حالىق تورابى، 9 – ايدىڭ 3 – كۇنى، بەيجيڭ. «حىنان گازەتىنىڭ» حابارلاۋىنشا، مەملەكەتتىك ۇلتتىق سپورت جينالىسىنىڭ مەدالدارى مەن جۇلدە توستاعانى جاريالاندى. جىڭجوۋ سياس ينستيتۋتى كوركەمونەرلىك جوبالاۋ ينستيتۋتىنىڭ دوتسەنتتەرى تاۋ زۇڭشياۋ مەن ۋ جىجيان 8 – ايدىڭ 26 – كۇنى تىلشىگە ۇيىمداستىرۋ كوميتەتى جىبەرگەن ەكى دانا جوبا نۇسقاسىن پايدالانۋ تۋرالى داڭق كۋالىگىن كورسەتىپ: «مەملەكەتتىك 11 – كەزەكتى ۇلتتىق سپورت جينالىسىنىڭ مەدالدارى مەن جۇلدە توستاعانىن ءبىز سەلبەسە وتىرىپ جوبالادىق»، — دەدى.
جۇلدە توستاعانى — «ايداعار – سامۇرىق ناقىشتى ورامى»، ەبدەيلى جوبالانۋدان سىرت، سالتاناتتى ورتاعا دا ۇيلەسەدى. سيلىق توستاعانىنىڭ جوعارى جاعىنداعى كورىنىسى سپورت جينالىسىنىڭ بەلگىسىنىڭ وزەكتى نىشانى — «ايداعار – سامۇرىق» ناقىشى بولىپ، كوزگە ءبىرشاما ايقىن شالىنادى. ايداعار مەن سامۇرىق «11» ناقىشىن كورسەتىپ، ءبىر – بىرىنە سايكەسە سامعاعان بەينەنى كورسەتەدى، ورتاسىنا قۇت بۇلتى ۇيىرىلگەن بايىرعى ناقىش سالىنعان، بۇل جۇڭحۋا وركەنيەتىنىڭ ۇرپاقتان – ۇرپاققا جالعاسقان ومىرشەڭدىك قۋاتىن ايگىلەيدى. جۇلدە توستاعانىنىڭ تۇعىرى ءۇش باسپالداق فورماسىندا جاسالعان، بۇل «ۇشەۋى ءبىر – بىرىنەن ايرىلا المايدى» (حانزۋ ۇلتى ءارقايسى از ۇلتتاردان ايرىلا المايدى، ءارقايسى از ۇلتتار حانزۋ ۇلتىنان ايرىلا المايدى، ءارقايسى از ۇلتتار ءبىر – بىرىنەن ايرىلا المايدى) دەگەن يدەيا مەن قادام سايىن بيىككە ورلەيىك دەگەن جاقسى تىلەكتى ءبىلدىرىپ، سپورتشىلاردى قۇلشىنا ناتيجە جاراتۋعا شابىتتاندىرادى.
كەلۋ قاينارى: حالىق تورابى