دۇنيە جۇزىلىك اسكەريلەر سپورت جارىسى بۇگىن ۋحاندا باستالادى
جالپى 109 ەلدىڭ 9 مىڭ 308 اسكەرى جارىسقا قاتىناسۋعا تىزىمدەلىپ، جارىس كولەمى تاريحتاعى ەڭ جوعارى دەڭگەيگە جەتتى، جالپى 27 ۇلكەن ءتۇر، 329 شاعىن ءتۇر بار
2019.10.18 15:42 كەلۋ قاينارى : حالىق تورابى
«حالىق گازەتى»، 10 - ايدىڭ 17 – كۇنى، ۋحان (تىلشىلەر تيان دۋدۋ، فان حاۋتيان). 7 - كەزەكتى دۇنيە جۇزىلىك اسكەريلەر سپورت جارىسى 10 – ايدىڭ 18 - كۇنى كەشتە باستالادى. 10 - ايدىڭ 17 - كۇنى تۇستەن بۇرىن مەملەكەتتىك قورعانىس مينيسترلىگى ۋحاندا اسكەريلەر سپورت جارىسىنىڭ شەگەرىپ ساناۋداعى ۋاقىتىنا ءبىر كۇن قالۋىنا وراي ارناۋلى اقپار جاريالاۋ ءماجىلىسىن وتكىزدى. ءتىلشىنىڭ ماجىلىستەن ۇعىسۋىنشا، وسى كەزەكتى اسكەريلەر سپورت جارىسىندا جيىنى 109 مەملەكەتتىڭ 9 مىڭ 308 اسكەرى قاتىناسۋعا تىزىمدەلىپ، جارىس كولەمى تاريحتاعى ەڭ جوعارى دەڭگەيگە جەتكەن، مۇنىڭ ىشىندە ازاتتىق ارميا دەنە تاربيە ۋاكىلدەر ۇيىرمەسى جالپى 406 سپورتشى جىبەرگەن.
دۇنيە جۇزىلىك اسكەريلەر سپورت جارىسى «اسكەريلەردىڭ وليمپياداسى» دەپ اتالعان، وسى كەزەكتى اسكەريلەر سپورت جارىسىندا جالپى 27 ۇلكەن ءتۇر، 329 شاعىن ءتۇر ورنالاستىرىلدى. جەڭىل اتلەتيكا، مالتاۋ، فۋتبول، باسكەتبول سياقتى 22 وليمپيادا سپورت جارىسى ءتۇرى، اۋە ارمياسى سپورتىنىڭ 5 ءتۇرى، تەڭىز ارمياسى سپورتىنىڭ 5 ءتۇرى، پاراشوتپەن سەكىرۋ جانە دالادان ەندەي ءوتۋ سياقتى ەرەكشە اسكەري تۇرلەر بار.
«وسى كەزەكتى اسكەريلەر سپورت جارىسىندا جارىسقا تىزىمدەلگەن ادام سانى دا، باسەكەلىك دەڭگەيى دە بۇرىنعى كەزەكتەردەگىدەن اسىپ ءتۇستى». ۋحان اسكەريلەر سپورت جارىسى اتقارۋ كوميتەتىنىڭ مەڭگەرۋشىسى، ورتالىق اسكەري ىستەر كوميتەتى جاتتىعۋ - باسقارۋ ءبولىمىنىڭ ورىنباسار باستىعى ياڭ جيان بىلاي دەدى: جارىسقا تىزىمدەلۋ جاعدايىنان قاراعاندا، ءار ەل جالپى بەتتىك جارىسقا قاتىناساتىن قۇرامانى شىعارىپ، وليمپيادا سپورت جارىسىنىڭ، دۇنيە جۇزىلىك جۇلدەلى جارىستىڭ، دۇنيە جۇزىلىك فۋتبول ساۋىتىنا تالاسۋ جارىسىنىڭ اعا جۇلدەگەرلىگىنە يە بولعان سپورتشىلاردان 67 ادام، ريو - دە - جانەيرو وليمپيادا سپورت جارىسىنىڭ الدىڭعى 8 شەبەرىنەن 118 ادام، وسى زامانعى 5 ءتۇر بويىنشا دۇنيە ءجۇزى بويىنشا الدىڭعى 10 ورىندى يەلەگەن 8 ادام، 5 اسكەري ىستەر ەرەكشە ءتۇرىنىڭ الدىڭعى كەزەكتى اعا جۇلدەگەرىنەن 43 ادام بار، بۇدان وسى كەزەكتى اسكەري سپورت جارىسىنىڭ باسەكەسى توتەنشە قيان - كەسكى بولاتىنىن مەجەلەۋگە بولادى.
وسى كەزەكتى اسكەريلەر سپورت جارىسىندا ارميامىز 553 ادامدىق تاريحتاعى ەڭ كولەمدى سپورت ۋاكىلدەر ۇيىرمەسىن ۇيىمداستىردى، 406 سپورتشىنىڭ جىگەرى تاسقىنداپ، رۋحى سەرپىلىپ، جارىستان بۇرىن باعىتتامالى، كۇشتى جاتتىعۋ جۇرگىزىپ، دايىندىق جارىستى جاپپاي جاقسى ىستەپ، ەڭ تاماشا رۋحاني كۇيمەن، ەڭ كۇشتى باسەكەلىك قۋاتىمەن جارىسقا قاتىناسۋعا كەپىلدىك ەتتى. قازىر ولار جارىس الدىنداعى ءتۇرلى دايىندىقتاردى تولىق ورىنداپ بولدى، الدا گولف دوبىنان باسقا 24 ۇلكەن ءتۇر مەن 2 ويىن كورسەتۋ تۇرىنە قاتىناسىپ، قيان - كەسكى شايقاس جۇرگىزىپ، ماڭداي الدى تەبىنمەن التىن، كۇمىس مەدالدارعا تالاسىپ، تاماشا ناتيجە جاراتۋعا قۇلشىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
