دەنە شىنىقتىرعان سوڭ ءسىرا ىشپەڭىز
2020.01.10 13:35 كەلۋ قاينارى : حالىق تورابى
دەنە شىنىقتىرعان سوڭ ۇيلەسىمدى مولشەردە ازىقتانۋ پايدالى بولعانىمەن، مۇنداي كەزدە تاماقتى كوپ جەۋ، كەرىسىنشە، دەنە شىنىقتىرۋدىڭ ونىمدىلىگىن زور مولشەردە تومەندەتەدى. دەنە شىنىقتىرعان سوڭ كەي ادامداردىڭ تاماققا تابەتى ارتادى، ۇيتكەنى، ادەتتە ءبىزدىڭ دەنەمىزدىڭ ەنەرگيانى سارىپ ەتۋى ءبىر قالىپتى بولادى، ارەكەت جاساعان كەزدە، دەنەنىڭ ەنەرگيا سارىپ ەتۋ مولشەرى كۇرت ارتاتىندىقتان، تابيعي تۇردە دەر كەزىندە ەنەرگيا تولىقتاۋعا تالپىنادى، وسى سەبەپتەن، ارەكەتتەنگەن سوڭ ادامنىڭ قارنى اشادى. ەندەشە، ارەكەتتەن سوڭ قانداي تاماقتانسا، سەمىرمەۋمەن بىرگە، ارەكەتتىڭ ونىمدىلىگىن ساقتاۋعا بولادى؟ بەيجيڭ ۋنيۆەرسيتەتى حالىق شيپاحاناسىنىڭ قورەكتىك مامانى ساي جينجين كوپشىلىككە جاقسى ءتاسىل ۇيرەتەدى.
ارەكەتتەنگەن سوڭ دەرەۋ تاماق ىشپەۋ كەرەك، ادەتتە ءبىر ساعاتتان كەيىن تاماقتانۋعا بولادى، وسى كەزدە دەنەنىڭ زات الماستىرۋى ءبىرشاما بەلسەندى كۇيدە بولادى، قورەكتىك پەن ەنەرگيانى دەنەدەگى بۇلشىق ەتتەرگە دەرەۋ جەتكىزەدى دە، مايدىڭ جينالۋىنان ساقتانۋعا بولادى. وسى كەزدە تاماقتانۋعا بولاتىن ازىقتىق تۇرلەرى: داقىلدار، جەمىس – جيدەك جانە كوكونىستەر، ءسۇت ونىمدەرى، قارا كەسەك ەت جانە تاۋىق ەتى قاتارلىلار، تومەندە ەگجەي – تەگجەيلى تانىستىرامىز.
سۇلى. ەنەرگيا مولشەرى تومەن، وڭاي تويعىزادى، قۇرامىندا β- دەكسترانى بار، ىشەكتىڭ ماي قۇرامى مەن حولەستەريندى ءسىمىرۋ مولشەرىن تومەندەتىپ، حولەستەريننىڭ قالىپتاسۋىن تەجەي الادى.
بورمي. ازىقتىق تالشىق قۇرامى مول، ەنەرگيا مولشەرى مەن ماي قۇرامى تومەن، وڭاي تويعىزادى، ىشەكتىڭ جيىرىلۋىن جاقسارتادى.
پاميدور. قۇرامىندا ليكوپەن سىندى دەنەنىڭ اقاۋسىزدىعىنا پايدالى حيميالىق زاتتار بار، بۇلشىق ەت پەن قانداعى قانت قۇرامى دەڭگەيىن تەڭشەۋگە كومەگىن تيگىزەدى.
مايمۇل شاپتول. قۇرامىندا ۋيتامين C مول، ادام دەنەسىندەگى ەركىن راديكالداردى الاستاۋعا پايدالى بولىپ، بۇلشىق ەتتىڭ سىزداپ اۋرۋىن باسەڭدەتەدى، ونىڭ ۇستىنە، دەنەنىڭ كارينيتين جاساۋىنا كومەگىن تيگىزىپ، دەنەنىڭ ماي قۇرامىن سارىپ ەتۋىن ىلگەرىلەتەدى.
بانان. كالي قۇرامى مول، دەنەدەگى ەلەكتروليتتى تەڭگەرۋگە كومەكتەسىپ، ارەكەتتەنگەن سوڭ دەنەدە تۋىندايتىن شارشاۋ سەزىمىن باسەڭدەتەدى. الايدا، باناننىڭ قانت قۇرامى مول، كوپ جەمەگەن ءجون.
ايران. ايراننىڭ قۇرامىندا ءسۇت قىشقىلدى باكتەريالار، كالتسي جانە اكتيۆ زاتتار مول، ىشەكتەگى باكتەريالار توبىنىڭ تەڭگەرىمدىلىگىن قالىپتاستىرۋعا كومەكتەسەدى، قورەكتىك مولشەرىن ارتتىرادى ءارى اس قورىتۋعا پايدالى.
تاۋىقتىڭ ءتوس ەتى. بەلوك قۇرامى مول، تەز ارادا ەنەرگيا تولىقتاپ، شارشاۋدى باسەڭدەتە الادى، ءبىرشاما وڭاي تويعىزادى، بۇلشىق ەتتى تولىقتىرۋ ونىمدىلىگى دە ايتارلىقتاي جاقسى.
ارەكەتتەنگەن سوڭ سۋ قۇرامىن تولىقتاۋعا دا ءمان بەرۋ كەرەك. ادەتتە 30 مينۋت دەنە شىنىقتىرعان سوڭ سۋ ءىشۋ كەرەك، ءار رەت 200 ميلليليتر سۋ ءىشۋ، ءار رەتتە ازدان سۋ ءىشىپ، سۋ ءىشۋدىڭ رەت سانىن مولايتۋ كەرەك.
مۇنان سىرت، دەنە شىنىقتىرعان كەزدە ارتتىرعان تاماق مولشەرى ادەتتەگى تاماق مولشەرىنىڭ ۇشتەن بىرىندەي نەمەسە تورتتەن بىرىندەي بولۋى كەرەك، شامامەن 200 كالوريا مولشەرىندەگى ازىقتىق تۇتىنعان ءجون؛ ءبىر ءتۇرلى تاماقتى تويعانشا جەۋ جارامايدى، قورەكتىك قۇرامىن تەڭگەرىمدى قابىلداۋعا كوڭىل ءبولۋ كەرەك؛ سپورتتىق سۋسىندىقتاردى الباتى ىشپەگەن جاقسى، تەك، ۇزاق ۋاقىت بويى شۇعىل ارەكەت جاساعان سوڭ عانا، دەنەدە ەلەكتروليتتىڭ رەتسىزدەنۋى سىندى جاعداي جارىققا شىعادى، وسى كەزدە سپورتتىق سۋسىندىق تۇتىنۋعا بولادى؛ جوعارى ەنەرگيالى ازىق – تۇلىكتەردى تۇتىنۋدان ساقتانۋ كەرەك، ۇيتكەنى، بۇل ينسۋليننىڭ ىقپالىن ءبىرشاما وڭاي جوعارىلاتادى، ارەكەتتەنگەن سوڭ دەنەنىڭ قالپىنا كەلۋىنە ءتيىمسىز؛ سىرا ىشپەۋ كەرەك، سىرانىڭ قۇرامىنداعى ەنەرگيا مولشەرى جوعارى بولىپ قالماستان، بەلوكتىڭ توعىستىرۋ رولىنا ءتيىمسىز، بۇلشىق ەتتىڭ بىرىگۋىنە اسەر ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
