بەتتى ساقتاۋ |باس بەت قىلۋ |ءبىز تۋرالى|حابارلاسىڭىز|حات ساندىعى
ورتالىق ءتارتىپ تەكسەرۋ كوميتەتى جۇڭگو كوممۋنيستىك پارتياسىنىڭ 90 جىلدان بەرگى ءىرىپ-شىرۋگە قارسى تۇرىپ، پاكتىكتى دارىپتەۋ قۇرىلىسى جاعدايىن مالىمدەدى (ورتالىق كوميتەت سىرتقى ۇگىت كەڭسەسىنىڭ اقپار جاريالاۋ ماجىلىسىندە)
وتكەن جىلى مەملەكەت بويىنشا 146 مىڭ ادامعا پارتيا ءتارتىبى مەن اكىمشىلىك ءتارتىپ بويىنشا شارا كورىلدى
2011.06.23 12:57     كەلۋ قاينارى : حالىق تورابى
{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ  
      
شينحۋا اگەنتتىگىنەن

  وزەكتى ەسكەرتپە

  ج ك پ ورتالىق كوميتەتى سىرتقى ۇگىت كەڭسەسىنىڭ 22-ماۋسىمداعى اقپار جاريالاۋ ماجىلىسىندە، ورتالىق ءتارتىپ تەكسەرۋ كوميتەتىنىڭ ورىنباسار شۋجيى، اقپارات جارشىسى ۋ يۇيلياڭ جۇڭگو كوممۋنيستىك پارتياسىنىڭ قۇرىلعاننان بەرگى ءىرىپ-شىرۋگە قارسى تۇرىپ، پاكتىكتى دارىپتەۋ قۇرىلىسى جاعدايىن تانىستىردى، ءارى ۇكىمەت اۆتوموبيلدەرىن رەتكە سالۋ، ءمانساپتىلاردىڭ مال-مۇلكىن مالىمدەۋ سياقتى ماسەلەلەر جونىندە تىلشىلەردىڭ سۇراۋىنا جاۋاپ قايتاردى.

  ۋ يۇيلياڭ بىلاي دەدى: جۇڭگو كوممۋنيستىك پارتياسى ءىرىپ-شىرۋگە قارسى تۇرۋعا ەرتەدەن ءمان بەرىپ كەلدى، ءىرىپ-شىرۋگە قارسى تۇرىپ، پاكتىكتى دارىپتەۋ تالابىن توڭكەرىستىك سوعىس مەزگىلىندە دە پارتيا ىستەرى مەن پارتيا قۇرىلىسىنىڭ ءارقايسى جاقتارىندا دايەكتىلەندىرىپ، پارتيانىڭ جاڭا دەموكراتيالىق توڭكەرىستىڭ ۇلى جەڭىسىنە قول جەتكىزۋىن پارمەندى كەپىلمەن قامدادى. جۇڭحۋا حالىق رەسپۋبليكاسى قۇرىلعاننان كەيىن، جۇڭگو كوممۋنيستىك پارتياسى ”ۇشكە قارسى تۇرۋ“، ”بەسكە قارسى تۇرۋ“ ناۋقانىن دەركەزىندە ورىستەتىپ، قيانات ەتۋ، ءىرىپ-شىرۋ جايىتىن باتىل الاستادى، ليۋ چيڭشان، جاڭ زىشان قاتارلى ءبىر توپ ازعىنداۋشىلاردى قاتاڭ جازالاپ، پارتيا ءتارتىبى مەن مەملەكەت زاڭىن قاتايتتى؛ پارتيانىڭ ءتارتىپ تەكسەرۋ ورگانى مەن مەملەكەتتىڭ باقىلاۋ-تەكسەرۋ ورگانىن قۇرىپ، پارتيالى كادىرلاردى باقىلاۋدى كۇشەيتتى.

  ۋ يۇيلياڭ بىلاي دەدى: رەفورما جاساپ، ەسىك اشقان 30 نەشە جىلدان بەرى، وتە-موتە 21-عاسىرعا قادام تاستاعاننان بەرى جۇڭگو كوممۋنيستىك پارتياسىنىڭ ءىرىپ-شىرۋگە قارسى تۇرۋ، پاكتىكتى دارىپتەۋ قۇرىلىسى كورنەكتى ناتيجەلەرگە قول جەتكىزدى، اسىرەسە مىناداي ءۇش ءتۇرلى جاقتان ەلەۋلى ىلگەرىلەۋشىلىكتەرگە قول جەتتى: ءبىرىنشى، تارتىپكە، زاڭعا قايشى دەلولاردى قاتاڭ تەكسەرىپ، ءبىرجاقتىلى ەتىپ، ءىرىپ-شىرۋدى جازالاۋ-جونگە سالۋ تەبىنىن ارتتىردى. 2010-جىلى بۇكىل ەل بويىنشا ءتارتىپ تەكسەرۋ جانە باقىلاۋ ورگاندارى جالپى 139621 دەلو تۇرعىزىپ، ونىڭ 139482 سىن قاراپ اياقتاتتى، 146517 ادامعا پارتيا ءتارتىبى، اكىمشىلىك ءتارتىبى جازاسىن بەرىپ، 5373 قىلمىس كۇماندىسىن ءادىليا ورگاندارىنىڭ ءبىرجاقتىلى ەتۋىنە جوتكەدى. ەكىنشى، تاربيە بەرۋدى كۇشەيتىپ، ءتۇزىمدى اقاۋسىزداندىرىپ، باقىلاۋدى نىعايتىپ، ءىرىپ-شىرۋ قۇبىلىسىنىڭ تۋىلۋىنان ءونىمدى ساقتاندى. ءۇشىنشى، ءىرىپ-شىرۋگە قارسى تۇرۋ جونىندەگى حالىقارالىق سەلبەستىك پەن اۋىس-كۇيىستى كۇشەيتىپ، ءىرىپ-شىرۋ ارەكەتىنە بىرلىكتە سوققى بەردى. كەزەكتە ورتالىق ءتارتىپ تەكسەرۋ كوميتەتى مەن باقىلاۋ مينيسترلىگى 80 گە جۋىق ەلدىڭ جانە رايوننىڭ ءىرىپ-شىرۋگە قارسى تۇرۋ قۇرىلىمدارىمەن دوستىق قاتىناس ورناتتى.

  ءتىلشىمىز جياڭ جيە حابارلايدى

  «حالىق گازەتى» (2011-جىلى 23-ماۋسىم، 16-بەت)

  (ورتالىق ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى

  تولىق مازمۇنى:

  http://paper.people.com.cn/rmrb/html/2011-06/23/nw.D110000renmrb_20110623_1-16.htm?div=-1
جاۋاپتى رەداكتورى : اسقار جاڭابەك ۇلى
حابارلار
كوپ مەديا
ۇلتتىق مانەر
تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ ىستەتۋگە بولمايدى
Copyright © 1997-2010 by www.people.com.cn. all rights reserved