دۇنيە جۇزىلىك بوكسەر بىرلەسپە جارىسىنىڭ گۇيياڭ بەكەتى جارىسى اياقتالدى
جۇڭگو ايداعار كومانداسى قازاقستان استانا ارلان كومانداسىنان جەڭىلدى
2018.04.09 15:22 كەلۋ قاينارى : حالىق تورابى
حالىق تورابى، 9 – ءساۋىر، بەيجيڭ. 6 – ءساۋىر كەشكى ساعات 21دە، 2018 – جىلعى ماۋسىمدىق WSB دۇنيە جۇزىلىك بوكسەر بىرلەسپە جارىسى جۇڭگو رايونى گۇيياڭ بەكەتى جارىسى چيڭجىن جاتتىعۋ بازاسى بوكسەر سارايىندا وتكىزىلدى. 90 مينۋتقا سوزىلعان 4 دارەجەدەگى جارىستا، ءوز الاڭىندا جەكپە – جەككە شىققان جۇڭگو ايداعار كومانداسى سوڭىندا 0:5 ۇپايمەن ءۇش كەزەك اعا جۇلدەگەر بولعان كۇشتى كوماندا ــ قازاقستان استانا ارلان كومانداسىنان جەڭىلدى. 91 كيلوگرامدىق سالماقتاعى جارىستا جۇڭگو ايداعار كومانداسى جارىس شەبەرىن دايىنداماعاندىقتان، قارسى جاق جارىسپاي جەڭىستىك الدى. كەلەسى بەكەتتىك جارىستا، جۇڭگو ايداعار كومانداسى 14 – ءساۋىر كۇنى قازاقستاننىڭ جامبىل وبلىسىنىڭ ورتالىق قالاسى تاراز قالاسىنا بارىپ، استانا ارلان كومانداسىمەن وتكىزىلەتىن C2 گرۋپپانىڭ قالعان 5 دارەجەدەگى جارىسىنا قاتىناسادى.
الدىمەن وتكىزىلگەن 49 كيلوگرامدىق سالماقتاعى جارىستا، گۇيجوۋ ديشۋاڭمانبا كلۋبىنان كەلگەن مەملەكەتتىك باسەكە جارىسىنىڭ جۇلدەگەرى ياڭ چۋان جۇڭگو ايداعار كومانداسى اتىنان الاڭعا شىعىپ، استانا ارلان كومانداسىنىڭ مۇشەسى تەمىرتاس جۇسىپوۆپەن سايىسقا ءتۇستى، تەمىرتاس جۇسىپوۆ ەكى كەزەكتى WSB اعا جۇلدەگەر كومانداسىنىڭ مۇشەسى، WSB تاريحىنداعى ناتيجەسى 12 رەت جەڭىس، 6 رەت جەڭىلگەن بولىپ، بوكىس ناتيجەسى اسا كورنەكتى بولاتىن. ياڭ چۋاننىڭ سۇراپىل شابۋىلعا وتۋىنە بايلانىستى، تاجىربيەلى بوكىسشى تەمىرتاس جۇسىپوۆ ءبىرىنشى اينالىمدا قورعانىسىن كۇشەيتىپ تۇتقيىل شابۋىلداۋ تاكتيكاسىن قولداندى. ەكىنشى اينالىمدا، تەمىرتاس جۇسىپوۆ ىرىقتىلىقپەن شابۋىلعا ءوتىپ، وڭ قولمەن ۇرعان اۋىر سوققى قارسىلاسىنا ءدال دارىپ وتىردى، ءۇشىنشى اينالىمدا تۇتقيىل قۇلاشتاپ سەرمەگەن اۋىر سوققى ياڭ چۋاننىڭ ءدال باسىنا ءتيىپ، جىعىلا جازدادى. تەمىرتاس جۇسىپوۆتىڭ جاقىن ارالىقتان سەرمەگەن جۇدىرىقتارى دا تەز بولعاندىقتان، ياڭ چۋان قورعانۋعا امالسىز قالىپ وتىردى. سوڭىندا تورەشىلەردىڭ 45-50 نومىرلىك جارىس ناتيجەسىن جاريالاۋىمەن، جۇسىپوۆ تەمىرتاس جەڭىستىك الدى.
56 كيلوگرامدىق سالماقتاعى جارىستا، الدىڭعى كەزەكتى مەملەكەتتىك دەنە تاربيە جارىسى، مەملەكەتتىك باسەكە جارىسى سياقتى ەكى بىردەي جارىستىڭ اعا جۇلدەگەرى بولعان 30 جاستاعى ماي چيڭشيان استانا ارلان كومانداسىنىڭ مۇشەسى ىلياس سۇلەيمەنوۆپەن سايىسقا ءتۇستى. ىلياس سۇلەيمەنوۆ كەزىندە 2014 – جىلعى ينچون ازيا جينالىسىنىڭ التىن مەدالىنىڭ يەگەرى بولىپ، قازاقستانداعى بەلدى بوكسشىلاردىڭ ءبىرى بولاتىن. ەكى ساڭلاق ءبىرىنشى اينالىمنىڭ سوڭعى 30 سەكۋندىندا رەسمي شابۋىلعا ءوتتى، ىلياس سۇلەيمەنوۆ بۇل اينالىمدا باسىم ءتۇستى. ەكىنشى اينالىمدا ىلياس سۇلەيمەنوۆتىڭ سىلتەگەن سوققىلارىنىڭ جويقىندىلىعىنان، ماي چيڭشيان قارسىلاسىن كوپ رەت قۇشاقتاۋ ادىسىمەن وزىنە كەلگەن باسىمدىلىقتى باسەڭدەتكەندەي بولدى. ءۇشىنشى اينالىمدا ماي چيڭشيان تەزدىك باسىمدىلىعىنان پايدالانىپ كوپ رەت شابۋىلعا ءوتىپ، كورنەكتى ناتيجەگە قول جەتكىزگەندەي بولدى. دەسە دە ىلياس سۇلەيمەنوۆ ءتورتىنشى اينالىمدا ىرىقتىلىقپەن شابۋىلعا ءوتىپ، قارسىلاسىنىڭ دەسىن باستى، وسى اينالىمداعى اۋىر كەلگەن سوققىدان ماي چيڭشياننىڭ وڭ جاق يىعى جارالانىپ، جارىستى جالعاستىرۋعا امالسىز قالدى، تورەشى سۇلەيمەنوۆ ىلياستىڭ تەحنيكالىق نوكاۋدپەن قارسىلاسىن جەڭگەنىن جاريالادى.
64 كيلوگرامدىق سالماقتاعى جارىستا، بيىلعى جىلعى جۇڭگو بوكس پاتشاسى جارىسىندا كەرەمەت ونەر كورسەتىپ، جۇلدەگەر بولعان چي شىڭزى استانا ارلان كومانداسىنىڭ مۇشەسى بەكداۋلەت يبراگيموۆپەن شايقاسقا ءتۇستى. بەكداۋلەت يبراگيموۆ تۇڭعىش رەت WSB جارىسىنا قاتىناسقاندىقتان، بۇل جاس بىلعارى شەبەرى شابۋىلعا اسا ىرىقتىلىقپەن ءوتىپ، قارسىلاسىن جويقىن سوققىلاردىڭ استىنان الدى. ءۇشىنشى اينالىمدا چي شىڭزى نوكداۋن الدى. سوڭىندا، بەكداۋلەت يبراگيموۆ جەڭىسكە جەتتى.
75 كيلوگرامدىق سالماقتاعى جارىستا، جۇڭگو ايداعار كومانداسىنىڭ ساڭلاعى ۋاڭ جىڭحان استانا ارلان كومانداسىنىڭ ساڭلاعى ءابىلحان امانقۇلمەن جەكپە – جەككە شىقتى. بيىل 20 جاستاعى ءابىلحان امانقۇل كەزىندە گەرمانيانىڭ حامبۋرگ قالاسىندا وتكىزىلگەن الەمدىك باسەكە جارىسىندا جۇلدەگەرلىك ناتيجەگە قول جەتكىزىپ، قازاقستاننىڭ بولاشاق بوكس جۇلدىزى دەپ قارالعان. ەكىنشى اينالىمنىڭ اياعىندا تورەشى جەكپە- جەكتى توقتاتۋعا ءماجبۇر بولدى. ءابىلحان امانقۇل تەحنيكالىق نوكاۋتپەن جەڭىسكە جەتتى.
91 كيلوگرامدىق سالماقتاعى جارىستا جۇڭگو ايداعار كومانداسى جارىس شەبەرىن دايىنداماعاندىقتان، ارلان كومانداسىنىڭ مۇشەسى انتون پينچۋك توتە جەڭىمپاز اتاندى. ءسويتىپ، قازاقستان استانا ارلان كومانداسى 5:0 ۇپايمەن جۇڭگو ايداعار كومانداسىن جەڭىپ، بارلىق دارەجەدەگى جارىستىڭ جەڭىمپازى اتاندى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
