بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>دەنە تاربيە

از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى باستالدى

ۋاڭ ياڭ باستالۋ سالتىنا قاتىناستى

2019.09.09 15:39     كەلۋ قاينارى : حالىق تورابى


  «حالىق گازەتى»، 9 - ايدىڭ 8 – كۇنى، جىڭجوۋ (تىلشىلەر گۇڭ جينشيڭ، جي فاڭ، لي چاڭيۇي). از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسىنىڭ باستالۋ سالتى 9 - ايدىڭ 8 - كۇنى حىنان ولكەسىنىڭ جىڭجوۋ قالاسىندا سالتاناتپەن وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ اشىلۋ سالتىنا قاتىناستى.

  بايىرعى استانا جىڭجوۋدا شىراقتار جايناپ، ورتا جازىقتىڭ بايتاق دالاسى شاتتىققا شومدى. وليمپيادا دەنە تاربيە ورتالىعىنىڭ دەنە تاربيە الاڭىندا 56 ۇلت ءبىر اراعا باس قوسىپ، ىنتىماقتاسا كۇرەس جاساۋدىڭ اسقاق داستانىن بىرگە شىرقادى. ساعات 20 دا اشىلۋ سالتى رەسمي باستالدى، ۋاكىلدەر ۇيىرمەلەرى مەن ناق مايدانداعى 40 مىڭعا جۋىق كورەرمەن مەملەكەت تۋى قۇرمەت قاراۋىلىنىڭ الاڭعا كىرۋىن قارسى الدى. ءار ۇلت سپورتشىلارى ۇلتتىق كيىم كيىپ، رۋحتى سەرپىلتىپ، نىق قاداممەن الاڭعا شىقتى. ۋاكىلدەر ۇيىرمەلەرى الاڭعا كىرۋ بارىسىندا 30 سەكۋند ايالداپ ويىن قويىپ، جۇڭحۋا مادەنيەتىنىڭ الۋان گۇلدەر باقشاسىنىڭ كوركەم بەينەسىن ايگىلەپ، كورەرمەندەردى تامساندىردى.

  ساعات 20 دان 50 مينۋت وتكەندە ۋاڭ ياڭ جۇڭحۋا حالىق رەسپۋبليكاسى از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسىنىڭ باستالعانىن جاريالادى. ىلە - شالا الۋان ءتۇرلى وت شاشۋ تۇنگى اسپاندى جايناتىپ، جىڭجوۋ وليمپيادا ورتالىعى شاتتىق تەڭىزىنە شومدى.

  وسىدان كەيىن «جۇڭحۋا ۇلتىنىڭ بەرەكەلى شاڭىراعى، قول ۇستاسا ىلگەرىلەگەن جاڭا ءداۋىر» تاقىرىبىنداعى تارتىمدى ادەبيەت - كوركەمونەر كونسەرتى شىمىلدىعىن اشتى. كونسەرت «جۇڭحۋاعا ماداق»، «گۇلدەنگەن حىنان»، «ارمانمەن قاۋىشۋ» سىندى ءۇش تاراۋعا ءبولىنىپ، جۇڭحۋا ۇلتىنىڭ شۇعىلالى مادەنيەتىن بەينەلەدى، جاڭا جۇڭگونىڭ 70 جىلدىق ۇلى تابىسىن جىرلادى، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىن ايگىلەدى. كونسەرتتىڭ سوڭىندا ءار ۇلت باۋىرلاستار تەرەڭ سۇيىسپەنشىلىكپەن «مەن جانە وتانىم» ءانىن بىرگە شىرقادى. الاڭدا جاڭا جۇڭگونىڭ 70 جىلدىق مەرەي تويىن بەينەلەيتىن «70» سيفرى كورسەتىلىپ، ۇلى وتانىمىزدىڭ گۇلدەنىپ - كوركەيۋىنە تىلەك ءبىلدىرىلدى.

  اشىلۋ سالتىنىڭ الدىندا ۋاڭ ياڭ جۇڭگو از ۇلتتاردىڭ ءداستۇرلى دەنە تاربيە مادەنيەت كورمەسىن جانە حىنان ولكەسىنىڭ ەكونوميكالىق، قوعامدىق دامۋ تابىسى كورمەسىن ەكسكۋرسيالادى، سپورت جارىسىن ۇيىمداستىرۋ كوميسسياسىنىڭ بارلىق مۇشەلەرىن، سپورتشىلاردىڭ ۋاكىلدەرىن جانە قىزمەتكەرلەردىڭ ۋاكىلدەرىن قابىلدادى. ول مىنالاردى اتاپ كورسەتتى: از ۇلتتاردىڭ مەملەكەتتىك ءداستۇرلى سپورت جارىسىن وتكىزۋ − از ۇلتتاردىڭ ءداستۇرلى مادەنيەتىن قورعاۋ جانە دامىتۋداعى ماڭىزدى شارا، ۇلتتاردىڭ ارالاسۋىن، ىشتەسۋىن، توعىسۋىن جەبەۋدەگى ماڭىزدى تۇعىر، ۇلتتار ىنتىماعى، العاباسارلىعى ىستەرىن جاسامپازدىقپەن ىلگەرىلەتۋدەگى ماڭىزدى تۇتقا، پارتيانىڭ ۇلت ساياساتىنىڭ ابزالدىعىنىڭ ماڭىزدى بەينەسى. باس شۋجي شي جينپيڭنىڭ ۇلت قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، ءتۇسىنىپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتاردىڭ ىنتىماقتاسا كۇرەس جاساۋىنان، بىرگە گۇلدەنىپ - كوركەيۋىنەن، دامۋىنان جازباي، جۇڭحۋا ۇلتى ورتاق تۇلعاسى تانىمىن بەرىك ورناتىپ، ۇلتتاردىڭ اناردىڭ دانىندەي تىعىز ۇيىسۋىن جەبەپ، ۇلتتار ىنتىماعىنىڭ «اسقاق سيلىق ساۋىتىن» بىرگە كوتەرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك.

  ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان، ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان اشىلۋ سالتىنا قاتىناستى. مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلت ىستەرى كوميتەتىنىڭ مەڭگەرۋشىسى باتىر اشىلۋ ءسوزىن سويلەدى. حىنان ولكەلىك پارتكومنىڭ شۋجيى ۋاڭ گوشىڭ قارسى الۋ ءسوزىن سويلەدى. مەملەكەتتىك دەنە تاربيە باس مەكەمەسىنىڭ باستىعى گوۋ جۇڭۋىن اشىلۋ سالتىن باسقاردى.

  وسى كەزەكتى سپورت جارىسى 9 كۇنگە جالعاسادى، بۇكىل ەلدەگى 31 ولكە (اۆتونوميالى رايون، توتە قاراستى قالا)، شينجياڭ ءوندىرىس - قۇرىلىس بيڭتۋانى، ازاتتىق ارميا ۋاكىلدەر ۇيىرمەلەرىندەگى، سونداي - اق تايۋان از ۇلت ۋاكىلدەر ۇيىرمەسىندەگى 7 مىڭ 9 سپورتشى ساداق اتۋ، بۇقا تارتىس، قامىس سىرىقپەن قامىس قايىقشا ەسۋ سياقتى 17 جارىس ءتۇرى مەن 194 ويىن كورسەتۋ ءتۇرىنىڭ جارىسىنا قاتىناسادى. دەنە تاربيە جارىسى كەزىندە ۇلتتاردىڭ بىرلەسكەن ساۋىعى سياقتى مادەنيەت قيمىلدارى وتكىزىلەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: شيلشيش (ۇيعۇرشا كۇرەس) ءتۇرىنىڭ 62 كيلوگرامدىق سالماق دارەجەسىنىڭ D  گرۋپپا اينالمالى جارىسىندا شينجياڭ قۇراماسىنىڭ بالۋانى ابىلاجان مامىتپەن شانشي قۇراماسىنىڭ بالۋانى سۋريا بەلدەسۋدە.