برەيك ءبيى، سىرعىما تاقتاي سياقتى 4 ءتۇر 2024 - جىلعى پاريج وليمپيادا سپورت جارىسىنىڭ رەسمي جارىس تۇرىنە اينالدى
2020.12.09 16:58 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 7 – كۇنى، پاريج (ءتىلشى شياۋ ياجو). حالىقارالىق وليمپيادا كوميتەتىنىڭ اتقارۋ كوميتەتى 12 - ايدىڭ 7 – كۇنى ءماجىلىس اشىپ، 2024 ـ جىلعى پاريج وليمپيادا سپورت جارىسىنا برەيك ءبيى، سىرعىما تاقتاي، قۇزعا شىعۋ جانە تولقىن قۋۋ سىندى 4 ۇلكەن ءتۇردى قوسۋعا ماقۇل بولدى. بۇدان تىس، ءىشىنارا ۇلكەن تۇرلەردىڭ ناقتى شاعىن تۇرلەرىنە دە رەتتەۋ جۇرگىزىلەتىن بولدى.
جارىستى وڭتايلاندىرىپ وتكىزۋ، جىنىس تەڭدىگى جانە جاستاردىڭ قاجەتىنە نازار اۋدارۋ پاريج وليمپيادا سپورت جارىسىنىڭ رەسمي جارىس تۇرلەرىنىڭ ءۇش ۇلكەن ەرەكشەلىگىنە اينالدى.
توكيو وليمپيادا سپورت جارىسىمەن سالىستىرعاندا، 2024 - جىلعى پاريج وليمپيادا سپورت جارىسىندا جارىس وتكىزۋ كولەمى اناعۇرلىم ىقشامدالادى. سپورتشىلاردىڭ سانى توكيو وليمپيادا سپورت جارىسىنداعى 11 مىڭ 92 ادامنان 10 مىڭ 500 ادامعا ازايتىلادى. تۇرلەردىڭ جالپى سانى جاعىندا توكيو وليمپيادا سپورت جارىسىندا 339 شاعىن ءتۇر بولسا، پاريج وليمپيادا سپورت جارىسىندا 10 شاعىن ءتۇر قىسقارتىلادى.
بارلىق ۇلكەن تۇرلەردىڭ ىشىندە اۋىرلىق كوتەرۋ ءتۇرىنىڭ ىقپالعا ۇشىراۋى ەڭ زور بولادى. بۇل تۇردە جالپى 4 شاعىن ءتۇر وليمپيادا سپورت جارىسىنان شىعارىلادى. پاريج وليمپيادا سپورت جارىسىنىڭ اۋىرلىق كوتەرۋ تۇرىندە ەر – ايەلدەرگە جەكە – جەكە 5 التىن مەدال بەرىلەدى، جارىسقا قاتىناساتىن سپورتشىلاردىڭ جالپى سانى 120 بولادى، توكيو وليمپيادا سپورت جارىسىندا بەرىلگەن 196 سانمەن سالىستىرعاندا، جالپى ادام سانى %30 ازايتىلادى.
جىنىس پارقىنىڭ تەڭدىگى دە وسى رەتكى پاريج وليمپيادا سپورت جارىسىنىڭ تۇرلەردى رەتتەۋىندەگى ۇلكەن ەرەكشەلىك سانالادى، توكيو وليمپيادا سپورت جارىسىندا ايەل سپورتشىلاردىڭ سالىستىرماسى %48.8 كە جەتكەن بولسا، پاريج وليمپيادا سپورت جارىسىندا ەر – ايەل سپورتشىلاردىڭ سالىستىرماسى جەكە – جەكە %50 بولادى. بۇدان سىرت، شاعىن تۇرلەردىڭ ورنالاستىرىلۋى جاعىندا، پاريج وليمپيادا سپورت جارىسىندا ەر - ايەل ارالاس قاتىناساتىن تۇرلەر توكيو وليمپيادا سپورت جارىسىنداعى 18 دەن 22 گە كوبەيتىلەدى.
«تۇرلەردىڭ بۇلاي ورنالاستىرىلۋى 2024 ـ جىلعى پاريج وليمپيادا سپورت جارىسى كەزىندە ىندەتتەن كەيىنگى دۇنيە ءجۇزىنىڭ جاعدايىنا اناعۇرلىم ويداعىداي ۇيلەسۋ ءۇشىن بولىپ تابىلادى. ءبىز جارىس وتكىزۋدىڭ وزىندىك قۇنىن ونان ارى ازايتىپ، جارىستى وڭتايلاندىرىپ وتكىزەمىز». باح ماجىلىستەن كەيىنگى اقپار جاريالاۋ ماجىلىسىندە مىنانى ءبىلدىردى: تاياپ قالعان توكيو وليمپيادا سپورت جارىسىندا ءبىز جىنىس پارقىنىڭ تەڭدىگىن جۇزەگە اسىرامىز. ال پاريج وليمپيادا جارىسى تاريحتاعى ەر - ايەل سپورتشىلاردىڭ سانى تەڭ بولعان تۇڭعىش وليمپيادا سپورت جارىسىنا اينالادى.
جاستاردى ىشكە تارتۋ، جاستاردىڭ اۋەسىنە نازار اۋدارۋ حالىقارالىق وليمپيادا كوميتەتىنىڭ قازىرگى قىزمەت باعىتىنىڭ ءبىرى سانالادى، بۇل ءتۇيىندى جاڭادان قوسىلعان 4 ۇلكەن تۇردەن – اق اڭعارۋعا بولادى. سوندىقتان پاريج وليمپيادا جارىسىندا قالا سپورتى ۇعىمى اناعۇرلىم دارىپتەلەدى، سىرعىما تاقتاي، قۇزعا شىعۋ جانە برەيك ءبيى سپورتتىڭ وسى كاتەگورياسىنا ءتان.
پاريج وليمپيادا سپورت جارىسىن ۇيىمداستىرۋ كوميتەتى جوعارىداعى ءۇش نىسان وتكىزىلەتىن ورىن پاريج قالاسىنىڭ ورتالىعىنا ورنالاسقان سەلبەستىك الاڭىندا بولاتىنىن بەلگىلەدى. ال تولقىن قۋۋ جارىسى فرانسيادان 15 مىڭ كيلومەتر قاشىقتىققا ورنالاسقان تىنىق مۇحيتتاعى شاعىن ارال تايتيدا وتكىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
