16عا جەتىپ، تاريح ساحناسىندا الدىڭعى ەكى ورىندى جالعاستى يەلەگەن.


　　7. مالتاۋ جارىسىندا ا ق ش كومانداسى جالعاستى داۋرەندەدى


　　14 – شىلدەدەن 30 – شىلدەگە دەيىن، الەمدىك مالتاۋ جارىسى ۆەنگريانىڭ بۋدەپەشت قالاسىندا وتكىزىلدى. ا ق ش كومانداسى جالعاستى ەگەي ورنىن ساقتاپ، ولار 21 التىن، 12 كۇمىس، 13 قولا مەدالعا قول جەتكىزسسە، مالتاۋ تۇرىندە 18 التىن، 10 كۇمىس، 10 قولا مەدالعا يە بولىپ، كازان الەمدىك مالتاۋ جارىسى كەزىندەگى 8 التىن، 10 كۇمىس، 5 قولا مەدالدىق ناتيجەسىنەن الدە قايدا اسىپ ءتۇستى. ا ق ش كومانداسىنداعى جاڭا جۇلدىز درەسسەل جەكە ءوزى 7 التىن مەدالعا قول جەتكىزىپ، فەلپستىڭ ءىزباسارى دەپ اتالدى، 20 جاستاعى لەدەسكي جەكە ءوزى 5 التىن مەدالعا قول جەتكىزىپ، بۇل ەكەۋى كەزەكتى جارىستا توپ جاردى.


　　8. جەڭىل اتلەتيكادان الەم چەمپيوناتىندا بولت التىن الا الماي حوش ايتتى


　　جەڭىل اتەتيكادان الەم چەمپيوناتى 4 – تامىزدان 13 – تامىزعا دەيىن انگليانىڭ لوندون قالاسىندا وتكىزىلدى. قىسقا ارالىققا جۇگىرۋدىڭ مايتالمانىنىڭ وسى سالامەن قوشتاساتىن جارىسىندا، يامايكالىق بولت ونەرىن جاقسى كورسەتە المادى، 100 مەترگە جۇگىرۋدە ا ق ش – تىق گاتلينگە ۇتتىرىپ ەكىنشى بولسا، ەرلەردىڭ 400 مەترگە كۇش جالعاپ جۇگىرۋىندە ەڭ سوڭعى ورىندا جۇگىرگەن ونىڭ ءسىڭىرى تارتىلسا دا جالعاستى جۇگىرىپ، ەڭ سوڭىندا قولا مەدالمەن كاسىپتىك ءومىرىن اياقتاتتى.


　　9. مەيۋەزەر مكگرەگوردى جەڭىپ، بوكسەر ساحناسىندا جاڭا رەكورد جاراتتى


　　26 – تامىز كۇنى، ا ق ش – تىڭ كاسىپتىك بوكسەر شەبەرى فلويد . مەيۋەزەر مەن UFC جەڭىل دارەجەدەگى چەمپيونى كونور مكگرەگوردىڭ سايىسى ا ق ش – تىڭ لاس – ۆيگاس قالاسىندا وتكىزىلدى. سوڭىندا، مەيۋەزەر 10 – اينالىمدا تەحنيكالىق باسىمدىلىقپەن قارسىلاسى مكگرەگوردى ۇرىپ جىعىپ، جارىستى مەرزىمنەن بۇرىن اياقتاتىپ، كاسىپتىك ومىرىندەگى 50 رەتكى جارىستىڭ بارلىعىندا جەڭىسكە قول جەتكىزىپ، بوكسەر ساحناسىنىڭ الىبى روككي مارسيانونىڭ 49 رەتكى جارىستا 49 رەت جەڭىسكە قول جەتكىزگەن رەكوردتىن جاڭالادى.


　　10. رەسەي الەم چەمپيوناتىنىڭ جەرەبە تارتىپ گرۋپپا ءبولىنۋ ناتيجەسى جاريالاندى، يتاليا مەن گوللانديا تۇڭعىش رەت الەم چەمپيوناتىنان قاعىس قالدى


　　بۇل كەزەكتى الەم چەمپيوناتى رەسەيدىڭ ماسكەۋ، سانكت – پەتەربۋرگ، سوچي قاتارلى 11 قالاسىندا وتكىزىلمەك. بەيجيڭ ۋاقىتى 2018 - جىلى 14 – ماۋسىم ساعات 23دە، بۇل كەزەكتى الەم چەمپيوناتىنىڭ تۇڭعىش مايدان جارىسى رەسەي مەن ساۋد ارابياسى قۇرماسى اراسىندا وتكىزىلمەك؛ شەشۋشى جارىس 15 – شىلدە ساعات 23دە، ماسكەۋ قالاسىنىڭ لۋجنيكي جارىس الاڭىندا وتكىزىلمەك.


　　كەلۋ قاينارى: حالىق تورابى