حالىق گازەتى سپورت ءبولىمى مەن جۇڭگو سپورت گازەتى باعالاپ شىقتى
2018 – جىلعى ەل ىشىندەگى جانە حالىقاراداعى سپورت سالاسىنداعى ماڭىزدى ون حابار
2018.12.25 16:36 كەلۋ قاينارى : حالىق تورابى
ەل ءىشى
ءبىرىنشى، 23 – كەزەكتى قىسقى وليمپياداعا قاتىناسقان جۇڭگو ۋاكىلدەر ۇيىرمەسى ءبىر التىن، 6 كۇمىس، 2 قولا مەدال الدى، قىسقى وليمپيادانىڭ «بەيجيڭ ۋاقىتى» باستالدى
23 – كەزەكتى قىسقى وليمپيادا 2 – ايدىڭ 25 – كۇنى كورەيانىڭ پيوەڭچاڭ قالاسىندا اياقتادى، بەيجيڭ قالاسى وليمپيادا تۋىن وتكىزىپ الدى، قىسقى وليمپيادا «بەيجيڭ ۋاقىتىنا» قادام تاستادى. پيوەڭچاڭدا جۇڭگو سپورت ۋاكىلدەر ۇيىرمەسى ءبىر التىن، 6 كۇمىس، 2 قولا مەدال الدى. ۋ داجيڭ الەم رەكوردىن جاڭالاعان ناتيجەمەن ەرلەردىڭ 500 مەترلىك قىسقا ارالىققا جىلدام سىرعاناۋ سپورتىنان اعا جۇلدەگەر بولدى، بۇل جۇڭگو ەرلەر قىسقا ارالىققا جىلدام سىرعاناۋ كومانداسىنىڭ قىسقى وليمپيادا تاريحىنداعى تۇڭعىش التىن مەدالى. مۇنان سىرت، گاۋ تيڭيۇي ەرلەردىڭ 500 مەترلىك قىسقا ارالىققا جىلدام سىرعاناۋ سپورتىنان قولا مەدال الدى، ليۋ جيا يۇي ايەلدەردىڭ U فورمالى الاڭدا سىڭار تاقتايمەن شاڭعى تەبۋ سپورتىنان كۇمىس مەدال الىپ، وسى ەكى سپورت ءتۇرى بويىنشا ەلىمىز سپورتشىلارىنىڭ قىسقى وليمپيادا تاريحىنداعى ەڭ جاقسى ناتيجەسىن جاراتتى.
ەكىنشى، 18 – كەزەكتى ازيا سپورت جينالىسىنا قاتىناسقان جۇڭگو سپورت ۋاكىلدەر كومانداسى مەدال تاقتاسىندا تاعى دا ءبىرىنشى ورىنعا يە بولدى، «ءۇش ءىرى دوپ ءتۇرى» قايتا جانداندى
8 – ايدىڭ 18 – كۇنىنەن 9 – ايدىڭ 2 – كۇنىنە دەيىن، 18 – كەزەكتى ازيا سپورت جينالىسى يندونەزيانىڭ جاكارتا قالاسىندا وتكىزىلدى. جۇڭگو سپورت ۋاكىلدەر كومانداسى جيىنى 132 التىن، 92 كۇمىس، 65 قولا مەدال الىپ، مەدال تاقتاسىندا ون جىل بويى ءبىرىنشى ورىندى بەرمەدى. وسى رەتكى ازيا سپورت جينالىسىندا جۇڭگونىڭ ەرلەر باسكەتبول كومانداسى مەن ايەلدەر باسكەتبول كومانداسى جانە ايەلدەر ۆالەيبول كومانداسى اعا جۇلدەگەر بولدى، ايەلدەر فۋتبول كومانداسى ەكىنشى ورىنعا يە بولدى، «ءۇش ءىرى دوپ ءتۇرى» قايتا جانداندى. وسى رەتكى ازيا سپورت جينالىسى اياقتاعان سوڭ، ازيا سپورت جينالىسى دا «حاڭجوۋ ۋاقىتىنا» قادام تاستادى.
ءۇشىنشى، جۇڭگونىڭ قىسقا ارالىققا جۇگىرۋ سپورتشىلارى دۇركىن – دۇركىن جاڭا ناتيجەلەردى جاراتتى، سۋ بيڭتياننىڭ ناتيجەسى ەرلەردىڭ ءجۇز مەترگە جۇگىرۋ سپورتىنان ازيا رەكوردىمەن تەڭەستى
2018 – جىلى ەلىمىزدىڭ قىسقا ارالىققا جۇگىرۋ سپورتشىسى سۋ بيڭتيان جەڭىل اتلەتيكادان بولمە ىشىندەگى جارىستا ەرلەردىڭ 60 مەترگە جۇگىرۋ تۇرىنەن 4 جارىس بەكەتىندە اعا جۇلدەگەر بولدى ءارى 6 سەكۋند 42 داقىلدىق ناتيجەمەن ازيانىڭ رەكوردىن جاڭالادى. 6 – ايدا شيە جىنيە مەن سۋ بيڭتيان بىرىنەن سوڭ ءبىرى 9 سەكۋند 97 داقىل جانە 9 سەكۋند 91 داقىلدىق ناتيجەنى جاراتىپ، ەرلەردىڭ 100 مەترگە جۇگىرۋ سپورتىنىڭ مەملەكەتتىك رەكوردىن ەكى رەت جاڭالادى، سۋ بيڭتياننىڭ ناتيجەسى كاتارلىق سپورتشى وگۋنود ساقتاپ كەلە جاتقان ازيا رەكوردىمەن تەڭەستى. بەيجيڭ ۋاقىتى بويىنشا 7 – ايدىڭ 1 – كۇنى حالىقارالىق جەڭىل اتلەتيكا بىرلەستىگى الماس ليگاسى پاريج جارىس بەكەتىندە سۋ بيڭتيان تاعى دا 9 سەكۋند 91 داقىلدىق ناتيجە جاراتىپ، سپورتتىق قۋاتىنىڭ ورنىقتىلىعىن كورسەتتى. (سۋرەت ①)
ءتورتىنشى، جۇڭگو باسكەتبول كومانداسى رەفورما بارىسىندا جەتىلدى، جۇڭگو كاسىپتىك باسكەتبول ليگاسى مەن مەملەكەت كومانداسى وزىندىك ناتيجەلەرگە قول جەتكىزدى
2018 – جىلى جۇڭگو باسكەتبول سالاسىندا ءتۇرلى رەفورما شارالارى اتقارىلدى، ليگا مەن مەملەكەت كومانداسى وزىندىك ناتيجەلەرگە قول جەتكىزدى. 4 – ايدىڭ 22 – كۇنى 2017 – 2018 سەزونداعى CBA (جۇڭگو ەرلەر كاسىپتىك باسكەتبول ليگاسى) جالپى شەشۋشى جارىسىندا لياۋنيڭ بىنگاڭ كومانداسى 4 : 0 ۇپايلىق جالپى ەسەپپەن جىجياڭ گۋاڭشا كومانداسىن جەڭىپ، تۇڭعىش رەت جالپى شەشۋشى جارىستىڭ اعا جۇلدەگەرى بولدى. ليگانىڭ تيجارات كىرىسى دە 2018 – 2019 سەزوندا جاڭا دەڭگەيگە جەتتى. مەملەكەتتىك ەرلەر باسكەتبول كومانداسى قىزىل، كوك ەكى كومانداعا ءبولىنۋ ارقىلى جاڭا سپورتشىلاردى سارالاپ، كوماندانى جاتتىقتىردى. ازيا سپورت جينالىسىندا جۇڭگو ەرلەر، ايەلدەر باسكەتبول كوماندالارى مەن ءۇش ادامدىق ەرلەر، ايەلدەر باسكەتبول كومانداسى تۇگەل التىن مەدال الدى. ايەلدەردىڭ باسكەتبولدان الەم چەمپيوناتىندا جۇڭگو كومانداسى جاپونيا كومانداسىن جەڭىپ، سەگىز مىقتىنىڭ قاتارىنا قوسىلىپ، ەڭ سوڭىندا التىنشى ورىنعا يە بولدى.
بەسىنشى، جۇڭگو سۋپەر ليگاسىندا شاڭحاي شاڭگاڭ كومانداسى اعا جۇلدەگەر بولدى، بەيجيڭ گو – ان كومانداسى فۋتبول بىرلەستىگى كۋبوگىندا اعا جۇلدەگەر بولدى
11 – ايدىڭ 7 – كۇنى جۇڭگو سۋپەر ليگاسىنىڭ 29 – اينالىمداعى جارىسىندا شاڭحاي شاڭگاڭ كومانداسى 2 : 1 ۇپايمەن بەيجيڭ رىنحى كومانداسىن جەڭىپ، سوڭعى مارەدەن ءبىر اينالىم بۇرىن اعا جۇلدەگەر بولىپ، گۋاڭجوۋ حىڭدا كومانداسىنىڭ جۇڭگو سۋپەر ليگاسىنىڭ اعا جۇلدەگەرلىگىن 7 جىل بويى مونوپوليالاۋى سىندى جاعدايدى وزگەرتتى (سۋرەت ②) شاڭحاي شاڭگاڭ كومانداسىنداعى ۋ لەي 27 گولمەن سەزونداعى ۇزدىك سۇرمەرگەن اتانىپ، لي جينيۇي 12 جىل بويى ساقتاپ كەلگەن وتاندىق فۋتبولشىنىڭ ءبىر سەزونداعى ليگالىق جارىستاردا 26 گول سوعۋى سىندى رەكوردتى جاڭالادى. 11 – ايدىڭ 30 – كۇنى بەيجيڭ گو – ان كومانداسى قارسىلاسىنىڭ الاڭىندا 2 : 2 ۇپايمەن شاندۇڭ لۋنىڭ كومانداسىمەن تەڭ ءتۇستى، بەيجيڭ گو – ان كومانداسى قارسىلاسىنىڭ الاڭىندا سوققان گولى كوپ بولۋ باسىمدىلىعىمەن ءتورتىنشى رەت فۋتبول بىرلەستىگى كۋبوگىنىڭ اعا جۇلدەگەرى بولدى.
التىنشى، تاق – تۇق دوپتان 54 – كەزەكتى الەم چەمپيوناتى توپتىق جارىسىندا ەرلەر كومانداسى مەن ايەلدەر كومانداسى تاعى دا اعا جۇلدەگەر بولدى، تاق – تۇق دوپ بىرلەستىگى كەزەك اۋىستىرىپ، رەفورمانى تەرەڭدەتتى
بەيجيڭ ۋاقىتى بويىنشا 5 – ايدىڭ 5 – كۇنىنەن 6 – كۇنىنە دەيىن، تاق – تۇق دوپتان جۇڭگو ايەلدەر كومانداسى مەن ەرلەر كومانداسى شۆەتسيادا وتكىزىلگەن تاق – تۇق دوپتان 54 – كەزەكتى الەم چەمپيوناتىنىڭ توپتىق جارىسىندا جەكە – جەكە اعا جۇلدەگەر بولدى. ايەلدەر كومانداسى جالعاستى ءتورت رەت اعا جۇلدەگەر بولىپ ، 21 – رەت اعا جۇلدەگەر بولدى؛ ەرلەر كومانداسى جالعاستى توعىز رەت اعا جۇلدەگەر بولىپ 21 – رەت اعا جۇلدەگەر بولدى. 12 – ايدىڭ 1 – كۇنى جۇڭگو تاق – تۇق دوپ بىرلەستىگى كەزەك اۋىستىرۋ ءماجىلىسىن اشىپ، ليۋ گولياڭ جاڭا كەزەكتى تاق – تۇق دوپ بىرلەستىگىنىڭ ءتوراعاسى بولىپ سايلاندى. كەزەك اۋىستىرعاننان كەيىن تاق – تۇق دوپ بىرلەستىگى وليمپياداعا دايىندالۋ، كاسىپتىك سپورت، جالپى حالىقتىق دەنە شىنىقتىرۋ، جاستاردى تاربيەلەۋ، نارىقتى اشۋ، حالىقارالىق بارىس – كەلىس قاتارلى جاقتاردا رەفورمانى تەرەڭدەتتى.
جەتىنشى، حالىقارالىق چاحماتتان 43 - رەتكى وليمپيادا توپتىق جارىسىندا جۇڭگو ەرلەر، ايەلدەر كومانداسى بىردەي اعا جۇلدەگەر بولدى، جۇي ۋىنجۇن الەم چاحمات حانىشاسى اتاندى
بەيجيڭ ۋاقىتى بويىنشا 10 – ايدىڭ 5 – كۇنى حالىقارالىق چاحماتتان 43 – رەتكى وليمپيادا توپتىق جارىسىنىڭ شەشۋشى اينالىمى گرۋزيادا اياقتادى، جۇڭگو ايەلدەر كومانداسى 11 اينالىم جارىستا 7 رەت جەڭىپ، 4 رەت تەڭ ءتۇسىپ، بىردە – ءبىر رەت جەڭىلمەي، تاعى دا اعا جۇلدەگەر بولدى. جۇڭگو ەرلەر كومانداسى دا از پارىقپەن ا ق ش ەرلەر كومانداسىن جەڭىپ، اعا جۇلدەگەر بولدى. بۇل جۇڭگو حالىقارالىق چاحمات كومانداسىنىڭ تۇڭعىش رەت وليمپيادا توپتىق جارىسىنداعى ەرلەر مەن ايەلدەردىڭ توپتىق اعا جۇلدەگەرلىگىنە بىردەي يە بولۋى. جەكەلىك تۇرلەر بويىنشا، جۇي ۋىنجۇن بيىلعى حالىقارالىق چاحمات اعا جۇلدەگەرلەرىنىڭ تىرەسى مەن الەم چەمپيوناتىندا ەكى رەت اعا جۇلدەگەر بولىپ، حالىقارالىق چاحماتتان الەم حانىشاسى اتانعان التىنشى جۇڭگولىق چاحمات شەبەرى بولدى.
سەگىزىنشى، ۋاڭ شۋاڭ ازيا فۋتبول بيكەشى بولدى، فۋتبولدان ايەلدەردىڭ الەم چەمپيوناتىندا جۇڭگو كومانداسى قارىمدى قارسىلاسقا جولىعادى
بەيجيڭ ۋاقىتى بويىنشا 11 – ايدىڭ 28 – كۇنى ازيا فۋتبول بىرلەستىگىنىڭ 2018 – جىلعى جىلدىق سيلىعىن تاراتۋ سالتى ومان استاناسى ماسكاتتا وتكىزىلدى، قازىر پاريج سەينت – جەرمەين كومانداسىندا ونەر كورسەتىپ جۇرگەن ۋاڭ شۋاڭ ازيا فۋتبول بيكەشى اتانىپ، وسى داڭققا يە بولعان ءتورتىنشى جۇڭگولىق سپورتشى بولدى. جۇڭگو كومانداسى 2019 – جىلعى فۋتبولدان ايەلدەردىڭ الەم چەمپيوناتىندا گەرمانيا، يسپانيا جانە وڭتۇستىك افريكا كوماندالارىمەن ءبىر گرۋپپاعا ءبولىندى.
توعىزىنشى، ۆالەيبولدان ايەلدەردىڭ 2018 – جىلعى الەم چەمپيوناتىندا جۇڭگو كومانداسى ءۇشىنشى ورىنعا يە بولدى
بەيجيڭ ۋاقىتى بويىنشا 10 – ايدىڭ 20 – كۇنى ۆالەيبولدان ايەلدەردىڭ 2018 – جىلعى الەم چەمپيوناتى جاپونيادا اياقتادى، جۇڭگو ايەلدەر ۆالەيبول كومانداسى ءۇشىنشى ورىنعا يە بولدى (سۋرەت ④). بۇل داڭق جۇڭگو كومانداسى مەن لاڭ پيڭ ءۇشىن جەكە – جەكە رەكورد جاڭالادى: جۇڭگو ايەلدەر ۆالەيبول كومانداسى الەمدەگى ءۇش ءىرى جارىس ءتۇرى بويىنشا 20 رەت الدىڭعى ءۇش ورىنعا يە بولدى؛ لاڭ پيڭ ۆالەيبولشى، جاتتىقتىرۋشى سالاۋاتىمەن الەمدەگى ءۇش ءىرى جارىس ءتۇرى بويىنشا 13 رەت الدىڭعى ۇشتىككە يە بولدى.
ونىنشى، گيمناستيكادان 2018 – جىلعى الەم چەمپيوناتىندا جۇڭگو كومانداسى ەرلەردىڭ توپتىق ءتۇرى بويىنشا اعا جۇلدەگەر بولدى
بەيجيڭ ۋاقىتى بويىنشا 10 – ايدىڭ 29 – كۇنى كاتاردا وتكىزىلگەن گيمناستيكادان 2018 – جىلعى الەم چەمپيوناتى ەرلەردىڭ توپتىق تۇرىندە شياۋ روتىڭ، لين چاۋپان، سۇن ۋەي، دىڭ شۋدي جانە زوۋ جيڭيۋان قاتارلىلاردان قۇرام تاپقان جۇڭگو ەرلەر كومانداسى اعا جۇلدەگەر بولدى، كەلەسى كۇنى جۇڭگو ايەلدەر كومانداسى توپتىق ءتۇر بويىنشا ءۇشىنشى ورىنعا يە بولدى. ەكى كوماندا توكيو وليمپياداسىنا قاتىناسۋ تولىمدىلىعىنا يە بولدى (سۋرەت ③). مۇنان سىرت، شياۋ روتىڭ، زوۋ جيڭيۋان، ليۋ تيڭتيڭ جەكە – جەكە ەرلەر اعاش ات سپورتى، ەرلەر قوس تۋرنيك سپورتى، ايەلدەر تەڭگەرمە اعاش سپورتى بويىنشا التىن مەدالعا يە بولدى.
حالىقارا
ءبىرىنشى، 23 – كەزەكتى قىسقى وليمپيادا وتكىزىلدى
23 – كەزەكتى قىسقى وليمپيادا 2 – ايدىڭ 9 – كۇنىنەن 25 – كۇنىنە دەيىن كورەيانىڭ پيوەڭچاڭ قالاسىندا وتكىزىلدى. وسى رەتكى قىسقى وليمپيادا تاريحتاعى كولەمى ەڭ ۇلكەن، جارىس ءتۇرى ەڭ كوپ بولعان قىسقى وليمپيادا بولىپ، 92 مەملەكەت پەن رايوننان 2900دەن استام سپورتشى جارىسقا قاتىناستى. نورۆەگيا كومانداسى مەن گەرمانيا كومانداسى 14 التىن مەدالمەن التىن مەدال تاقتاسىندا يىق تىرەسە ءبىرىنشى ورىنعا جايعاستى. جابىلۋ سالتىنداعى «بەيجيڭ سەگىز مينۋتى» كونسەرتىندە جاساندى زەردە تەحنيكاسىنان پايدالانىپ، «جۇرتشىلىقتىڭ 2022 – جىلعى بەيجيڭ قىسقى وليمياداسىنا كەلۋىن قارسى الامىز» دەگەن تاقىرىپ كورسەتىلدى.
ەكىنشى، فۋتبولدان 2018 – جىلعى الەم چەمپيوناتىندا فرانسيا كومانداسى اعا جۇلدەگەر بولدى
بەيجيڭ ۋاقىتى بويىنشا 6 – ايدىڭ 14 – كۇنى فۋتبولدان 2018 – جىلعى الەم چەمپيوناتى رەسەيدە اياقتادى. 7 – ايدىڭ 16 – كۇنى حورۆاتيا كومانداسى شەشۋشى جارىستا فرانسيا كومانداسىمەن بەلدەستى، سوڭىندا فرانسيا كومانداسى 4 : 2 ۇپايمەن جەڭىسكە جەتىپ، 1998 – جىلدان كەيىن ەكىنشى رەت الەم چەمپيوناتىنىڭ كۋبوگىنا يە بولۋى (سۋرەت ⑥)، الەم چەمپيوناتىنىڭ التىن دوپ سيلىعىنا حورۆاتيا كومانداسىنداعى مودريچ يە بولدى. مودريچ الەم چەمپيوناتى مەن كلۋبتاعى ناتيجەلەرى ارقىلى بيىلعى الەم فۋتبول مىرزاسى جانە التىن دوپ سيلىعىنا يە بولىپ، كريستيانو رونالدو مەن مەسسيدىڭ وسى ەكى سيلىق ءتۇرىن 10 جىل بويى مونوپوليالاۋىن اياقتاتتى.
ءۇشىنشى، ءۇشىنشى كەزەكتى جاستار وليمپياداسى بۋەنەس – ايرەستە وتكىزىلدى
ءۇشىنشى كەزەكتى جاستار وليمپياداسى جەرگىلىكتى ۋاقىت بويىنشا 10 – ايدىڭ 6 – كۇنىنەن 10 – ايدىڭ 18 – كۇنىنە دەيىن ارگەنتينانىڭ بۋەنەس – ايرەس قالاسىندا وتكىزىلدى، بۇل جاستار وليمپياداسىنىڭ تۇڭعىش رەت وڭتۇستىك امەريكادا وتكىزىلۋى (سۋرەت ⑦). وسى رەتكى جاستار وليمپياداسىندا كوشە ءبيى، باتپىراۋىقپەن تولقىن جارۋ قاتارلى جاستار ۇناتاتىن سپورت تۇرلەرى ەنگىزىلدى، 206 مەملەكەت پەن رايوننان 4000عا جۋىق سپورتشى قاتىناستى، ەر سپورتشىلار مەن ايەل سپورتشىلاردىڭ سانى تەڭ بولدى، بۇل وليمپيادا تاريحىندا تۇڭعىش رەت بولعان جاعداي.
ءتورتىنشى، ەۆروپا چەمپيوندار ليگاسىندا رەال – مادريد كومانداسى جالعاستى ءۇش رەت اعا جۇلدەگەر بولدى
بەيجيڭ ۋاقىتى بويىنشا 5 – ايدىڭ 27 – كۇنى 2017 – 2018 سەزونداعى فۋتبولدان ەۆروپا چەمپيوندار ليگاسىنىڭ شەشۋشى جارىسى كيەۆتەگى وليمپيك سپورت الاڭىندا وتكىزىلدى، يسپانيانىڭ رەال – مادريد كومانداسى 3 : 1 ۇپايمەن انگليانىڭ ليۆەرپۋل كومانداسىن جەڭىپ، جارىس تۇزىمىنە وزگەرىس ەنگىزىلگەننەن كەيىن تۇڭعىش رەت جالعاستى ءۇش رەت اعا جۇلدەگەر بولعان كوماندا ءارى ەۆروپا چەمپيوندار ليگاسى تاريحىنداعى ءۇش رەت اعا جۇلدەگەر بولعان ءتورتىنشى كوماندا بولدى.
بەسىنشى، ا ق ش باسكەتبول ليگاسىندا التىن شتات باتىرلارى اعا جۇلدەگەر بولدى
بەيجيڭ ۋاقىتى بويىنشا 6 – ايدىڭ 9 – كۇنى 2017 – 2018 سەزونداعى NBA (ا ق ش ەرلەر باسكەتبول كاسىپتىك ليگاسى) شەشۋشى جارىسىنىڭ 4 – رەتكى جارىسى كلەۆەلاندتا وتكىزىلدى. التىن شتات باتىرلارى 108 : 85 ۇپايمەن كلەۆلاند اتتى ساربازدارى كومانداسىن ويسىراتا جەڭىپ، 4 : 0 ۇپايلىق جالپى ەسەپپەن قارسىلاسىن جەڭىپ، اعا جۇلدەگەر بولدى. بۇل التىن شتات باتىرلارى كومانداسىنىڭ 4 جىلدان بەرى ءۇشىنشى رەت اعا جۇلدەگەر بولۋى، التىن شتات باتىرلارى كومانداسىنداعى دۇرانت شەشۋشى جارىستاعى ەڭ قۇندى سپورتشى اتاعىنا يە بولدى.
التىنشى، لاۋرەنس سيلىعىن ەرلەر مەن ايەلدەر ءتۇرى بويىنشا جەكە – جەكە فەدەرەر مەن كىشى ۆيلليامس يەلەندى
بەيجيڭ ۋاقىتى بويىنشا 2 – ايدىڭ 28 – كۇنى 2018 – جىلعى الەمدىك لاۋرەنس سيلىعى موناككودا تاراتىلدى. ەرلەر تور دوپ شەبەرى فەدەرەر ەڭ ۇزدىك ەر سپورتشى سيلىعىنا، ايەلدەر تور دوپ شەبەرى كىشى ۆيلليامس ەڭ ۇزدىك ايەل سپورتشى سيلىعىنا يە بولدى، ەڭ ۇزدىك گرۋپپا سيلىعىنا F1 (فورمۋلا – 1 الەم چەمپيوناتى) مەرسەدەس – بەنز گرۋپپاسى يە بولدى. ەڭ ۇزدىك قايتا ورالۋشى سيلىعىنا دا فەدەرەر يە بولدى، ول 6 رەت سيلىققا يە بولۋ رەكوردى بويىنشا لاۋرەنس سيلىعى تاريحىنداعى سيلىققا ەڭ كوپ يە بولعان سپورتشى بولدى. 1 – ايدىڭ 28 – كۇنى اۆستراليا تور دوپ اشىق جارىسىنىڭ ەرلەر جەكە ءتۇرى بويىنشا شەشۋشى جارىسىندا فەدەرەر التىنشى رەت اعا جۇلدەگەر بولىپ، جەكەلىك ۇلكەن شلەم (بريج قارتا ويىنىنان كەلگەن اتاۋ، تور دوپ ويىنىندا 4 ءىرى جارىس ءتۇرىنىڭ اعا جۇلدەگەرلىگىنە يە بولۋدى كورسەتەدى) جيىنتىعىن 20عا جەتكىزدى.
جەتىنشى، ا ق ش، كانادا جانە مەكسيكا فۋتبولدان 2026 – جىلعى الەم چەمپيوناتىن وتكىزۋ ۇقىعىنا يە بولدى
بەيجيڭ ۋاقىتى بويىنشا 6 – ايدىڭ 13 – كۇنى حالىقارالىق فۋتبول بىرلەستىگى قۇرىلتايىنىڭ داۋىس بەرۋىندە ا ق ش، كانادا جانە مەكسيكا (بىرلەسىپ ءوتىنىش بەرگەن) فۋتبولدان 2018 – جىلعى الەم چەمپيوناتىن وتكىزۋ ۇقىعىنا يە بولدى. بۇل الەم چەمپيوناتىنىڭ 1994 – جىلدان كەيىن سولتۇستىك امەريكا قۇرلىعىنا قايتا ورالۋى. ءوتىنىش بەرۋ بارىسىنداعى جوسپار بويىنشا، باس – اياعى 80 رەتكى جارىستىڭ ىشىندە 60 رەتكى جارىس ا ق ش – تا وتكىزىلەدى، مەكسيكا مەن كانادا جەكە – جەكە 10 رەت جارىس وتكىزىلەدى. مۇنىڭ ىشىندە الدىڭعى ءتورتتىڭ قاتارىنا ەنۋ شەشۋشى جارىسىنان باستاپ چەمپيوندىققا تالاسۋ جارىسى، ەكىنشى ورىنعا تالاسۋ جارىسى سىندى ماڭىزدى جارىستاردىڭ بارلىعى ا ق ش – تا وتكىزىلەدى. مەكسيكا 1970 – جىل مەن 1986 – جىلدان كەيىن ءۇشىنشى رەت الەم چەمپيوناتىن وتكىزىپ، الەم چەمپيوناتىن وتكىزۋ سانى ەڭ كوپ ەل بولادى.
سەگىزىنشى، كيپچوك ەرلەر مارافون جارىسىنىڭ الەمدىك رەكوردىن جاڭالادى
بەيجيڭ ۋاقىتى بويىنشا 9 – ايدىڭ 16 – كۇنى ريو وليمپياداسىنىڭ اعا جۇلدەگەرى، 34 جاستاعى كەنيالىق سپورتشى كيپچوك 2018 – جىلعى بەرلين مارافون جارىسىندا 2 ساعات 01 مينۋت 39 سەكۋندتىق ناتيجەمەن ەرلەر مارافون جارىسىنىڭ الەمدىك جاڭا رەكوردىن جاراتىپ، جارىستى بۇرىنعى رەكوردتان 78 سەكۋند تەز اياقتاتتى. كيپچوك بەرلين مارافون جارىسىندا ءبىرىنشى ورىنعا قاتارىنان ەكىنشى جىل يە بولدى، وسى جولعى جارىستا جارتى ارالىققا كەلگەن كەزدە ءبىر ساعات 01 مينۋت 08 سەكۋند جۇمساعان، 30 كيلومەترلىك ارالىققا كەلگەندە الەمدىك رەكوردتان 39 سەكۋند تەز بولعان، سوڭىندا ءوزىنىڭ وتانداسى كيمەتتونىڭ 2014 – جىلى بەرلين مارافون جارىسىندا جاراتقان الەمدىك رەكوردىن جاڭالادى.
توعىزىنشى، ديوكوۆيچ ەرلەر الەمدىك تور دوپ ساحناسىنداعى بىرىنشىلىك ورىنعا مەرزىمىنەن بۇرىن يە بولدى
بەيجيڭ ۋاقىتى بويىنشا 11 – ايدىڭ 6 – كۇنى يسپانيانىڭ ايگىلى سپورتشىسى نادالدىڭ جاراقاتتانۋ سەبەبىنەن ATP ۇيىمىنىڭ (حالىقارالىق كاسىپتىك تور دوپ بىرلەستىگى) جىل سوڭىنداعى شەشۋشى جارىسىنان شەگىنگەنىن جاريالاۋىنا بايلانىستى سەربيالىق سپورتشى ديوكوۆيچ جىل سوڭىنداعى الەمدىك بىرىنشىلىك ورنىنا مەرزىمىنەن بۇرىن قول جەتكىزدى. بۇل ونىڭ بەسىنشى رەت جىل سوڭىنداعى الەمدىك بىرىنشىلىك ورنىنا يە بولۋى (2011 – جىلى، 2012 – جىل، 2014 – جىلى، 2015 – جىلى)، ونىڭ بۇل ناتيجەسى نادال، لەندەر، مايكەنرولاردان اسىپ، فەدەرەر، كوننورستارمەن بىرگە ەكىنشى ورىنعا جايعاستى (ءبىرىنشى ورىنداعى سامپارس وسىنداي ناتيجەگە 6 رەت يە بولعان). ديوكوۆيچ 2018 – جىلى ۇلكەن شلەمگە جاتاتىن ۆيمبلەدون جانە ا ق ش تور دوپ اشىق جارىستارىندا ەرلەر جەكە ءتۇرى بويىنشا اعا جۇلدەگەر بولدى، ونىڭ ۇلكەن شلەم بويىنشا ەرلەر جەكە تۇرىندەگى اعا جۇلدەگەرلىك سانى دا 14كە جەتىپ، ۇلكەن شلەمگە 20 رەت يە بولعان فەدەرەر مەن 17 رەت يە بولعان نادالدان كەيىنگى ورىنعا جايعاستى.
ونىنشى، حاميلتون 5 - رەت فورمۋلا – الەم چەمپيوناتىنىڭ اعا جۇلدەگەرى بولدى
بەيجيڭ ۋاقىتى بويىنشا 11 – ايدىڭ 25 – كۇنى 2018 – جىلعى فورمۋلا – 1 الەم چەمپيوناتى اراب بىرىككەن امىرلىگىنىڭ استاناسى ابۋدابيدە اياقتادى. مەرسەدەس – بەنز گرۋپپاسىنىڭ اۆتوكولىك سپورتشىسى حاميلتون جەكەلىك كاسىپتىك ومىرىندە 73 – رەت بولىمشە بەكەت جارىسىنىڭ اعا جۇلدەگەرى بولدى، ول مۇنىڭ وسى سەزوندا 11 – رەت اعا جۇلدەگەر بولۋى، سونىمەن ول 5 – رەت جىلدىق باس جۇلدەگەرلىككە يە بولدى، ول F1 تاريحىنداعى ءبىر سەزوندا جيناعان ءنومىرى 400 نومىردەن اسقان، جالپى ءنومىرى 3000 نومىردەن اسقان تۇڭعىش اۆتوكولىك سپورتشىسى بولدى (سۋرەت ⑧). اۆتوكولىك گرۋپپالارى جاعىندا، مەرسەدەس – بەنز گرۋپپاسى جالعاستى بەس رەت اعا جۇلدەگەر بولدى. سۋرەتتىڭ كەلۋ قاينارى: شينحۋا اگەنتتىگى
سۋرەتتى جوبالاعان جاڭ فاڭمان
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
