بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>دەنە تاربيە

CBAعا جول تارتقان باسكەتبول شەبەرى جاۋىنگەر

 جاۋىنگەر سياقتى جالعاستى قولشىنامىن

2020.08.28 14:45     كەلۋ قاينارى : حالىق تورابى

  8 – ايدىڭ 21 – كۇنى CBA (جۇڭگو ەرلەر كاسىپتىك باسكەتبول بىرلەسپە جارىسىنىڭ) جاڭا شەبەرلەردى تاڭداۋ جينالىسىندا شينجياڭ داشۋەسىنەن كەلگەن، قازاق ۇلتىنان شىققان دوپشى جاۋىنگەر قويشان ۇلى نانجيڭ تۇڭشي كومانداسىنا 6 - بولىپ تاڭدالدى، سونىمەن جۇڭگو ەرلەر كاسىپتىك باسكەتبولىنىڭ ەڭ جوعارى دەڭگەيدەگى ساحناسىنا ءساتتى قادام تاستادى.

  وسى كەزەكتى تاڭداۋعا بىرگە قاتىناسقان جۋ ميڭجىن، جۋ سۇڭۋي قاتارلى دوپشىلارمەن سالىستىرعاندا، جاۋىنگەردىڭ جۇرتقا تانىمالدىعى ونشا جوعارى بولماعانىمەن، ول ستۋدەنتتەر باسكەتبول بىرلەسپە جارىسىندا ەلدەن ەرەك ونەرىن بايقاتقان. بويى 2 مەتردەن اساتىن ول جارىس الاڭىندا ورتاڭعى اتويشى بولىپ وينايدى، ونىڭ ورتاڭعى ارالىقتان دوپ تاستاۋ ونەرى ەرەكشە ورنىقتى. 21 – كەزەكتى مەملەكەتتىك ستۋدەنتتەر باسكەتبول بىرلەسپە جارىسىندا ءار مايدان جارىستا ورتا ەسەپپەن 20.3 ءنومىر جانە دوپ تاقتايىندا 12.8 ءنومىر العاندىقتان، ونىڭ جانكۇيەرلەرى ونى «باتىس سولتۇستىك جارىس رايونىنداعى ءبىرىنشى ورتاڭعى اتويشى» دەپ اتاعان.

  جاۋىنگەر قاراپايىم مالشى بالاسى، تۋعان جەرى شينجياڭ تارباعاتاي ايماعى تولى اۋدانى. ونىڭ ءبىر اپەكەسى جانە ءبىر باۋىرى بار، شەشەسى ەرتە قايتىس بولعاندىقتان، اكەسى ءۇش بىردەي بالانى جالعىز ٶزى ەرجەتكىزگەن، وتباسىلىق ٵل – اۋقاتتى ونشا جاقسى ەمەس. «ەگەر اكەم ءسوزسىز وقى دەپ تاباندى بولماعان بولسا، مەن قازىر اۋىلىمدا قوي باعىپ جۇرەتىن ەدىم.» - دەدى ول وتكەندى ەسكە الا وتىرىپ، ورتالاۋ مەكتەپتى بىتىرگەننەن كەيىن ونىڭ تۋىس – تۋعاندارى ونىڭ وقۋدان شىعىپ، اكەسىنە قولعانات بولۋىن ايتقان.

  جاۋىنگەر جونىنەن الىپ ايتقاندا، ونىڭ كاسىپتىك دوپشىعا اينالۋى وڭايعا تۇسپەدى، ويتكەنى ونىڭ «دوپقا جاتتىعۋى تىم جاي باستالدى». 2013 – جىلى ءۇرىمجى قالاسىنداعى باسكەتبولمەن اتى كوپكە تانىس 101 – ورتالاۋ مەكتەپتىڭ جاتتىقتىرۋشىسى فان ميڭحۇي تارباعاتايعا بارىپ بولاشاق جەتكىنشەكتەردى ىزدەگەندە جەرگىلىكتى ورىننىڭ دەنە تاربيە مۇعالىمىنىڭ تانىستىرۋىمەن جاۋىنگەرمەن تانىسادى، جاۋىنگەردىڭ «دوپ سالعانعا انشا تۇسەلمەگەنىمەن، وپ - وڭاي سەكىرىپ دوپ سالا الاتىندىعىنا» قىزىعىپ ونى تاڭداعاندىعىن ايتتى جاۋىنگەر. وسىلايشا، 18 جاستاعى جاۋىنگەر تۋعان جەرىنەن الىستاپ، ءۇرىمجى قالاسىنا كەلىپ، باسكەتبولعا جاتتىعۋدى رەسمي باستايدى.

  كومانداعا العاش كەلگەندە، باسقا كوماندالاستارىمەن سالىستىرعاندا، جاۋىنگەردىڭ بوي بيىكتىگىنەن باسقا ەشقانداي ارتىقشىلىعى بولماعان. ٶزىنىڭ جاتتىعۋدى كەش باستاعاندىعىن بىلگەن ول بار كۇش – قايراتىن سالىپ جاتتىعادى، مەيلى دەنە قۋاتى جاتتىعۋى بولسىن، الدە تەحنيكالىق - تاكتيكالىق جاتتىعۋ بولسىن، تيتتەي دە بوساڭسىمايدى. فان ميڭحۇيوعان باعا بەرگەندە «ول جاتتىقتىرۋشىنىڭ تالابىنا قارسى كەلمەيدى، ەشقانداي بويكۇيەزدىككە سالىنبايدى.»- دەدى. تولىق ورتا 3 – جىلدىعىنا شىققاندا، جاۋىنگەردىڭ دوپ تەحنيكاسى جىل سايىن جوعارىلاعاندىقتان، مەكتەپ بىتىرگەن سوڭ باسكەتبولعا بولعان تالانتىمەن شينجياڭ داشۋەسىنە قابىلدانادى.

  داشۋدە باسكەتبولدىڭ كۇشەمەلىك دارەجەسى ءتىپتى دە جوعارىلايدى، ريتىمى ءتىپتى دە تەز بولعاندىقتان، بۇرىن – سوڭدى سەمىرمەيتىن جاۋىنگەر ءتىپتى دە تەز ۇيلەسۋ ءۇشىن ٵر كۇنى جاتتىعۋ ۇيىنە باردى. داشۋەنىڭ 1 – جىلدىعىنداعى قىسقى دەمالىستا، جاۋىنگەردىڭ اكەسى راك اۋرۋىنان قايتىس بولادى، ول اپەكەسىمەن، باۋىرىمەن ۇيدەگى مالىن ساتىپ، اكەسىنىڭ ارتقى ىستەرىن ىڭعايلاستىرادى، ءارى اۋرۋدى ەمدەتكەن كەزدەگى قارىزدارىن قايتارادى. جەرگىلىكتى ورىنداعى ۇكىمەت پەن تۋىس – تۋعاندارىنىڭ كومەگىندە، ۇشەۋى دە وقۋلارىن جالعاستىرادى. جاۋىنگەر بىلاي دەدى: «وسى ءبىر ويلاماعان جاعدايدان كەيىن، مەن باسكەتبولعا سۇيەنىپ تاعدىرىمدى وزگەرتۋگە، ۇيدەگىلەرىمە جاقسى تۇرمىس سيلاۋعا بەكىندىم.»

  كاسىپتىك باسكەتبول ويناۋ ءۇشىن ول ءتىپتى دە جان اياماي جاتتىعادى. داشۋەنىڭ 3 – جىلدىعىنا شىققان جىلى، داشۋەدەگى باس جاتتىقتىرۋشىسى لۋ جۇننىڭ كومەگىندە، جاۋىنگەر شينجياڭ تيانشان بۇركىتى باسكەتبول كلۋبىندا كاسىپتىك جاتتىعۋ جاساي باستايدى، ال وسى كلۋبتىڭ باس جاتتىقتىرۋشىسى ءدال نانجيڭ تۇڭفىڭ كومانداسىنىڭ ورتاڭعى اتويشىسى ماۋلەن بولاتىن. اناعۇرلىم كاسىپتىك جۇيەلى جاتتىعۋدىڭ، ازىقتانۋدىڭ جانە ەمدەۋ قامتاماسىزداندىرۋىنىڭ ارقاسىندا، جاۋىنگەردىڭ دەنە قارسىلىق قۋاتى، دوپ سالۋ تەحينكاسى، ارەكەتى جانە تاكتيكاسى جاعىنداعى ءتۇسىنۋ قابىلەتى وسى ءبىر جىلدا كورنەكتى جوعارىلايدى.

  ارمانى ورىندالىپ CBA باسكەتبول كومانداسىنا قابىلدانعاننان كەيىن، جاۋىنگەر ٶزىنىڭ بۇرىنعى جاتتىقتىرۋشىسىنا العىس ايتتى. «مەن وسىنداي جاتتىقتىرۋشىلارعا كەزدەسكەنىم ءۇشىن باقىتتىمىن، ەگەر ولاردىڭ جەتەكتەۋى، كومەگى بولماسا، مەن دە مۇنداي ۇزاققا سامعاي الماس ەدىم.» جاۋىنگەر بىلاي دەدى: «مەنىڭ جاتتىقتىرۋشىلارىم، بۇل مەنىڭ جەتەر بيىگىم ەمەس ەكەندىگىن، مەنىڭ مۇنان دا بيىكتەن كورىنۋگە تالپىنۋىم كەرەك ەكەندىگىن ايتادى.»

  قازاق تىلىندە ونىڭ اتى «جاۋىنگەر، باتىر» دەگەن ماعىنادا، جاۋىنگەردىڭ ايتۋىنشا ونىڭ اكە – شەشەسى ونىڭ تۇرمىستاعى ٵرقانداي قيندىقتار مەن جاپا الدىندا جاۋىنگەردەي باتىلدىقپەن توتەپ بەرۋىن تىلەگەن. الداعى كاسىپتىك باسكەتبول ٶمىرىن تىلگە تيەك ەتكەندە، جاۋىنگەر بىلاي دەدى: «جاۋىنگەر سياقتى بۇرىنعىداي جالعاستى قولشىنامىن!»

  شينحۋا اگەنتتىگىنىڭ حابارى (تىلشىلەر: ما كاي، شياۋ شياۋ، ۋاڭ جيڭيۇي)

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار