شينجياڭنان ارشىنعازى شاكەن ۇلى سىندى 4 سپورتشى پيوەڭچاڭ قىسقى وليمپياداسىنا قاتىناسادى
2018.02.01 13:24 كەلۋ قاينارى : حالىق تورابى
حالىق تورابى، 1 – اقپان، بەيجيڭ. 2018 – جىلعى پيوەڭچاڭ قىسقى وليمپياداسىنا قاتىناساتىن جۇڭگو ۋاكىلدەر ۇيىرمەسى 31 – قاڭتاردا رەسمي قۇرىلىپ، سپورتشىلاردىڭ تىزىمدىگى جاريالاندى. ءتاڭىرتاۋ تورابىنىڭ حابارلاۋىنشا، اتالعان تىزىمدىكتە شينجياڭنىڭ جىلدام سىرعاناۋ سپورتشىلارى تيان رۇينيڭ، ارشىنعازى شاكەن ۇلى، جالاڭ تاقتايمەن U فورمالى الاڭدا سىرعاناۋ سپورتشىسى چيۋ لىڭ، ەركىن شاڭعى تۇرىنەن U فورمالى الاڭدا ونەر كورسەتۋ سپورتشىسى چاي حۇڭ وليمپياداعا قاتىناسۋ تولىمدىلىعىنا يە بولدى.
بۇل شينجياڭ قار – مۇز سپورتشىلارىنىڭ اراعا 24 جىل سالىپ تاعى ءبىر رەت جۇڭگوعا ۋاكىل رەتىندە قىسقى وليمپياداعا قاتىناسۋى بولىپ تابىلادى.
شينجياڭنىڭ قار – مۇز سپورتى تاريحىندا جىلدام سىرعاناۋ سپورتشىسى ليۋ يانفەي مەن داي جۇن جۇڭگوعا ۋاكىل رەتىندە جەكە – جەكە 1988 – جىلى كانادانىڭ كالگاري قالاسىندا، 1992 – جىلى فرانسيانىڭ البەرتۆيل قالاسىندا، 1994 – جىلى نورۆەگيانىڭ ليللەحامەر قالاسىندا وتكەن ءۇش كەزەكتى قسىقى وليمپياداعا قاتىناسقان.
سودان كەيىن شينجياڭنىڭ قار – مۇز سپورتشىلارى قىسقى وليمپياداعا قاتىناسۋ تولىمدىلىعىنا يە بولا الماعان بولاتىن. وسى جولى شينجياڭنان 4 سپورتشى پيوەڭچاڭ قىسقى وليمپياداسىنىڭ 3 تۇردەگى جارىسىنا قاتىناسۋ تولىمدىلىعىنا يە بولدى، بۇل سپورتشى سانى جاعىنان، قاتىناساتىن سپورت ءتۇرى جاعىنان شينجياڭنىڭ قار – مۇز سپورتىنىڭ تاريحي تابىسى بولىپ ەسەپتەلەدى.
شينجياڭ جىلدام سىرعاناۋ كومانداسىنىڭ جەتەكشىسى فۋ يۇڭنىڭ ايتۋىنشا، بيىل 23 جاستاعى ارشىنعازى شاكەن ۇلى 2010 – جىلى شينجياڭ جىلدام سىرعاناۋ كومانداسىنا قابىلدانعان، ول قازىر 1500 مەترگە جىلدام سىرعاناۋدان ەلىمىز بويىنشا 1 - ورىندا. ونىمەن ءبىر جىلدا شينجياڭ جىلدام سىرعاناۋ كومانداسىنا قابىلدانعان تيان رۇينيڭ باستابىندا دوڭگەلەكتى تاقتاي سپورتشىسى بولاتىن، كەيىن جىلدام سىرعاناۋ سپورتىنا اۋىسقان، قازىر قىسقا ارالىققا جىلدام سىرعاناۋدان ەلىمىز بويىنشا 3 – ورىندا تۇرادى.
فۋ يۇڭ: ءبىزدىڭ ەڭ ماڭىزدى ماقساتىمىز 2022 – جىلعى بەيجيڭ قىسقى وليمپياداسىندا ناتيجە جاراتۋ بولىپ وتىر، پيوەڭچاڭ قىسقى وليمپياداسىندا تاجىريبە توپتاۋدى نەگىز ەتەمىز، ەكى سپورتشىنىڭ كوڭىل كۇيىن جاقسى ۇستاۋىن ءۇمىت ەتەمىز، ـــ دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
