مەملەكەتتىك دەنە تاربيە سارايلارىن وزگەرتىپ سالۋ اياقتاپ، جارىس وتكىزۋ شارت – جاعدايى ازىرلەندى
2020.12.21 15:42 كەلۋ قاينارى : حالىق تورابى
حالىق گازەتىنىڭ ءتىلشىسى حى يۇڭنىڭ 12 – ايدىڭ 20 – كۇنى بەيجيڭنەن بەرگەن حابارى. ءتىلشىنىڭ بەيجيڭ قالالىق كەلەلى نىساندار قۇرىلىسىنا قولباسشىلىق ەتۋ شتاپ كەڭسەسىنەن ۇعىسۋىنشا، بەيجيڭ 2022 – جىلعى قىسقى وليمپياداسىنىڭ الاڭدارى مەن سارايلارى بولاتىن مەملەكەتتىك دەنە تاربيە سارايلارىن وزگەرتىپ سالۋ قۇرىلىسى اياقتاعان. وزگەرتىلىپ سالىنعاننان كەيىنگى الاڭدار مەن سارايلاردىڭ جالپى كولەمى 98 مىڭ شارشى مەتر بولىپ، وليمپيادا جارىستارىنىڭ ولشەمىنە تولاتىن مۇز دوپقا ارنالعان مۇز ايدىنىنان ەكەۋى ورنالاستىرىلعان، مۇنىڭ بىرەۋى قىسقى وليمپيادا مەزگىلىندە رەسمي جارىستار وتكىزۋگە پايدالانىلادى، ەندى بىرەۋى جارىس الدىنداعى جاتتىعۋعا، دەنە قىزدىرۋعا قولدانىلادى. قازىر اتالعان سارايدا جارىس وتكىزەتىن شارت – جاعداي ازىرلەنىپ بولعان ءارى كەلەسى جىلى 1 – ايدان باستاپ العاش رەتكى مۇز قاتىرۋ جۇمىسى ورىندالىپ بولادى.
مەملەكەتتىك دەنە تاربيە سارايى بەيجيڭ 2022 – جىلعى قىسقى وليمپياداسىنىڭ مۇز دوپ جارىسىن وتكىزۋ مىندەتىن ۇستىنە الادى. بەيجيڭ قالالىق ءىرى نىساندار كەڭسەسى قالا رايونىنداعى الاڭدار مەن سارايلار قۇرىلىسى باسقارماسىنىڭ باستىعى حۋاڭ حۇيدىڭ تانىستىرۋىنشا، بۇل رەت نەگىزگى سارايعا وزگەرىس ەنگىزۋدەن سىرت، مۇز جاساۋ فۋنكتيساسى مەن قۇرعاتۋ جۇيەسى ارتتىرىلعان، مۇنان سىرت، سولتۇستىك مۇيىسىنەن جاتتىعۋ رەتىندە پايدالانىلاتىن مۇز دوپ الاڭى جاڭادان سالىنعان ءارى كيىم اۋىستىرۋ بولمەسى قاتارلى قۇرىلعىلار قوسىلعان.
جۇڭگو قۇرىلىس 2 – مەكەمەسى 3 – سەرىكتەستىگىنىڭ نىسان ديرەكتورى جاڭ شۋميڭ بىلاي دەپ تانىستىردى: مۇز دوپ سپورتىنىڭ وزىندىك ەرەكشەلىگى بار، مىسالى، سپورت كيىمدەرىن قۇرعاتىپ وتىرۋ قاجەت، كونكيدى ۇنەمى مايدالاپ، تۇزەپ وتىرۋ قاجەت، مۇنىڭ ءبارى سپورتشىلاردىڭ كيىم الماستىرۋ ءۇيىن سالۋعا قويىلاتىن تالاپتى اناعۇرلىم جوعارىلاتادى. مەملەكەتتىك دەنە تاربيە سارايى بۇكىلدەي جاڭارتىلعان قۇرىلعىلار فورماسىنداعى كيىم اۋىستىرۋ بولمەسىن جوبالاعان، تۇتاس كيىم الماستىرۋ بولمەسى 14 كورپىستەن قۇرالادى، ءاربىر كيىم الماستىرۋ كورپىسىىندە سپورتشىلاردىڭ كونكي مايدالاۋ بولمەسى، ساقتاۋ بولمەسى، تازالىق بولمەسى، مونشا، ۋقالاۋ بولمەسى، ساباق بولمەسى، كيىم الماستىرۋ بولمەسى قاتارلىلاردان بىردەن ورنالاستىرىلعان.
سونىمەن بىرگە، كيىم الماستىرۋ بولمەسىنىڭ بەيجيڭ قىسقى وليمپياداسى سپورتشىلارىنىڭ پايدالانۋ قاجەتىن قاناعاتتاندىرۋمەن بىرگە، وليمپيادانىڭ باياندى دامۋ تانىمىنا سايكەسۋىنە كەپىلدىك ەتۋ ءۇشىن، قۇرىلىس سالۋشىلار سايكەستىرىلگەن فورماداعى جۇك قورابىندىق مۋدۋلداندىرۋ قولونەرىنەن پايدالانعان، اتاپ ايتقاندا، كيىم الماستىرۋ بولمەسىنىڭ نەگىزگى تۇلعالىق قۇرىلىمى مەن بولشەكتەرى تۇگەلدەي ولشەمدەندىرىلگەن جوبالاۋ بويىنشا، زاۆودتاندىرىلعان ءوندىرىس تاسىلىمەن جاسالعان، ناق مايداندا قۇراما قوبديشالاردى قۇراستىرعان سياقتى قۇراستىرىپ شىعۋعا بولادى. جارىستان سوڭ، ءاربىر كيىم اۋىستىرۋ كورپىسىن ءبىر – بىرىنەن دەربەس 8 قوبديشاعا اينالدىرۋعا نەمەسە قاجەتكە قاراي قايتادان قۇراستىرىپ، جاڭا ءبىر بولمە جاساپ شىعۋعا، قايتالاي پايدالانۋ مولشەرىن %95 تەن اسىرۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
