ەۆروپا چەمپيوناتىنا ىرىكتەۋ جارىسىنىڭ گرۋپپاعا ءبولۋ احۋالى جاريالاندى
گوللانديا مەن گەرمانيا كەزدەسەدى، جەرەبە تارتۋ ناتيجەسى انگلياعا ءتيىمدى بولدى
2018.12.03 14:08 كەلۋ قاينارى : حالىق تورابى
حالىق تورابى، 12 – ايدىڭ 2 – كۇنى، بەيجيڭ (وۋ شيڭرۇڭ) بەيجيڭ ۋاقىتى بويىنشا 12 – ايدىڭ 2 – كۇنى 2020 – جىلعى ەۆروپا چەمپيوناتىنا ىرىكتەۋ جارىسىنىڭ جەرەبە تارتۋ ارقىلى گرۋپپاعا ءبولۋ ناتيجەسى جاريالاندى. گوللانديا كونە كوز باسەكەلەسى گەرمانيامەن، فرانسيا يسلانديامەن، يسپانيا شۆەتسيامەن ءبىر گرۋپپاعا ءبولىندى، جەرەبە تارتۋ ناتيجەسى انگليا، يتاليا، پولشا ەلدەرىنە ءتيىمدى بولدى.
بۇل رەتكى جەرەبە تارتۋعا جيىنى 55 كوماندا قاتىناسىپ، 10 گرۋپپاعا ءبولىندى. مۇندا A گرۋپپادان E گرۋپپاعا دەيىن ءار گرۋپپادا 5 كوماندا بار، F گرۋپپادان J گرۋپپاعا دەيىن ءار گرۋپپادا 6 كوماندا بار. جەرەبە تارتۋدا جىككە بولۋدە 2018-19 سەزونداعى ەۆروپا مەملەكەتتەر ليگاسىنداعى ناتيجەگە نەگىزدەلگەن، 2019 – جىلى 6 – ايدا وتكىزىلەتىن ەۆروپا مەملەكەتتەر ليگاسىنىڭ شەشۋشى جارىس كەزەڭىنە كىرگەن 4 كوماندا ايىرىم ءبىر جىككە ءبولىنىپ، جەرەبە تارتىپ تىكەلەي Aگرۋپپادان D گرۋپپاعا دەيىن ءبولىندى، ولار ىرىكتەۋ جارىسىندا تەك 8 رەت جارىسقا قاتىناسادى، قالعان ەكى رەتكى جارىس كۇنىندە ولار ەۆروپا مەملەكەتتەر ليگاسىنىڭ شەشۋشى كەزەڭىندەگى جارىستارعا قاتىناسادى.
جارىس كۇن ءتارتىبىنىڭ ورنالاستىرۋى بويىنشا، ەۆروپا چەمپيوناتىنىڭ ىرىكتەۋ كەزەڭىندەگى العاشقى اينالىمداعى جارىسى 2019 – جىلى 3 – ايدىڭ 1 – كۇنى باستالادى، ەڭ سوڭعى اينالىمى 2019 – جىلى 11 – ايدىڭ اياعىندا اياقتايدى. ءار گرۋپپاداعى الدىڭعى ەكى كوماندا، جيىنى 20 كوماندا شەشۋشى جارىس كەزەڭىنە وتەدى، قالعان 4 ساننىڭ كىمگە تاۋەلدى بولاتىنى قوسىمشا جارىس ارقىلى بەلگىلەنەدى. قوسىمشا جارىستا ەۆروپا مەملەكەتتەر ليگاسىنىڭ ءارقايسى دارەجەدەگى (جيىنى 4 دارەجە بار) 4 گرۋپپاسىنان ءبىرىنشى بولعان كوماندالار اراسىنان ءبىر كوماندانى ىرىكتەلىپ، ءبىر سانعا يە بولادى، سول گرۋپپانىڭ ءبىرىنشى ورنىنداعى كوماندا ەۆروپا چەمپيوناتىنىڭ ىرىكتەۋ جارىسىندا كەلەسى كەزەڭگە ءوتىپ بولعان بولسا، قوسىمشا جارىس تولىمدىلىعى جونىندەگى قاعيدا بويىنشا سول گرۋپپاداعى، سول دارەجەدەگى نەمەسە ءبىر ساتى تومەن دارەجەدەگى كومانداعا وتكەرىلىپ بەرىلەدى.
ەۆروپا چەمپيوناتىنىڭ رەسمي جارىسى 2020 – جىلى 6 – ايدىڭ 12 – كۇنىنەن 7 – ايدىڭ 12 – كۇنىنە دەيىن وتكىزىلەدى، جارىس تۇزىمىنە بۇكىلدەي رەفورما جۇرگىزىلىپ، 12 مەملەكەتتىڭ 13 قالاسىندا وتكىزىلەدى، بۇل 13 قالا مىنالار: لوندون، ميۋنحەن، باكۋ، سانكت – پەتەربۋرگ، ريم، كوپەنحاگەن، امستەردام، دۋبلين، بيلباۋ، بۋداپەشت، برۋسسەل، بۋحارەست، گلازگو.
جەرەبە تارتۋ ارقىلى گرۋپپاعا ءبولۋ ناتيجەسى مىناداي:
A گرۋپپا: انگليا، چەح، بۋلعاريا، چەرنوگوريا، كوسوۆا
B گرۋپپا: پورتۋگاليا، ۋكراينا، سەربيا، ليتۆان، ليۋگسەمبۋرگ
C گرۋپپا: گوللانديا، گەرمانيا، سولتۇستىك يرلانديا، ەستونيا، بەلورۋسسيا
D گرۋپپا: شۆەتساريا، دانيا، يرلانديا، گرۋزيا، گيبرالتار
E گرۋپپا: حورۆاتيا، ۆەلس، سلوۆاكيا، ۆەنگريا، ازەربايجان
F گرۋپپا: يسپانيا، شۆەتسيا، نورۆەگيا، رۋمينيا، فارەر ارالدارى
G گرۋپپا: پولشا، اۆستريا، يزرايليا، سلوۆەنيا، ماكەدونيا، لاتوۆيا
H گرۋپپا: فرانسيا، يسلانديا، تۇركيا، البانيا، مولدوۆا، اندوررا
I گرۋپپا: بەلگيا، رەسەي، شوتلانديا، سەيپرۋس، قازاقستان، سان – مارينو
J گرۋپپا: يتاليا، بوسنيا، فينلانديا، گرەتسيا، ارمەنيا، ليحتەنشتەين
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
