ۇلتتىق دەنە شىنىقتىرۋ گيمناستيكا جارىسىنىڭ ءبىرىنشى اينالىم جارىسى اياقتالدى
شينجياڭ كومانداسى 3 ورىندى يەلەدى
2019.09.12 08:59 كەلۋ قاينارى : حالىق تورابى
 |
سۋرەتتە: شينجياڭ كومانداسى جارىستا
|
حالىق تورابى، 9 - ايدىڭ 11 - كۇنى، جىڭجوۋ (مانەپ ەربول ۇلى). از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى 9 - ايدىڭ 8 - كۇنى جىڭجوۋدا باستالعان بەرى شينجياڭ ۇيىرمەسى وزدەرى جىل بۇرىن دايىندالعان 5 جارىس ءتۇرى بويىنشا جارىسقا بارىن سالۋدا، 9 - ايدىڭ 11 - كۇنى تۇستەن كەيىن ۇلتتىق دەنە شىنىقتىرۋ گيمناستيكا جارىسىنىڭ وزدەرى تاڭداۋ ءتۇرىنىڭ جارىسى، ياعني، ءبىرىنشى اينالىم جارىسى اياقتالدى. سوڭىندا شينجياڭ كومانداسى ۋاقىتشا ءۇشىنشى ورىندى يەلەندى، بەيجيڭ كومانداسى ۋاقىتشا ءبىرىنشى ورىندى، حۋنان كومانداسى ۋاقىتشا ەكىنشى ورىندى يەلەندى. 9 - ايدىڭ 13 - كۇنى جىڭجوۋ دەنە تاربيە سارايىندا ۇلتتىق دەنە شىنىقتىرۋ گيمناستيكاسىنىڭ ەكىنشى اينالىم جارىسى، ياعني، بەلگىلەنگەن ءتۇرىنىڭ جارىسى وتكىزىلەدى. سوڭىندا شينجياڭ كومانداسىنىڭ ناتيجەسى قالاي بولادى ونى 9 - ايدىڭ 13 - كۇنى بىلەتىن بولاسىزدار.
تومەندە وسى ءبىر جارىس ءتۇرىنىڭ كەلۋى مەن باعالاۋ ولشەمىنە قىسقاشا توقتالا كەتەيىك. ەلىمىزدەگى از ۇلتتار كەڭىنەن تارالعان، ولار تۇرلىشە رايونداردا تىرلىك كەشۋدە، ۇزاق ۋاقىتتىق دامۋ مەن وزگەرىس بارىسىندا ولاردا ۇقساماعان دەنە شىنىقتىرۋ ارەكەتى قالىپتاسقان، ۇقساماعان مادەنيەت پەن سالت - ساناعا بايلانىستى قالىپتاسقان وسى ءبىر ارەكەت ءتۇرى، بۇگىنگى تاڭدا ءبي فاكتورى مەن دەنە تاربيە فاكتورىنان قۇرام تاپقان جاڭاشا تۇردەگى دەنە شىنىقتىرۋ گيمناستيكاسىنا اينالدى، ٵر جەردىڭ دەنە شىنىقتىرۋ گيمناستيكاسىندا سول جەردىڭ ۇلتتىق مۋزيكاسى مەن ۇلتتىق ءبيى بەينەلەنەدى، از ۇلتتار جيى قونىستانعان يۇننان ولكەسىن مىسالعا الار بولساق، بۇل جەردە ٵر جىلى ۇلتتىق دەنە شىنىقتىرۋ گيمناستيكا جارىسى وتكىزىلەدى، مۇندا بايزۋدىڭ باۋاڭبان دەنە شىنىقتىرۋ گيمناستيكاسى، حاني ۇلتىنىڭ دەنە شىنىقتىرۋ گيمناستيكاسى، يزۋدىڭ يانحى دەنە شىنىقتىرۋ گيمناستيكاسى سياقتى كوپ ءتۇرلى دەنە شىنىقتىرۋ گيمناستيكاسى بيلەنىپ، باعالاۋ جۇرگىزىلەدى، قازىر كوپتەگەن جەرلەردە ۇلتتىق دەنە شىنىقتىرۋ گيمناستيكاسى الاڭ بيىنە الدى. ال ۇلتتىق دەنە شىنىقتىرۋ گيمناستيكاسى از ۇلتتاردىڭ ءداستۇرلى جارىسى جونىنەن الىپ ايتقاندا ءبىر ماڭىزدى ٵرى قىزىقتى جارىس ءتۇرى سانالادى، ٵر ۇلتتىڭ ٵنى قويىلىپ، ءبيى بيلەنىپ، ءداستۇرلى ۇلتتىق ءبي مەن وسىزامانعى دەنە شىنىقتىرۋ ارەكەتىنىڭ ۇلاسىمدىلىعى كورەرمەندەر كوڭىلىنەن شىعادى.
ۇقساماعان ارەكەت، تۇرلىشە ۇلتتىق بوياۋى بار وسى جارىستىڭ ولشەمى بولسا، جارىس كوماندا بويىنشا وتكىزىلەدى، ٵر كومانداعى سپورتشى سانى 16 ادام بولادى، مۇنىڭ ىشىندە ەر سپورتشىلاردان كەمىندە تورتەۋ بولۋى كەرەك. جارىس ناتيجەسى وزدەرى تاڭداۋ ءتۇرىنىڭ جارىس ناتيجەسى مەن بەلگىلەنگەن ءتۇرىنىڭ جارىس ناتيجەسىنىڭ قوسىندىسىن نەگىز ەتەدى، مۇندا وزدەرى تاڭداۋ ءتۇرى دەگەنىمىز جارىسقا قاتىناسۋشى جاق وزدەرى دايىنداعان مۋزيكا بويىنشا ونەر كورسەتەدى، ال بەلگىلەنگەن ءتۇر دەگەنىمىز جارىسقا قاتىناسقان كوماندا ۇيىمداستىرۋشى جاق بەرگەن مۋزيكا بويىنشا ونەر كورسەتەدى.
كەلۋ قاينارى: حالىق تورابى
 |
سۋرەتتە: شينجياڭ كومانداسى جارىستا
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
